Waziri Mkuu aagiza usimamizi mzuri wa mitambo ya uchimbaji Visima

By Halmashauri ya Jiji la Dodoma

Awataka watendaji kuacha mazoea katika utekelezaji wa majukumu

 

Na. Mwandishi wetu,

WAZIRI Mkuu Dkt. Mwigulu Nchemba amewataka watendaji wa Wizara ya Maji pamoja na Wakuu wa Mikoa wasimamie vizuri mitambo ya uchimbaji visima ili iweze kufanya kazi iliyokusudiwa.



Alisema kuwa Rais, Dkt. Samia Suluhu Hassan alinunua mitambo ya uchimbaji wa visima hivyo watendaji wachukue hatua na waache kufanya kazi kwa mazoea. “Nielekeze wakuu wa mikoa yote pamoja na wizara, kusimamia ili mitambo ile iweze kufanya kazi iliyokusudiwa, ni kweli kuna baadhi ya maeneo ya tunaendelea endelea na ile tabia ya ‘business as usual’ sasa ili kufikia matokeo ya Dira 2050, ni lazima tufanye kazi ‘business unusual’ tuache kufanya kazi kwa kuchukulia vitu kimazoea mazoea", alielekeza Waziri Mkuu.

Dkt. Mwigulu alitoa maelekezo hayo leo (Alhamisi Juni 18, 2026) Bungeni jijini Dodoma katika kipindi cha Maswali kwa Waziri Mkuu wakati akijibu swali la Mbunge wa Kwimba, Cosmas Bullala.

Mbunge huyo alitaka kujua kauli ya Serikali kuhusu ufanisi wa mitambo hiyo, ambapo Mheshimiwa Dkt. Mwigulu amesema mitambo hiyo inaendelea kuchimba visima katika maeneo mbalimbali nchini. Ambapo kwa sasa unatekelezwa mpango wa uchimbaji visima 900.

Katika hatua nyingine, Waziri Mkuu alisema kuwa serikali inatarajia kuanza kuwalipa kifuta jasho askari waliojitolea katika vita dhidi ya Idd Amin wa Uganda mwaka 1978-79.

Alieleza hayo wakati akijibu swali la Mbunge wa Njombe, Deodatus Mwanyika aliyetaka kujua ni lini Serikali itawalipa kifuta jasho askari hao, ambapo Waziri Mkuu alisema tayari serikali imefanya mabadiliko ya Sheria ambapo sasa askari hao wanatambulika kisheria kutokana na hapo mwanzo kutotambuliwa.

“Mheshimiwa Spika, Sheria za zamani zilikuwa haziwatambui wapiganaji wale, hasa hasa wapiganaji waliopata mafunzo ya muda mfupi, hivi tunavyoongea, kupitia tangazo la Serikali la mwezi wa 6, mwaka 2025, kuhusu mabadiliko ya Sheria ya mafao ya veterani, sasa imeshawatambua wapiganaji hao”, alisema Dkt. Nchemba.

“Mheshimiwa Spika, wapiganaji hao wataanza kulipwa na watalipwa kwa kuwa sasa hakuna kikwazo cha kisheria ambacho kilikuwa kinawakwamisha, na kile cha uhakiki, kwani wapiganaji hao wameshahakikiwa”, alisisitiza Waziri Mkuu.

Comments

Post a Comment

Popular Posts

Bodaboda Mtaa wa Kigamboni wanufaika na Kliniki ya kutatua kero

By Halmashauri ya Jiji la Dodoma
Image
Na. Mwandishi wetu, KIKUYU KASKAZINI MTAA wa Kigamboni umewatembelea maafisa usafirishaji kusikiliza changamoto zao na kuwaelezea fursa ya mikopo isiyo na riba ya asilimia 10 inayotolewa na Halmashauri ya Jiji la Dodoma kwa makundi ya vijana, wanawake na watu wenye ulemavu ili waweze kunufaika nayo. Akizungumza na maafisa usafirishaji wa Mtaa wa Kigamboni Kata ya Kikuyu Kaskazini, Afisa Mtendaji Mtaa wa Kigamboni, Farijala Kunga alisema kuwa serikali ina wajibu wa kuwatembelea na kuwasikiliza wananchi wake. “Leo Serikali ya Mtaa wa Kigamboni imewatembelea maafisa usafirishaji (waendesha bodaboda) katika Mtaa wa Kigamboni kusikiliza kero zao na kuzipatia ufumbuzi. Huu ni utekelezaji wa maelekezo ya serikali wa kuyafikia makundi mbalimbali kuyasikiliza na kutatua kero zao. Aidha, tumewaelezea fursa za mikopo ya asilimia 10 inayotolewa na halmashauri ya jiji la Dodoma kwa makundi ya vijana, wanawake na watu wenye ulemavu. Tumewapa elimu kuhusu manufaa ya kiuchumi ya mikopo hiyo ukiwa ...
Read more

Ujenzi wa madarasa 3 S/M Mazengo kukamilika Julai, 2026

By Halmashauri ya Jiji la Dodoma
Image
Na. Mwandishi wetu, KIKUYU KASKAZINI   Uongozi wa Mtaa wa Kigamboni, Kata ya Kikuyu Kaskazini umepongeza kasi ya ujenzi madarasa matatu katika Shule ya Msingi Mazengo kwa gharama ya shilingi 71,373,640 kwa lengo la kuboresha mazingira ya wanafunzi kujifunzia na kuelekeza mradi huo kukamilika kwa wakati.   Pongezi hizo zilitolewa na Afisa Mtendaji Kata ya Kigamboni, Farijala Kunga alipoongoza wajumbe wa Serikali ya Mtaa wa Kigamboni na maafisa ugani wa Kata ya Kikuyu Kaskazini kutembelea na kukagua maendeleo ya ujenzi wa madarasa matatu katika Shule ya Msingi Mazengo. Alisema kuwa wameridhika na kasi ya ujenzi wa madarasa hayo ambayo yanatarajiwa kukamilika Mwezi Julai, 2026 kabla ya shule kufunguliwa. “Ni matumaini yangu kuwa ujenzi huu utakamilika kwa muda ulipangwa ili wanafunzi watakapofungua shule waweze kuyatumia. Madarasa haya ni utekelezaji wa ahadi ya Rais, kuleta tabasamu kwa wananchi, hapa ni wanafunzi na walimu watakaotabasamu” alisema Kunga. ...
Read more