Kata ya Ipala ipo mstari wa mbele katika Michezo

By Halmashauri ya Jiji la Dodoma

Na. Nancy Kivuyo, IPALA

Hamasa ya serikali katika michezo nchini ni kichocheo cha wananchi wa Kata ya Ipala kupenda kushiriki michezo ya aina mbalimbali kwa ajili ya kujenga na kuboresha afya zao ili waweze kushiriki katika shughuli za maendeleo.

Diwani wa Kata ya Ipala, George Magawa

Kauli hiyo ilitolewa na Diwani wa Kata ya Ipala, George Magawa alipokuwa akiongea na waandishi wa habari kuhusu nafasi ya michezo katika Kata ya Ipala walipotembelea kata hiyo.

Diwani Magawa alisema kuwa serikali imekuwa inafanya hamasa kubwa katika michezo hali iliyopelekea kata yao kuwa na mwamko mkubwa katika kushiriki mashindano mbalimbali yanayoandaliwa katani hapo. “Kwakweli, mambo ya michezo tunaenda nayo vizuri, kila mwaka tunafanya mashindano yanayoitwa ‘Magawa Cup’ ambayo diwani ndiye mimi na kwa kushirikiana na mheshimiwa mbunge tuna ‘Mavunde Cup’, tunaandaa mashindano hayo ili kuwasogeza wananchi karibu zaidi na michezo. Wakati mwingine tunaunganisha michezo na kampeni za kijamii za serikali ili kuwafikia wananchi wengi kwa mara moja. Yote hii ni katika kuiwezesha jamii kujitambua na kuishi katika ile misingi ya utanzania. Kikubwa zaidi michezo inasaidia kujenga na kuimarisha miili ya wanamichezo” alisema Magawa.

Akaongeza kuwa wataendelea kuandaa mashindano na kuibua vipaji vya michezo ili kuchochea wigo wa jamii kupenda michezo. “Michezo ni afya, tunamshukuru Rais wa Jamhuri ya Muungano wa Tanzania kwa kutuhamasisha kuboresha michezo katika maeneo yetu. Ukiangalia fedha na zawadi anazotoa kwa timu zetu hapa nchini na makundi mengine, inatia hamasa sana kwamba tukikazania jamii yetu huku chini kupenda michezo itawasaidia huko mbeleni kufanya vizuri ndani na nje ya nchi. Tunaamini wakati mwingine tutaboresha vipengele ili kuwavuta watu wengi kujumuika pamoja na kuijenga Ipala imara kimichezo” alimalizia Magawa.

Nae Mtendaji wa Kata ya Ipala, Herman Malindila alisema kuwa michezo inaunganisha jamii na kupitia michezo wamekua wakitoa elimu mbalimbali kulingana na wakati kwa lengo la kuijenga jamii iliyo bora katika kata hiyo. “Hapa katani michezo imekua ikileta hamasa kubwa. Tumeendelea kuimaisha mahusiano mazuri miongoni mwetu na hili tutaliendeleza chini ya mbunge wetu na diwani” alimaliza Malindila.

Kwa upande mwingine, mkazi wa Kata ya Ipala, Amos Mdabuko, alimshukuru Mbunge Anthony Mavunde na Diwani George Magawa kwa kuendeleza michezo katika kata yao na kusema “nawashukuru sana viongozi wetu, wamekua mstari wa mbele kuhamasisha jamii kushiriki na kupenda michezo. Jamii sasa hivi imeanza kuwa na mwamko wa kupenda michezo, ndugu mwandishi, haya mashindano yakianza watu wanajaa sana kushiriki, ninaamini mashindano ya awamu hii yatakua makubwa na ya kuvutia”.

MWISHO


Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

RC Senyamule azipongeza Club za Jogging Dodoma

By Halmashauri ya Jiji la Dodoma
Image
Na. John Masanja   Vikundi vya 'Jogging C lub s ' Mkoa wa Dodoma vimepongezwa kwa kuendelea kuwa na mshikamano na kuwa vinara wa kuhamasisha watu kufanya mazoezi kwa kuboresha afya zao na kuepukana na magonjwa yasiyoambukiza, pamoja na kuelimisha jamii kupitia kampeni mbalimbali.    Pongezi hizo zilitolewa na Mkuu wa Mkoa wa Dodoma, Rosemary Senyamule baada ya kumalizika kwa mazoezi na mbio fupi zilizofanyika kwa kuratibiwa na Ofisi ya Mkuu wa Mkoa wa Dodoma k wa kushirikiana na “ Friends of Mavunde ” na “ Dodoma City L egends Family” .    “ Katika makundi tuliyonayo kwa mkoa wetu hivi vilabu vya Jogging wamekuwa kinara wa kuimarisha m shikamano wao wenyewe na wafuasi sisi tunaoungana nao kufanya mazoezi, ni makundi ambayo hayana uvivu wa kufuatilia jambo lao wakiamua nawapongeza sana.    " Kupitia mchango wao wa kuhamasisha unatupa sisi fursa ya kufikisha ujumbee mbalimbali . Kwa jamii, jambo kubwa nimefurahi leo k wa sababu mazoezi haya...
Read more

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more