WASIMAMIZI WA VITUO VYA UCHAGIZI NDOGO WA DIWANI KATA YA NALA WAASWA

By Halmashauri ya Jiji la Dodoma

Na. Dennis Gondwe, DODOMA

WASIMAMIZI wa vituo vya uchaguzi mdogo wa Diwani Kata ya Nala wametakiwa kufanya kazi kwa nidhami, hekima na uzalendo na kuepuka kuisababishia serikali hasara.

Msimamizi wa Uchaguzi Jimbo la Dodoma mjini, John Kayombo akiwaapisha wasimamizi wa vituo vya uchaguzi mdogo Kata ya Nala


Kauli hiyo ilitolewa na Msimamizi wa Uchaguzi Jimbo la Dodoma mjini, John Kayombo alipokuwa akifungua mafunzo kwa wasimamizi wakuu na wasimamizi wasaidizi kwenye vituo vya uchaguzi mdogo wa Diwani Kata ya Nala, Jimbo la Dodoma mjini yaliyofanyika katika ukumbi wa mikutano wa Jiji la Dodoma.

Kayombo ambae ni Mkurugenzi wa Halmashauri ya Jiji la Dodoma alisema “niwaombe sana wasimamizi wa vituo, uchaguzi ni suala nyeti sana sikiliza kwa makini maelekezo ya viongozi na fuata taratibu na sheria zilizopo, ukikosea utaitia serikali katika hasara kubwa. Kuweni na nidhamu, hekima na uzalendo kwa kiwango cha juu sana. Baadhi yenu mlishasimamia chaguzi nyingi ila uchaguzi hauhitaji mazoea. Tusiweke mazoea katika suala la uchaguzi”.

Alisema kuwa matarajio ni uchaguzi huo kufanyika vizuri na kumalizika salama. “Ninyi mmeaminika miongoni mwa watanzania wengi. Fanyeni kazi hii kwa uadilifu, uaminifu mkubwa kwa kushirikiana na wenzenu kama timu moja ili tumalize salama. Kama unajisikia huwezi kufanya kazi hii tuambie mapema upumzike” alisema Kayombo.

Kwa upande wake Mjumbe wa Tume ya Taifa ya Uchaguzi, Jaji wa Mahakama ya Rufaa, Mhe. Mwanaisha Kwariko aliwapongeza wasimamizi hao kwa kuaminiwa na kuchaguliwa kati ya wengi walioomba. “Lazima uheshimu hiyo dhamana uliyopewa kwa kufanya kazi hiyo kwa uaminifu. Niwaase kufuata sheria, kanuni, taratibu na miongozo kutoka Tume ya Taifa ya Uchaguzi. Kama kuna jambo limekutatiza uliza” alisema Jaji wa Mahakama ya Rufaa, Mhe. Kwariko.

Aidha, aliwataka kuheshimu kiapo chao cha kutunza siri na kuwaeleza kuwa kukiuka kiapo hicho wanaweza kushitakiwa kwa sheria husika. “Msiwe mashabiki wa vyama vya siasa, mmeshaapa kujitoa kwenye vyama vya siasa. Mnatakiwa kuhudumia watu wote kwa usawa” alisisitiza Jaji wa Mahakama ya Rufaa, Mhe. Kwariko.

Akielezea sifa za wasimamizi na wasimamizi wasaidizi wa vituo, Mratibu wa Uchaguzi, Albert Kasoga alisema ni lazima awe raia wa Tanzania mwenye umri wa kuanzia miaka 18 na kuendelea. Sifa nyingine alizitaja kuwa ni uadilifu na utiifu mwenye akili timamu. “Hatakiwi kuwa shabiki au kiongozi wa chama chochote cha siasa. Awe amehitimu elimu ya kidato cha Nne au zaidi na anaweza kusoma na kuandika vizuri na anaweza kuelewa vizuri maelekezo ya wasimamizi wa vituo vya kupigia kura” alisema Kasoga.

Uchaguzi mdogo wa Kata ya Nala unatarajia kufanyika tarehe 19 Septemba, 2023.




MWISHO


 

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more