Wadau wa Lishe watakiwa kuzingatia Sheria

By Halmashauri ya Jiji la Dodoma

Na. Mwandishi wetu, DODOMA

Maafisa lishe na watendaji wa kata wametakiwa kuzingatia sheria, kanuni na taratibu katika utekelezaji wa shughuli za lishe pamoja na kuwashirikisha wadau mbalimbali ili kuongeza ufanisi wa utekelezaji wa afua za lishe.



Kauli hiyo ilitolewa na Mwenyekiti wa Kikao cha Tathmini ya utekelezaji wa Mkataba wa Lishe kwa Robo ya Nne ya Mwaka wa Fedha 2025/2026, Sakina Mbugi alipoongoza kikao hicho kwa niaba ya Mkuu wa Wilaya ya Dodoma kilichofanyika katika ukumbi wa mikutano wa halmashauri.

“Katika utekelezaji wa shughuli za lishe ni muhimu kuwashirikisha wadau mbalimbali, wakiwemo viongozi wa dini, wazee na vijana, ili kuwapatia uelewa kuhusu umuhimu wa lishe bora. Tunapompa mzee elimu sahihi ya lishe, tunamsaidia kupunguza changamoto za uzeeni na kujikinga dhidi ya magonjwa yasiyoambukiza. Hivyo, nitumie nafasi hii kuwaelekeza maafisa lishe na maafisa watendaji wa kata kuzingatia sheria, kanuni na taratibu katika utekelezaji majukumu yenu,” alisema Mbugi.

Mwenyekiti huyo ambae ni Katibu Tawala Wilaya ya Dodoma aliwapongeza maafisa watendaji wa Kata za Mnadani, Kikuyu Kusini na Zuzu kwa kuendelea kuboresha utekelezaji wa Siku ya Afya na Lishe (SALiKi). Vilevile, aliwasisitiza kuendelea kutumia kaulimbiu ya lishe isemayo, “Zingatia Lishe Yako, Imarisha Afya, Akili na Utendaji Kazi” ili kuhamasisha jamii kutambua umuhimu wa lishe bora.



Awali, akiwasilisha taarifa ya Tathmini ya utekelezaji wa Mkataba wa Lishe, Kaimu Afisa Lishe wa Jiji la Dodoma, Happiness Mlamka alisema kuwa shule zote zinaendelea kutoa chakula kwa wanafunzi, wajawazito wanapatiwa ‘Folic Acid’ kwa mujibu wa miongozo ya afya, shule zote zimeanzisha klabu za lishe kwa ajili ya kuwajengea wanafunzi uelewa kuhusu umuhimu wa lishe bora na akina mama wanaonyonyesha wanaendelea kuhamasishwa kuwanyonyesha watoto maziwa ya mama pekee katika kipindi cha miezi sita ya mwanzo wa maisha.

Aliongeza kuwa kuanzia Julai, 2026 mfumo wa uwasilishaji wa taarifa za utekelezaji wa shughuli za lishe utatumika mfumo wa kidijitali wa DHIS2, ukichukua nafasi ya utaratibu wa awali wa kutumia makaratasi. Alieleza kuwa hatua hiyo itarahisisha ukusanyaji, uwasilishaji na usimamizi wa taarifa za lishe na kuongeza ufanisi katika utekelezaji wa afua za lishe.

 

Comments

Post a Comment

Popular Posts

Jiji la Dodoma lashauriwa kulinda hadhi ya Makao Makuu ya Nchi

By Halmashauri ya Jiji la Dodoma
Image
Na. Mwandishi wetu, DAR ES SALAAM   HALMASHAURI ya Jiji la Dodoma imeshauriwa kuendelea kusimamia Mpango Kabambe wake ili kuhakikisha jiji linakuwa na mpangilio wa kisasa na kulinda hadhi ya makao makuu ya nchi.   Katibu Mkuu Ofisi ya Rais, Maendeleo ya Vijana, Jenifa Omolo (kushoto) akiongea na wataalam wa Halmashauri ya Jiji la Dodoma Kauli hiyo ilitolewa na Katibu Mkuu Ofisi ya Rais, Maendeleo ya Vijana, Jenifa Omolo alipotembelea banda la Halmashauri ya Jiji la Dodoma katika Maonesho ya 50 ya Kimataifa ya Biashara Sabasaba yanayoendelea katika viwanja vya Mwl. Julius Nyerere jijini hapa.   Alisema kuwa ukuaji wa Jiji la Dodoma unapaswa kwenda sambamba na upangaji bora wa maeneo, miundombinu na mazingira ya mji ili kuongeza mvuto zaidi kwa wakazi, wawekezaji na wageni wanaofika kwa shughuli mbalimbali za kiserikali na kiuchumi.   Alisisitiza kuwa taswira ya mji ambao ni makao makuu ya nchi inapaswa kuonekana wazi kupitia mpangilio wa kisasa, unaozing...
Read more

Afisa Biashara Arusha apongeza ukuwaji wa Biashara wa Jiji la Dodoma

By Halmashauri ya Jiji la Dodoma
Image
Na. Mwandishi wetu, DAR ES SALAAM   HALMASHAURI ya Jiji la Dodoma imepongezwa kwa kasi ya ukuaji wa shughuli za biashara na uwekezaji na kutajwa kuwa ni fursa kwa watanzania na wageni kuwekeza.   Kauli hiyo ilitolewa na Mkuu wa Divisheni ya Biashara, Viwanda na Uwekezaji Halmashauri ya Jiji la Arusha, John Kilunge alipotembelea banda la Halmashauri ya Jiji la Dodoma katika Maonesho ya 50 ya Kimataifa ya Biashara ya Sabasaba yanayoendelea jijini Dar es Salaam. Kilunge alipongeza kasi ya ukuaji wa shughuli za biashara na uwekezaji ndani ya jiji hilo na kusema kuwa ni fursa kwa watanzania na wageni kuwekeza na kufungua zaidi fursa za ajira. Akiwa katika banda hilo, alipata maelezo kuhusu huduma mbalimbali zinazotolewa na Halmashauri ya Jiji la Dodoma pamoja na fursa za uwekezaji zilizopo, hususan katika sekta za ardhi, biashara na maendeleo ya kiuchumi. Alisema kuwa Jiji la Dodoma linaonesha mafanikio makubwa katika kukuza mazingira ya biashara na kuvutia wawekezaji k...
Read more

Wakili Kipangula asisitiza weledi taaluma ya habari

By Halmashauri ya Jiji la Dodoma
Image
Kaimu Mkurugenzi Mkuu wa Bodi ya Ithibati ya Waandishi wa Habari (JAB), Wakili Patrick Kipangula ametembelea banda la Halmashauri ya Jiji la Dodoma katika Maonesho ya 50 ya Biashara ya Kimataifa Sabasaba, 2026 yanayoendelea jijini Dar es Salaam na kusaini kitabu cha wageni mara baada ya kupata maelezo kuhusu huduma zinazotolewa na halmashauri hiyo pamoja na fursa mbalimbali za uwekezaji zilizopo jijini Dodoma. Akiwa katika banda hilo aliwataka maafisa habari wa serikali kusimamia misingi ya uandishi wa habari kwa kuzingatia weledi na maadili ya taaluma hiyo.
Read more