Jiji la Dodoma lakusanya 103% mapato ya ndani 2023/2024

By Halmashauri ya Jiji la Dodoma

Na. Dennis Gondwe, DODOMA

HALMASHAURI ya Jiji la Dodoma imefanikiwa kukusanya fedha za mapato ya ndani shilingi 51,402,342,226 sawa na asilimia 103 ya lengo la mwaka wa fedha 2023/2024 wakati ikipeleka fedha nyingi kwenye miradi ya maendeleo.

Katibu wa Mkutano wa Baraza la Madiwani wa Halmashauri ya Jiji la Dodoma, John Kayombo


Kauli hiyo ilitolewa na Katibu wa Mkutano wa Baraza la Madiwani wa Halmashauri ya Jiji la Dodoma, John Kayombo wakati wa Mkutano wa Baraza la Madiwani wa kupokea na kujadili taarifa za utendaji kazi kwa kipindi cha robo ya nne (Aprili-Juni, 2024) uliofanyika katika ukumbi wa mikutano wa Halmashauri ya Jiji la Dodoma.

Kayombo ambae ni Mkurugenzi wa Halmashauri ya Jiji la Dodoma alisema kuwa bajeti ya mapato ya ndani ya mwaka 2023/2024 ilikuwa shilingi 50,097,458,280. Fedha iliyokusanywa ni shilingi 51,402,342,226 sawa na asilimia 103. Alisema kati ya fedha hizo za mapato ya ndani, asilimia 73.4 ilipelekwa kwenye utekelezaji wa miradi ya maendeleo na asilimia 26.6 ikienda kwenye matumizi mengineyo.

Katika hatua nyingine Mkurugenzi Kayombo alilipongeza Baraza la Madiwani kwa kutenga na kutoa fedha za fidia. “Mheshimiwa mwenyekiti, nilipongeze Baraza la Madiwani kwa kutenga na kutoa fedha. Wananchi 357 wamelipwa fidia ndani ya kipindi cha miezi sita kiasi cha shilingi bilioni 3.2 kati ya shilingi bilioni 3.4 zilizotengwa. Hatuna upungufu wa kulipa fidia, ni maelekezo ya Chama Cha Mapindzi ngazi ya wilaya na mkoa” alisema Kayombo kwa kujiamini.

Wakati huohuo, aliutaarifu mkutano huo kuwa halmashauri imenunua magari mawili kwa ajili ya kusafisha barabara. Alisema kuwa gari moja lina uwezo wa kufagia barabara kisha mchanga unaofagiliwa ukafyonzwa. Gari la pili linauwezo wa kudeki barabara kwa presha ya maji. Alisema kuwa magari hayo yamenunuliwa kwa mapato ya ndani ya Halmashauri ya Jiji la Dodoma.

Ikumbukwe kuwa mwaka wa fedha 2022/2023 Halmashauri ya Jiji la Dodoma ilikusanya asilimia 80.6 ya mapato ya ndani.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more