TTB NI NGUZO YA KUTANGAZA UTALII

By Halmashauri ya Jiji la Dodoma

 

Waziri wa Maliasili na Utalii Mhe. Mohamed Mchengerwa amesema Bodi ya Utalii (TTB) ndiyo nguzo muhimu katika kutangaza na kuvutia watalii kutembelea Nchi yetu sanjari na kuongeza mapato yatokanayo na Sekta ya Utalii. 



Mhe. Mchengerwa ameyasema hayo leo wakati wa uzinduzi wa Bodi za Wakurugenzi za TTB na Hifadhi ya Taifa (TANAPA) uliofanyika katika Ukumbi wa Kimataifa wa Mikutano wa AICC jijini Arusha na kuitaka TTB kuanza mikakati ya kubaini fursa za uwekezaji kwenye utalii.

Amesema kuwa Serikali ipo katika kufanya mapitio ya sheria ambayo itawapa mamlaka TTB kuhakikisha kwamba wanaishauri vyema kwenye eneo la uwekezaji kwenye sekta ya utalii. 

“TTB mtakuwa na kazi kubwa ya kufanya kuhakikisha kuna nyongeza ya ujenzi wa hoteli mbalimbali, nyongeza ya vyumba na kufikiria kuwekeza kwenye maeneo mbalimbali ya ufukwe au kwenye visiwa” amesema Mhe Mchengerwa

Amesema kuwa kwenye suala la uwekezaji wanatambua hadi leo hii idadi ya vyumba vilivyopo nchini kwa ajili ya watalii ni ndogo sana ambavyo ni 120,000 ukilinganisha na nchi jirani ya Kenya yenye vyumba zaidi ya milioni 1,500,000. 

Naye Mwenyekiti wa Bodi ya Wakurugenzi ya TTB, Dkt Mohamed Dau amemshukuru Mhe. Rais wa Jamhuri ya Muungano wa Tanzania Dkt. Samia Suluhu Hassan kwa imani aliyoionesha na kumpa nafasi ya kuwa Mwenyekiti wa Bodi ya TTB.



Dkt. Dau amesema kuwa takwimu zinaonesha bara la Asia ndilo lina watu wengi ambapo kunahitaji kuweka mkazo wakutangaza Utalii kwenye Bara la hilo kwasababu huko ndiko watalii wengi wapo ili kuweza kuongeza idadi ya watalii kuja Tanzania.

Mkurugenzi  Mkuu wa Bodi ya Utalii Tanzania, Bw. Damasi Mfugale amesema TTB itaendelea kubuni mikakakati mbalimbali yenye lengo la kuimarisha uhifadhi, utangazaji na uendelezaji wa Sekta ya Utalii nchini.

Amesema kuwa mikakakti hiyo itazingatia mawazo na miongozo itakayotolewa na bodi za wakurugenzi.

Mwenyekiti wa Kamati ya Ardhi, Maliasili na Utalii, Mhe. Timotheo Mnzava (Mb) ametoa pongezi kwa Mhe Rais katika kazi kubwa anayoifanya katika kulea uhifadhi na kutangaza Utalii na kuahidi kuendelea kutoa ushirikiano kwa Bodi za Wakurugenzi zilizoteuliwa ili ziweze kutimiza malengo ya Taifa na Taasisi zao.

Wakati huo huo, Bodi ya Utalii Tanzania imeaingia makubaliano ya ushirikiano na Kamisheni ya Utalii Zanzibar ikiwa na lengo la kuongeza ushirikiano wa kitengaji katika taasisi hizo.




Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more