KATA YA CHAMWINO YATAKIWA KUSIMAMIA UTEKELEZAJI MKATABA WA LISHE

By Halmashauri ya Jiji la Dodoma

 Na. Dennis Gondwe, CHAMWINO

KATA ya Chamwino imetakiwa kusimamia utekelezaji wa mkataba wa Lishe kwa mujibu wa maelekezo ya serikali ili kukabiliana na tatizo la utapiamlo katika jamii.



Kauli hiyo ilitolewa na Diwani wa Kata ya Chamwino, Jumanne Ngede aliyekuwa mgeni rasmi katika maadhimisho ya Siku ya Afya na Lishe Mtaa wa Mailimbili aliyofanyika katika mtaa wa Mailimbili.

Ngede alisema kuwa ni jambo zuri kwa wataalam na Afisa Mtendaji wa Kata ya Chamwino kusimamia suala la Lishe kutokana na umuhimu wake katika jamii. Alisema kuwa kutokana na umuhimu wake, serikali ilisaini mkataba wa Lishe na makundi mbalimbali ili watekeleze mkataba huo kwa kuhakikisha elimu ya Lishe inatolewa na utekelezaji wa mkataba huo.

Kwa upande wake Afisa Mtendaji Kata ya Chamwino, Lucas Nkelege alisema kuwa suala la utekelezaji wa mkataba wa Lishe ni maelekezo ya serikali yanayotakiwa kutekelezwa kwa uzito mkubwa. “Tumeshasaini mkataba wa Lishe, utakumbuka Mheshimiwa Rais, Dkt. Samia Suluhu Hassan alisaini mkataba na wakuu wa mikoa. Wakuu wa mikoa wakasaini na wakuu wa wilaya. Wakuu wa wilaya wakasaini na wakurugenzi wa mamlaka za serikali za mitaa, nao wakasaini wa maafisa watendaji wa kata. Maafisa watendaji wa kata wakasaini na maafisa watendaji wa mitaa. Hii inaonesha umuhimu wa masuala ya Lishe na afua zake katika jamii. Lengo kubwa ni kupunguza athari za utapiamlo katika jamii” alisema Nkelege.

Alisema kuwa huduma zilizotolewa katika maadhimisho hayo ni elimu ya Afya na Lishe, maonesho ya makundi matano ya vyakula na upikaji wake, upimaji wa Afya ukihusisha kupima HIV, uzito na urefu (BMI) pamoja na kutoa kutoa vyeti kwa watoto wadogo, matone ya Vitamin "A" na kupima MUAC kwa watoto chini ya umri wa miaka mitano.

Afisa mtendaji huo alisema matarajio ya utekelezaji wa mkataba wa Lishe, alisema kuwa ni kuona hali ya lishe inabadilika na kuwa bora zaidi katika kata yake hasa kwa kina mama wajawazito, watoto wenye umri chini ya miaka mitano na vijana balehe.

Akiongelea maadhimisho hayo alisema kuwa ni utekelezaji wa kipengele namba mbili katika mkataba wa lishe linachoelekeza kata na mitaa kufanya maadhimisho ya siku ya afya na lishe ya mtaa (SALIKI) katika mitaa.

Maadhimisho ya siku ya Afya na Lishe ya Mtaa hufanyika kwa mitaa yote kila baada ya miezi mitatu na katika mtaa wa Mailimbili yaliongozwa na kaulimbiu isemayo “Lishe Bora kwa Ustawi wa Afya zetu na Maendeleo ya Mtaa wetu” ukiwa ni mtaa wa pili ukitanguliwa na mtaa wa Sokoine.







MWISHO

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more