Ujenzi wa Kituo Kipya cha Afya Chang'ombe kusaidia wananchi zaidi ya 200 kwa siku

By Halmashauri ya Jiji la Dodoma

Na. John Masanja, CHANG’OMBE

Wananchi wa Kata ya Chang’ombe waishukuru Serikali ya Awamu ya Sita kwa kupunguza kadhia ya upatikanaji wa huduma za afya kupitia ujenzi wa Kituo kipya cha Afya Chang’ombe.

 

Diwani wa Kata ya Chang’ombe, Bakari Fundikila akifafanua jambo


Akizungumza katika mahojiano maalum na wanahabari, Diwani wa Kata ya Chang’ombe, Bakari Fundikila alisema kuwa ujenzi wa kituo hicho uliogharimu zaidi ya shilingi Milioni 500 umekuwa na msaada mkubwa kwa wakazi wa kata hiyo. Kituo hicho ni msaada pia kwa wananchi wa maeneo ya pembezoni kwakuwa awali walikuwa wanatembea umbali mrefu kutafuta huduma za kiafya.

 

Diwani Fundikila alisema kuwa kwasasa kituo hicho kinaendelea kutoa huduma mbalimbali za kawaida na za kibingwa kwa wananchi. Alisema kuwa kabla ya ujenzi wa kituo hicho huduma hizo walikuwa wakizifuata katika hospitali kubwa zilizo mbali ikiwemo Hospitali ya Mkoa wa Dodoma.

 

“Ukienda kutazama taarifa za wagonjwa, utakuta kwa siku kituo hiki kinahudumia wagonjwa zaidi ya 200. Kwetu sisi ni jambo la kushukuru sana kwa kujengewa kituo hiki cha afya” alisema Diwani Fundikila.

 

Aidha, alizitaja baadhi ya huduma za kibingwa zinazotolewa kituoni hapo kuwa ni matibabu ya meno pamoja na huduma za uzazi kwa wanawake ambazo awali hazikuwepo. Hivyo, alitoa rai kwa wananchi kufika na kupata huduma kituoni hapo.

 

Kwa upande mwingine Diwani Fundikila alimshukuru Rais, wa Jamhuri ya Muungano wa Tanzania, Dkt. Samia Suluhu Hassan kwa kutoa fedha, shilingi Milioni 265 katika kukamilisha ujenzi wa Kituo cha Polisi cha daraja “C” kinachojengwa katika Kata ya Chang’ombe.

 

“Awali, wazo la ujenzi wa kituo hiki cha Polisi kiliibuliwa na wananchi na ndipo walianza kukijenga na baadae tulipoomba fedha serikalini, takapatiwa kiasi cha shilingi Milioni 265 ili kuhakikisha ujenzi huu unakamilika na matengemeo yetu, mpaka ifikapo mwishoni mwa mwaka kitakuwa kimekamilika” alisema Diwani Fundikila.

Akihitimisha mahojiano yake na wanahabari alitoa rai kwa wananchi kuendelea kuunga mkono jitihada za Rais wa Jamhuri ya Muungano wa Tanzania anazozifanya katika ujenzi wa miradi na uboreshaji wa huduma mbalimbali kwa kutunza miundombinu hiyo ili itumike kwa muda mrefu.

 

Nae, Gerald Pater, Mkazi wa Kata ya Chang’ombe aliishukuru Serikali ya Awamu ya Sita kwa ujenzi wa kituo cha afya na kusema kuwa atahakikisha anatoa elimu kwa wananchi wenzake kuhusu jitihada hizo. Alisema pia ili kituo hicho kidumu ni wajibu wa kila mwananchi kukitunza.

 

“Kwa upande wangu nafurahia ujenzi huu wa Kituo cha Afya Chang’ombe kwa kuwa hadi sasa kimeturahisishia wananchi kupata huduma za kiafya kwa haraka na wepesi ukilinganisha na hali iliyokuwa awali” alisema Grace Chatanda Mkazi wa Chang’ombe.

 

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more