BEST WESTERN DODOMA CITY HOTEL SULUHU MALAZI MAKAO MAKUU

By Halmashauri ya Jiji la Dodoma

Na. Dennis Gondwe, DODOMA

Ujenzi wa Hoteli ya Halmashauri ya Jiji la Dodoma umeitikia changamoto ya huduma ya malazi kwa mabalozi na wageni wengine wanaotembelea makao makuu ya nchi kwa huduma mbalimbali.

Mkuu wa Mkoa wa Dodoma, Rosemary Senyamule


Kauli hiyo ilitolewa na Mkuu wa Mkoa wa Dodoma, Rosemary Senyamule alipokuwa akitoa salamu za Mkoa wa Dodoma kwa Kamati ya Kudumu ya Bunge ya Hesabu za Serikali za Mitaa (LAAC) ilipotembea miradi ya Halmashauri ya Jiji la Dodoma.

Senyamule alisema kuwa Halmashauri ya Jiji la Dodoma inakabiliwa na changamoto ya sehemu za malazi kwa mabalozi na wageni mashuhuri. “Kuwepo kwa vitega uchumi hivi Jengo la Kitega Uchumi Mtumba na Hoteli ya Best Western Dodoma City ni faida kubwa wa maendeleo ya Dodoma. Mheshimiwa Mwenyekiti mabalozi wengi walikuwa wanakuja Dodoma na kurudi Dar es Salaam, Balozi anakuja na ndege ya asubuhi anaenda wizarani akimaliza shughuli zilizompeleka anaondoka. Sasa hivi mabalozi wengi wanafikia Best Western Dodoma City Hoteli pale mjini, wanaona inaendana na mahitaji yao” alisema Senyamule.

Alisema kuwa serikali inatengeneza miundombinu kwa ajili ya sekta binafsi kufanya kazi. “Tunaona miundombinu ya kiserikali ni mingi ila tunahitaji uwekezaji wa sekta binafsi na wadau wengine kwa ajili ya vivutio vya kibiashara kwa Jiji la Dodoma” alisema Senyamule.

Akiwasilisha taarifa ya mradi wa ujenzi wa Hoteli ya Jiji la Dodoma Mkurugenzi wa Halmashauri ya Jiji la Dodoma, John Kayombo alisema kuwa gharama ya ujenzi wa mradi ni shilingi 9,995,881,126. “Mafanikio ya mradi ni kuongeza mapato ya halmashauri na kutoa fursa za ajira kwa wananchi. Hadi sasa jumla ya wananchi 80 wameajiriwa” alisema Kayombo.

Ikumbukwe kuwa hoteli ya Halmashauri ya Jiji la Dodoma ilianza kujengwa Mwezi Agosti, 2019 na kukamilika Aprili, 2023 kwa fedha za mapato ya ndani ya jiji.

Best Western Dodoma City Hotel


MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more