Msalato washauriwa kuwekeza kwenye Lishe ya watoto

By Halmashauri ya Jiji la Dodoma

Na. Dennis Gondwe, MSALATO

WAKAZI wa Kata ya Msalato wametakiwa kuwajenga watoto kiafya kwa kuwaandalia lishe bora ili kujenga taifa imara lenye uwezo wa kifikra na uchapaji kazi kwa ajili ya kuliletea maendeleo.

Mwenyekiti wa Umoja wa Wanawake Tanzania wa Chama Cha Mapinduzi (UWT) Mkoa wa Dodoma, Mwl. Neema Majula


Kauli hiyo ilitolewa na Mwenyekiti wa Umoja wa Wanawake Tanzania wa Chama Cha Mapinduzi (UWT) Mkoa wa Dodoma, Mwl. Neema Majula alipokuwa akiongea wakazi wa Kata ya Msalato kwenye maadhimisho ya kuelekea siku ya wanawake duninia ngazi ya kata yaliyofanyika katika Zahanati ya Msalato iliyopo Halmashauri ya Jiji la Dodoma.

Mwl. Majula alisema “ndugu zangu hali ya lishe ni muhimu sana kwa watoto wetu. Tunapoanza kuwajenga watoto hawa wadogo wawe na lishe bora ndiyo tunajenga kizazi bora cha taifa hili. Tunakuwa tunawekeza kwenye afya na akili za watoto ambao baadae wanapoendelea kukua watakuwa wachapa kazi na wenye uwezo mzuri wa fikra na hivyo, kujiletea maendeleo yao na maendeleo ya taifa letu”.

Akiongelea maadhimisho ya kuelekea kilele cha siku ya wanawake duniani, alisema kuwa yanalenga kumhamasisha mwanamke kuchukua hatua kubwa zaidi ya kimaendeleo kuanzia kisiasa, kijamii hadi kiuchumi.

“Hakuna maendeleo yoyote yatafanyika bila kuwa na afya njema. Tukijenga jamii yenye afya nzuri ndiyo, jamii itaweza kufanya shughuli za maendeleo. Kuanzia kwa watoto wetu ili wasipate udumavu, ili wasipate utapiamlo tukianza kuwanjenga tangu wakiwa wadogo ili wawe na afya njema ndivyo tunajenga kizazi chenye afya njema ambacho kitafanya shughuli za maendeleo” alisema Mwl. Majula.

Uploading: 3110100 of 3110100 bytes uploaded.


Lishe ya watoto iende sambamba na lishe ya wababa. “Sasa tujikite kwenye lishe ya watoto wetu, na mimi nipanua kidogo, jamani mpaka lishe ya wababa pia kina mama tufanye. Sisi ndiyo waandaaji wa chakula nyumbani tunahitaji kuanadaa lishe kamili nyumbani, tuweke mchanganyiko wa lishe kamili, wanga, vitamini, protini ukijenga familia ambayo ina afya njema ndiyo itaweza kuwaza mambo ya maendeleo” alisisitiza Mwl. Majula.

Kwa upande wa Mganga Mfawidhi wa Zahanati ya Msalato, Dkt. Abusalami Mpamba alisema kuwa amefurahishwa na ziara hiyo kujionea utekelezaji kwa vitendo zoezi la kuwapikia watoto chakula chenye lishe bora. “Mheshimiwa mgeni rasmi, mtoto ukimlea vizuri akiwa na afya bora ndiyo taifa la kesho. Kwa hiyo, wanawake waliopata elimu leo itaweza kutusaidia kupata watoto bora na watakaosoma vizuri, vichwa vyao vitakuwa na akili nzuri kwa sababu wana afya nzuri. Mimi nikupongeze wewe mgeni rasmi kwa uamizi wako. Umeona tumewaelekeza kwa vitendo jinsi chakula kinavyoandaliwa, umeona na jinsi wanavyopewa na umeshuhudia watoto wanavyokula hii ni faraja sana kwetu” alisema Dkt. Mpamba.

Uploading: 2743332 of 2743332 bytes uploaded.


Awali akitoa elimu ya lishe kwa akina mama waliohudhuria kliniki katika zahanati ya msalato Afisa maendeleo ya jamii kata ya msalato, Alfrida Kitandala alisema kuwa lishe bora ni muhimu kwa mtoto kwa sababu inamsaidia kuwa na uwezo mzuri wa kufikiri.

“Kina mama nawahusia juu ya suala la lishe bora, siyo uji tu kwa mtoto bali ni mchanganyiko wa vyakula vingi, kuna matunda, kuna madini na vitamini ambazo ni mboga za majini. Suala la maji ni muhimu kwa watoto wetu, lakini pia kuna vyakula vya mafuta kama karanga na mafuta tunayotumia. Hivyo, tujitahidi sana kuzingatia lishe kwa watoto wetu ili iwasaidie hata kufikiria kwao shuleni na katika maisha ya kawaida” alisema Chitandala.

Uploading: 3306087 of 3306087 bytes uploaded.


Nae mzazi, Jailes Felix alishukuru kwa elimu waliyopewa juu ya lishe kwa watoto. “Nilikuwa namtania Afisa Afya wa kata kwamba zoezi hili ziwe endelevu lituhamasishe tuwe tunakuja kliniki mara kwa mara, maana kina mama wengine kuja kliniki huwa ni nadra sana. Hivyo, Mungu azidi kuwabariki nina hakika tumeelewa sana kile tulichofundishwa leo na tunakwedna kufanyia kazi” alisema Felix.



Maadhimisho ya siku ya wanawake Kata ya Msalato yalifanyika kwa kutoa elimu ya lishe bora kwa wanawake na hamasa ya kujishughulisha yakifanyika katika Zahanati ya Msalato inayozungukwa na mitaa sita ikikadiriwa kuhudumia watu 11,000.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more