CHANG’OMBE WATAKIWA KUSAFISHA MAZINGIRA KUZUIA WAHALIFU

By Halmashauri ya Jiji la Dodoma

Na. Dennis Gondwe,

WAKAZI wa Kata ya Chang’ombe wametakiwa kudumisha usafi wa mazingira kwa lengo la kuzuia maficho ya wahalifu na kulinda afya zao ili waweze kufanya shughuli za kujitelea maendeleo.



Kauli hiyo ilitolewa na Afisa Mtendaji wa Kata ya Chang’ombe, Tunu Dachi alipoongoza uzinduzi wa kampenzi ya usafi wa mazimgira katika kata hiyo tukio lililofanyika katika Mtaa wa Mazengo jijini Dodoma.

Dachi alisema “nilipofika Kata ya Chang’ombe niligundua kuwa kata yetu ni chafu sana. Na katika kufanya vikao na wadau wa usafi wa mazingira tulikubaliana kuwa Mtaa wa Mazengo ndio mtaa mchafu kuliko mitaa yote. Leo nataka tushirikishane jambo rahisi sana, vikundi vya uzoaji taka vimeridhia kwamba kila Jumamosi wataungana kwa umoja wao na jamii ya mtaa husika kuja kufanya usafi wa maeneo ambayo mwenyekiti atakuwa amependekeza”.

Aliwataka wananchi kujitokeza kwa wingi kushiriki katika mazoezi ya usafi wa mazingira kila siku ya Jumamosi. “Kwa hiyo, mwananchi akisema anaenda kumfanyia mtu usafi, hapana hatumfanyii mtu usafi tunajifanyia sote usafi. Jirani yako akiwa msafi na wewe umesalimika, wewe ukiwa msafi na jirani yako amesalimika. Kutupa taka ovyo ndio tunazalisha maficho ya vibaka na wavuta bangi. Sera yangu nataka Kata ya Chang’ombe iwe safi na salama. Ulinzi na usalama unaanza kwenye usafi wa mazingira” alisema Dachi.

Akiongelea tabia ya baadhi ya wananchi kukaidi kujitokeza kushiriki mazoezi ya usafi wa pamoja siku ya Jumamosi alisema kuwa wananchi wote wanatakiwa kujitokeza kushiriki kufanya usafi. “Mwananchi kutoka kushiriki zoezi la usafi ni suala la lazima siyo hiyari. Mwananchi atakayekiuka utekelezaji wa zoezi la usafi faini yake ni shilingi 50,000. Leo tunapeana elimu Jumamosi ijayo tunatekeleza na tutakayemkuta na makosa ya ziada faini inaenda mpaka shilingi 300,000. Tujipende sisi na tuwapende jirani zetu. Mwananchi anayeelewa thamani ya afya hawezi kugomea usafi, mkiwa wasafi maradhi yataondoka na kipato chenu kitatumika kwa shughuli za maendeleo” alisema Dachi kwa msisitizo.

Alisema kuwa zoezi hilo la usafi ni endelevu kwa mitaa yote ya kata hiyo. “Usafi siyo suala la zimamoto, nataka Chang’ombe iwe safi. Halmashauri ya Jiji la Dodoma inatoa vyeti, vifaa vya usafi kwa mtaa msafi na fedha zinatolewa hadi shilingi 8,000,000 za kutekeleza miradi ya maendeleo. Hivyo, kila mtu afanye usafi mita tano kuzunguka nyumba yake” alisema Dachi akionesha matumaini ya mmoja ya mitaa yake kuibuka mshindi wa usafi.

Kwa upande wake, Jumanne Mwema alisema kuwa Chang’ombe inahitaji msisitizo mkubwa katika usafi wa mazingira. “Alichosema huyu mama ni ukweli. Pita kwenye mitaa utakuta uchafu umetakapaa, watoto wanacheza kwenye uchafu. Nimefurahi alipooanisha usafi na afya za wananchi labda msisitizo ukiwekwa hapo watu wanaweza kubadilika na kupenda kukaa na kufanya kazi kwenye mazingira safi” alisema Mwema.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more