Uboreshaji daftari la wapiga kura chini ya dakika 5

By Halmashauri ya Jiji la Dodoma

Na. Dennis Gondwe, DODOMA

 

WANANCHI katika Halmashauri ya Jiji la Dodoma wameshauriwa kufika katika vituo vya kuandikishia wapiga kura ili kujiandikisha na kuboresha taarifa zao katika daftari la kudumu la wapiga kura mapema kwa sababu zoezi linafanyika chini ya dakika tano.


Faraja Mbise baada ya kujiandikisha


Ushauri huo ulitolewa na Faraja Mbise, mkazi wa Mtaa wa Chang’ombe, Kata ya Ihumwa, Halmashauri ya Jiji la Dodoma alipofanya mahojiano maalum baada ya kujiandikisha katika daftari la kudumu la wapiga kura katika Kituo cha Shule ya Msingi Msuguri.

Mbise alisema “wito wangu kwa wananchi ambao bado hawajafika katika vituo vyao vya kujiandikisha, wafike mapema kwa sababu zaidi ya siku ya leo zitakuwa zimebaki siku mbili tu. Wajitokeze kwa wingi kujiandikisha kwa sababu zoezi linaenda vizuri sana na kwa haraka. Ni zoezi ambalo halichukui hata zaidi ya dakika tano”.

Aidha, akiongelea utendaji wa maafisa uandikishaji, alisema kuwa wanafanya kazi vizuri. “Maafisa uandikishaji wamejipanga vizuri. Wanatoa huduma vizuri wanapokea watu vizuri sana wanauliza maswali vizuri na utaratibu ni mzuri, kuna upishano wa haki kati na wanawake kwa wanaume” alisema Mbise.


Faraja Mbise akiongelea utendaji wa maafisa uandikishaji


Kuhusu sababu za yeye kuwahi zaidi kituoni, alisema kuwa ana majukumu mengine ya kikazi. “Katika kituo nilichojiandikisha nilikuwa mwananchi wa tatu. Niliwahi mapema zaidi kujiandikisha ili kuhofia foleni hapo baadae ili niwe wa mwanzo kuhudumiwa na kuendelea majukumu mengine ya kazi. Hivyo, wananchi ambao bado hawajaenda vituoni kufanya hivyo, mapema na kuendelea na majukumu mengine kwa sababu muda wa kuhudumiwa ni mfupi sana” alisisitiza Mbise.

Leo ni siku ya tano tangu kuanza kwa zoezi la uboreshaji wa daftari la kudumu la wapiga kura katika Halmashauri ya Jiji la Dodoma ukihusisha usajili wa wapiga kura wapya waliotimiza umri wa miaka 18, kurekebisha, kubadili taarifa au kuhama kituo chini ya kaulimbiu “Kujiandikisha, Kuwa Mpiga Kura ni Msingi wa Uchaguzi Bora”

MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more