Jiji la Dodoma kuanza ujenzi wa Jengo Jumuishi Kituo cha Afya Makole

By Halmashauri ya Jiji la Dodoma

Na. Faraja Mbise, MAKOLE

Halmashauri ya Jiji la Dodoma inatarajia kuanza ujenzi wa Jengo Jumuishi katika Kituo cha Afya Makole ambao unatarajiwa kuanza tarehe 27 Januari, 2025 chini ya Mkandarasi Mohanmmedi Builders Limited.




Akizungumzia kuhusu huduma zitakazokuwa zinapatikana katika jengo hilo jumuishi Mganga Mfawidhi wa Kituo cha Afya Makole, Dkt. Revocatus Baltazary alisema zitapatikana huduma mbalimbali kwa ajili ya kukidhi huduma zote za kiafya. “Jengo hili linaenda kujibu yote hayo, kwasababu huduma zitakazoenda kupatikana ni huduma za ‘emergency’, radiolojia, maabara, vyumba vya madaktari vitaongezwa. Pia kuna wodi za kulaza watoto chini ya umri wa miaka mitano, magonjwa ya ndani kwa wanawake na wanaume. Vilevile, wodi za upasuaji na ‘floor’ ya wakina mama wajawazito” alisema Dkt. Baltazary.

Sambamba na hilo, alisema kuwa lengo hasa la kujenga jengo hilo ni kukosekana kwa baadhi ya huduma kama ‘emergency’, huduma za kulaza, na jengo la upasua. “Jengo hili linajengwa kutokana na baadhi ya huduma zinazokosekana katika Kituo cha Afya Makole ikiwepo huduma za ‘emergency’, huduma za kulaza, lakini pia ‘theatre’ ipo moja na pia wodi za upasuaji. Kwahiyo, jengo hili linaenda kujibu yote hayo”.

Kwa upande wake Mhandisi wa Jiji, Nicodemus Kileo, alisema kuwa wanatarajia utekelezaji wa mkataba wa ujenzi huo utakamilika ndani ya wakati uliopangwa. Pia alimshukuru Rais wa Jamhuri ya Muungano wa Tanzania kwa ajili ya kutoa fedha ya ujenzi wa vituo vya Afya. “Ni matarajio yetu kwamba, utekelezaji wake utaenda ‘smooth’ na utakamilika ndani ya ule muda uliopangwa na tunategemea usizidi. Tunamshukuru Mheshimiwa Rais kwa fedha ambazo zimetolewa ikiwa na lengo la kukidhi haja na mahitaji ya mji inayopelekea kuwa na changamoto kubwa ya masuala ya kiafya” alisema Mhandisi Kileo.

Nae, Mkandarasi kutoka Mohammedi Builders Limited, Meneja Mohammed Jafferji, alisema kuwa, anategemea kukamilisha ujenzi wa mradi huo kabla ya muda uliopangwa. “Tunategemea kuanza ujenzi kuanzia Jumatatu tarehe 27 Januari, 2025 na itatuchukua mwaka mmoja kukamilisha mradi huo kama ‘contract’ inavyosema. Lakini tutajitahidi kukamilisha na kuumaliza kabla ya wakati uliopangwa” alisema Meneja Jafferji.

Mradi wa ujenzi wa Jengo Jumuishi Kituo cha Afya Makole unasimamiwa na Mkandarasi Mohammedi Builders Limited, ambapo amekabidhiwa eneo siku ya tarehe 24 Januari, 2025. Mkataba huo ulisainiwa tarehe 17 Januari, 2025 na utadumu kwa muda wa miezi kumi na miwili.

MWISHO

 

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more