Waziri Kikwete Ahimiza Uwajibikaji na Ubunifu kwa Watumishi wa Umma

By Halmashauri ya Jiji la Dodoma

Na. Bupe Mwaiseje - MAELEZO

Watumishi wa umma nchini wamehimizwa kuzingatia uwajibikaji na ubunifu katika kutekeleza majukumu yao ili kuboresha huduma za Serikali zinazotolewa kwa wananchi.

Akizungumza katika Viwanja vya Chinangali jijini Dodoma, Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Ridhiwani Kikwete wakati akifungua Maadhimisho ya Kitaifa ya Wiki ya Utumishi wa Umma, amesema kuwa Serikali itaendelea kuboresha mazingira ya kazi kwa watumishi wa umma ili kuwawezesha kutoa huduma bora na zenye ufanisi.

 


Ambapo alitoa wito kwa watumishi wa umma kuiishi kauli mbiu ya mwaka 2026 inayosema “Kuchochea Uwajibikaji Jumuishi kwa Huduma Endelevu” inayolenga kuwakumbusha watumishi hao wa umma kutambua nafasi yao katika kuhakikisha wananchi wanapata huduma zinazostahili.

“Niwaombe watumishi wa umma wote kuuishi ujumbe huu, kwani uwajibikaji ndio msingi wa uongozi na utumishi wa umma unaozingatia mahitaji ya wananchi,” amesisitiza Mhe. Kikwete

Kwa upande wake, Katibu Mkuu Ofisi ya Rais, Menejimenti ya Utumishi wa Umma na Utawala Bora, Juma  Mkomi, amesema kuwa Serikali itaendelea kuimarisha mifumo ya utoaji huduma kwa kutumia teknolojia, uwazi na ushirikiano wa taasisi mbalimbali na kuwa maadhimisho hayo ni fursa kwa taasisi za umma kukutana na wananchi, kupokea maoni na mrejesho utakaosaidia kuboresha utoaji wa huduma.

Naye, Mkuu wa Mkoa wa Dodoma, Rosemary Senyamule ameipongeza Serikali kwa hatua za kuboresha mazingira ya watumishi wa umma, kuongeza ajira na kuimarisha huduma kwa wananchi.

 

 

Comments

Post a Comment

Popular Posts

Bodaboda Mtaa wa Kigamboni wanufaika na Kliniki ya kutatua kero

By Halmashauri ya Jiji la Dodoma
Image
Na. Mwandishi wetu, KIKUYU KASKAZINI MTAA wa Kigamboni umewatembelea maafisa usafirishaji kusikiliza changamoto zao na kuwaelezea fursa ya mikopo isiyo na riba ya asilimia 10 inayotolewa na Halmashauri ya Jiji la Dodoma kwa makundi ya vijana, wanawake na watu wenye ulemavu ili waweze kunufaika nayo. Akizungumza na maafisa usafirishaji wa Mtaa wa Kigamboni Kata ya Kikuyu Kaskazini, Afisa Mtendaji Mtaa wa Kigamboni, Farijala Kunga alisema kuwa serikali ina wajibu wa kuwatembelea na kuwasikiliza wananchi wake. “Leo Serikali ya Mtaa wa Kigamboni imewatembelea maafisa usafirishaji (waendesha bodaboda) katika Mtaa wa Kigamboni kusikiliza kero zao na kuzipatia ufumbuzi. Huu ni utekelezaji wa maelekezo ya serikali wa kuyafikia makundi mbalimbali kuyasikiliza na kutatua kero zao. Aidha, tumewaelezea fursa za mikopo ya asilimia 10 inayotolewa na halmashauri ya jiji la Dodoma kwa makundi ya vijana, wanawake na watu wenye ulemavu. Tumewapa elimu kuhusu manufaa ya kiuchumi ya mikopo hiyo ukiwa ...
Read more

Ujenzi wa madarasa 3 S/M Mazengo kukamilika Julai, 2026

By Halmashauri ya Jiji la Dodoma
Image
Na. Mwandishi wetu, KIKUYU KASKAZINI   Uongozi wa Mtaa wa Kigamboni, Kata ya Kikuyu Kaskazini umepongeza kasi ya ujenzi madarasa matatu katika Shule ya Msingi Mazengo kwa gharama ya shilingi 71,373,640 kwa lengo la kuboresha mazingira ya wanafunzi kujifunzia na kuelekeza mradi huo kukamilika kwa wakati.   Pongezi hizo zilitolewa na Afisa Mtendaji Kata ya Kigamboni, Farijala Kunga alipoongoza wajumbe wa Serikali ya Mtaa wa Kigamboni na maafisa ugani wa Kata ya Kikuyu Kaskazini kutembelea na kukagua maendeleo ya ujenzi wa madarasa matatu katika Shule ya Msingi Mazengo. Alisema kuwa wameridhika na kasi ya ujenzi wa madarasa hayo ambayo yanatarajiwa kukamilika Mwezi Julai, 2026 kabla ya shule kufunguliwa. “Ni matumaini yangu kuwa ujenzi huu utakamilika kwa muda ulipangwa ili wanafunzi watakapofungua shule waweze kuyatumia. Madarasa haya ni utekelezaji wa ahadi ya Rais, kuleta tabasamu kwa wananchi, hapa ni wanafunzi na walimu watakaotabasamu” alisema Kunga. ...
Read more