Wataalam wa Mawasiliano na Maendeleo ya Jamii washiriki kubainisha watoto wenye mahitaji maalum

By Halmashauri ya Jiji la Dodoma

Na. Aisha Ibrahim, DODOMA

Kaimu Mkurugenzi wa Halmashauri ya Jiji la Dodoma, Joseph Fungo, aliwataka watumishi wa Divisheni ya Elimu ya Awali na Msingi, kuongeza wigo kwa kutumia wataalam wa Kitengo cha Mawasiliano Serikalini na Maendeleo ya Jamii ili kuhakikisha wanasambaza taarifa za uhamasishaji na kubainisha watoto wenye mahitaji maalumu katika jamii.



Fungo aliyasema hayo ofisini kwake alipopokea taarifa ya ubainishaji wa watoto wenye mahitaji maalumu kwa mwaka 2025 kutoka Divisheni ya Elimu ya Awali na Msingi Jiji la Dodoma baada ya kukamilika zoezi la utambuzi na ubainishaji wa watoto wenye mahitaji maalum kwa jili ya kuandikishwa elimu ya awali na darasa la kwanza zoezi lililoanza 07 hadi 22 Januari, 2025.

Akitoa pongezi kwa kazi nzuri ya ubainishaji wa watoto wenye mahitaji maalumu, Kaimu Mkurugenzi, alisema kuwa serikali inafanya juhudi kubwa kuhakikisha watoto hao wanapata haki stahiki na huduma za msingi ili kujiona wako sawa na binadamu wengine. “Mpaka serikali inafanya juhudi kubwa ya namna hii, maana yake kuna eneo ambalo watu wamejisahau na kuwaweka watoto hawa pembeni, lakini ni watu ambao wanastahiri huduma kama zile ambazo sisi tunapata” alisema Fungo.

Aidha, aliongeza kuwa Halmashaurii ya Jiji la Dodoma, imejipanga kwa kutekeleza mradi mkubwa wa Kituo cha Mafunzo ya Sayansi ili kuhakikisha kila mtoto anapata fursa ya kujifunza kwa vitendo mambo mbalimbali kulingana na ewelewa wake binafsi. “Dodoma sasahivi tunafikiria mambo makubwa na tuna mradi mmoja ambao tunatarajia kutekeleza Kituo cha Mafunzo ya Sayansi. Kwahiyo, watoto watakao kuwa wanaingia pale watakuwa wanaangaliwa, huyu ana uwelewa gani? Kama ni kompyuta basi apelekwe sehemu husika na kama ana uwelewa wa magari basi apelekwe huko” alisema Fungo.




Kwa upande wake Afisa Elimu, Elimu Maalumu Halmashauri ya Jiji la Dodoma, Mwl. Issa Kambi alichanganua kuwa katika ubainishaji wa watoto wenye mahitaji maalumu, idadi yao jumla ni 218. Alisema watoto saba walipewa rufaa ya kwenda hospitalini kutokana na changamoto maalumu za kiafya. Watoto 37 walipaswa kujiunga na shule maalumu, na kati ya hao, watoto 11 walitakiwa kwenda shule jumuishi, na 39 walipangiwa kwenda vitengo maalumu lakini pia watoto 11 walipangwa kwenda vyuo vya ufundi Singida kutokana na umri wao wa kujiunga na elimu ya shule ya msingi kupita.

Sambamba na hayo, alisema katika zoezi hilo walifanikiwa kwa kiasi kikubwa kupata watoto wengi katika kata mbalimbali ikiwa ni kutekeleza agizo la Mkurugenzi wa Halmashauri ya Jiji la Dodoma la uandikishaji na ubainishaji wa watoto wenye mahitaji maalumu shuleni kwa ngazi ya awali na msingi. “Tumefanikiwa kupata watoto wengi wenye mahitaji maalumu na wenye kuhitaji hafua stahiki kama ambavyo tumeziwasilisha kwa Mkurugenzi wa Jiji la Dodoma” alisema Mwl. Kambi.

Licha ya kuwepo mafanikio, Mwl. Kambi alisema kuwa katika zoezi hilo wamekutana na changamoto mbalimbali ikiwemo uhamasishaji duni ndani ya kata husika, idadi iliyozidi kwa watoto kuanzia miaka 14, baadhi ya watendaji wa kata kutoa maelezo yasiyo jitosheleza, uwelewa mdogo wa jamii kuhusiana na haki za watoto wenye uhitaji maalumu, mtazamo hasi kwa watoto hao kuhusu suala la elimu na uwezo duni wa wazazi kuwapatia matibabu stahiki watoto hao.

Pia, aliwashauri wazazi na walezi ambao bado hawajapeleka watoto wao katika zoezi la ubainishaji, kuwapeleka watoto hao katika shule zilizopo karibu yao ili wahusika wa zoezi hilo waweze kupata taarifa kamili. “Ushauri wangu kwa wazazi ambao bado hawajawaleta watoto kuwabainisha na pengine hawakupata taarifa vizuri wakati tunapita kwenye kata hizo, wawapeleke kwenye shule zilizopo maeneo jirani ili kusudi wale walimu waweze kutupatia taarifa mfumo wa ubainishaji ili tuweze kufika na kuwabaini hao watoto” alisema Mwl. Kambi.

Lakini, aliiomba serikali kukamilisha na kuboresha miundombinu ikiwa ni pamoja na kuongeza bweni lingine la Hombolo, litakalo watengenezea mazingira rafiki watoto hao kupata elimu bora ili kuendana na mahitaji yao. “Tunaomba tuweze kupata bajeti ya kuweza kujenga bweni lingine jipya, kwasababu watoto hawa wanaongezeka kila kukicha” aliomba Mwl. Kambi.



Serikali imekuwa mstari wa mbele katika kufuatilia zoezi la uandikishaji na ubainishaji wa watoto wenye mahitaji maalumu kuwa endelevu ili kuhakikisha watoto wanapata huduma zote za msingi na haki stahiki kama binadamu wengine.

MWISHO

 

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more