KATA YA CHAMWINO YAADHIMISHA SIKU YA USAFI DUNIANI

By Halmashauri ya Jiji la Dodoma

 Na. Dennis Gondwe, CHAMWINO

KATA ya Chamwino yaadhimisha maadhimisho ya Siku ya Usafi Duniani kwa kufanya usafi wa mazingira katika maeneo mbalimbali ya kata hiyo.



Akiongelea maadhimisho hayo, Afisa Mtendaji wa Kata ya Chamwino, Lucas Nkelege alisema kuwa maadhimisho hayo yamefanyika kwa kufanya usafi wa mazingira katika barabara inayotoka makutano ya Wajenzi mpaka kona ya Viva la vida. Alisema kuwa usafi huo ulihusisha kusafisha mtaro wenye urefu wa mita 1,500.

“Usafi wa mazingira pia ulifanyika katika mitaro yote inayozunguka Shule ya Sekondari ya Hijra na wananchi walijitokeza na kufanya usafi katika korongo karibu na uwanja wa Shell Complex. Zaidi ya kusafisha mitaro, usafi huo ulihusisha kutoa taka ngumu na kuokota makopo na mifuko kwenye mtaro na maeneo ya pembezoni mwa barabara na korongo” alisema Nkelege.

Akiongelea mafanikio ya maadhimisho Siku ya Usafi Duniani, alisema kuwa yametokana na ushirikiano wa karibu na wadau mbalimbali. “Napenda kutoa shukurani za dhati kwa uongozi wa Kituo cha vipaji cha Shell Sports chini ya Mwenyekiti, Abdallah Mohamed ambaye pia ni Mwenyekiti wa Chama Cha Mapinduzi (CCM) Kata ya Chamwino, uongozi wa Shule ya Sekondari ya Hijra kwa namna wanavyozilea Club za Mazingira tangu kuanzishwa kwake kwa kuwajengea vijana wadogo moyo wa kushiriki mambo ya kijamii ikiwamo kudumisha usafi wa mazingira. Kwa uzito huohuo, shukrani ziende kwa maafisa, Ally Mfinanga, Melania Mtui na Hadija Nyamsingwa kutoka Halmashauri ya Jiji la Dodoma walioshirikiana nasi katika kufanikisha maadhimisho haya” Nkelege.

Maadhimisho ya Siku ya Usafi Duniani mwaka 2023 yaliongozwa na kaulimbiu isemayo “Tuungane pamoja kujifunza, kupanga na kuhimiza uimarishaji huduma za taka”.





MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more