WAZAZI NI KIUNGO MUHIMU UFAULU WA WANAFUNZI KISASA SEC

By Halmashauri ya Jiji la Dodoma

Na. Dennis Gondwe, DODOMA

WAZAZI wa wanafunzi katika Shule ya Sekondari Kisasa wametakiwa kuwa kiungo muhimu baina ya walimu na wanafunzi katika malezi bora na kuwasaidia wanafunzi kufaulu.

Mjumbe wa Bodi ya Shule ya Sekondari Kisasa, John Komba akiongea na Jumuiya ya Shule ya Kisasa Sekondari


Kauli hiyo ilitolewa na Mjumbe wa Bodi ya Shule ya Sekondari Kisasa, John Komba kwa niaba ya Mwenyekiti wa Bodi ya shule hiyo katika mahafali ya shule hiyo yaliyofanyika shuleni hapo.


Komba alisema “niwashukuru ninyi wazazi kwa kufika kwenu na kutoa ushirikiano kwa wanafunzi wetu kwa ajili ya kuwapatia elimu. Ninyi ni sehemu na msaada mkubwa kwa ajili ya kuwawezesha walimu waweze kutimiza majukumu yao ya kuwalea na kuwafundisha wanafunzi wanapokuwa shuleni. Na kwa wale wanaoshindwa kutimiza majukumu yao kama wazazi ndio usumbufu ambao walimu wanaupata kutokana na ushirikiano mdogo kati ya wazazi na walimu na kupelekea matokeo yasiyo mazuri kwa wanafunzi kuanzia malezi hadi taaluma. Niwaombe wazazi tuendelee kutoa ushirikiano kwa walimu kwa ajili ya kumsaidia mwanafunzi kupata elimu bora na malezi bora”.


Aliwataka wanafunzi wanapokuwa shuleni kufuata sheria na taratibu zilizowekwa. “Sisi kama Bodi ya shule tutaendelea kufuata taratibu zilizowekwa na tutaendelea kuwa wakali kwa wale watakaokiuka sheria na taratibu za shule” alisema Komba.


Akiongea na wahitimu watarajiwa wa kidato cha Nne, aliwapongeza kwa uvumilivu na kusoma kwa bidii kwa miaka minne. “Niwapongeze sana tangu mmeanza kidato cha kwanza hadi kufika leo wanafunzi 233, ni kweli baadhi yenu walishindwa kufikia hatua hii. Niwaombe sana wanafunzi wetu mnaoenda kuhitimu na wale wanaoendelea na masomo kufuata sheria, kanuni na taratibu za shule. Hatutamuonea aibu mtu, hatutarudisha nyuma msimamo wetu wa kisheria, tutaendelea kuchukua hatua kali kwa wale wote watakaokwenda kinyume na utaratibu wa shule” alisisitiza komba.


Aidha, aliwaombea heri katika mitihani yao inayofuata. “Niwapongeze na niwatakie kila la keri katika siku zijazo za mitihani yenu. Mwenyezi Mungu awatangulie awabariki sana asiwepo mtu wa kuugua mpaka ndoto zenu zitakapokuwa zimetimia. Ninaona nyuso za madaktari hapa, wauguzi, wahandisi na walimu hapa” aliongeza Komba.


Akiwasilisha taarifa ya Shule ya Sekondari Kisasa, Mkuu wa shule hiyo, Mwl. Fredy Nyandoro alisema kuwa wahitimu hao walianza masomo mwaka 2020. “Kwa heshima naomba kuwahudhurisha kwako wanafunzi 233 ambao ni watahiniwa kwa mwaka huu 2023. Ndugu mgeni rasimi, shule yetu tumekuwa na mafanikio kadhaa tangu kuanzishwa. Mafanikio hayo ni kuongeza ufaulu mwaka hadi mwaka, kuongeza idadi ya watahiniwa na idadi ya vijana wanaojiunga elimu ya juu na vyuo vya kati imeongezeka” alisema Mwl. Nyandoro.

Mkuu wa shule ya Sekondari Kisasa, Mwl. Fredy Nyandoro akiongea na Jumuiya ya Shule ya Kisasa Sekondari


Maeneo mengine aliyoyataja ni kuongeza miundombinu mwaka 2019 walianza kujenga jengo la utawala ambalo limekamilika. “Mwaka 2021 tukapata mradi wa kuongeza madarasa kwa fedha za Uviko- 19 tulikuwa na madarasa matatu na kufanya madarasa kufikia 23. Tunaishukuru sana serikali yetu na mama yetu, Dkt. Samia Suluhu Hassan kwa uwekezaji mkubwa ambao ameufanya katika sekta ya elimu na Shule ya Sekondari Kisasa ni mnufaika mkubwa wa uwekezaji huo” alisema Mwl. Nyandoro.

Mwanafunzi wa kidato cha Nne, Nasra Waziri alifurahia kuwa mwanafunzi wa shule hiyo. “Mimi nafurahia kuwa mwanafunzi wa Shule ya Sekondari Kisasa inaonekana kuwa na sheria na taratibu zinazowalea wanafunzi vizuri. Mimi tangu mwaka 2020 hadi sasa 2023 nimejifunza mambo mengi shuleni hapa. Mimi nimeweza kuwa kiongozi na kujifunza “confidence” niliyojenga kuanzia chini, hata hawa wabunge walianzia chini” alisema Waziri.

Akiongelea maandalizi yake kwa mtihani wa taifa wa kidato cha Nne, alisema kuwa amejiandaa vizuri na kupata ufaulu wa kiwango cha juu. “Tumeweza kujenga taswira nzuri katika shule yetu. Nimeweza kufurahia mazingira ya shule yetu na jinsi walimu wanavyotoa ushirikiano kwetu” aliongeza Waziri.

Ikumbukwe kuwa Shule ya Sekondari Kisasa ilianza mwaka 2006 ikiwa na wanafunzi 20 na walimu watatu sasa ina wanafunzi 869 na walimu 55.



MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more