Vijana wahamasishwa kujiandikisha Daftari la Kudumu la Wapiga kura

By Halmashauri ya Jiji la Dodoma


Na. Dennis Gondwe, DODOMA MAKULU

VIJANA wameshauriwa kujitokeza kwa wingi kujiandikisha katika daftari la kudumu la wapiga kura katika Halmashauri ya Jiji la Dodoma ili waweze kushiriki zoezi la Uchaguzi Mkuu wa Rais, Wabunge na Madiwani.


Magdalena Samwel, mkazi wa Mtaa wa Mwangaza Kata ya Dodoma Makulu


Ushauri huo ulitolewa na Magdalena Samwel, mkazi wa Mtaa wa Mwangaza Kata ya Dodoma Makulu, Halmashauri ya Jiji la Dodoma muda mfupi baada ya kujiandikisha katika daftari la kudumu la wapiga kura kwenye kituo kilichopo Shule ya Sekondari Kisasa leo asubuhi.

Samwel alisema “leo nimewahi hapa kituoni kwa ajili ya kujiandikisha kwenye daftari la kudumu la mpiga kura ili niwahi kazini. Nimejiandikisha nikiwa mtu wa pili, ulinitangulia wewe ndugu mwandishi. Nimekuja ili nipate uhalali kwa kushiriki uchanguzi mkuu ujao kama mtanzania”.

Aidha, alitoa wito kwa vijana kujitokeza kwa wingi kujiandikisha katika daftari la kudumu la wapiga kura. “Napenda kuwashauri vijana wajitokeze kwa wingi ili waje kujiandikisha na kuboresha taarifa zao ili wapata kitambulisho kitakachowasaidia katika kushiriki uchanguzi mkuu ujao” alisema Samwel.

Wakati huohuo, Halima Shaban, mkazi wa Mtaa wa Mwangaza, Kata ya Dodoma Makulu baada ya kujiandikisha akiwa mtu wa tatu alisema kuwa zoezi hilo litawawezesha kushiriki katika kuwachagua viongozi ambao ni Rais, Wabunge na Madiwani. “Nimekuja kujiandikisha hapa ili nipate kitambulisho ambacho kitaniwezesha kushiriki uchaguzi na kuchagua Rais, Wabunge na Madiwani. Hivyo, niwashauri vijana wenzangu ambao bado hawajafika katika vituo kufika na kujiandikisha” alisema Shaban.


Halima Shaban, mkazi wa Mtaa wa Mwangaza, Kata ya Dodoma Makulu


Leo ni siku ya tano tangu kuanza kwa zoezi la uboreshaji wa daftari la kudumu la wapiga kura katika Halmashauri ya Jiji la Dodoma ukihusisha usajili wa wapiga kura wapya waliotimiza umri wa miaka 18, kurekebisha, kubadili taarifa au kuhama kituo chini ya kaulimbiu “Kujiandikisha, Kuwa Mpiga Kura ni Msingi wa Uchaguzi Bora”.




MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more