Sekondari Zuzu yapongezwa usimamizi na utunzaji Mazingira

By Halmashauri ya Jiji la Dodoma

Na. Mwandishi wetu, ZUZU

SHULE ya Sekondari Zuzu imepongezwa kwa usimamizi mzuri wa shule na utunzaji wa mazingira jambo linalochochea utulivu wakati wa kufundisha na kujisomea kwa wanafunzi.


Kauli hiyo ilitolewa na Mkuu wa Mkoa wa Dodoma, Rosemary Senyamule alipotembelea na kukagua ujenzi wa mabweni mawili katika Shule ya Sekondari Zuzu.

Mkuu wa mkoa alimpongeza Mkuu wa Shule ya Sekondari Zuzu, kwa usimamizi mzuri wa shule hiyo. Alisema kuwa shule ina mazingira safi na rafiki kwa wanafunzi kujifunzia kwa utulivu na walimu kuweza kufundisha vizuri jambo lililopelekea shule hiyo kushika nafasi ya tisa kimkoa miongoni mwa shule za serikali.

Kwa upande wake Mkuu wa Shule ya Sekondari Zuzu, Mwl. Hezron Lupondo aliishukuru Halmashauri ya Jiji la Dodoma kwa kuendelea kuwekeza katika sekta ya elimu kupitia uboreshaji wa miundombinu ya shule.

“Ujenzi wa mabweni haya mawili umetupa hamasa kubwa sisi walimu na wanafunzi. Mazingira bora ya kujifunzia yanachangia kuongeza ari ya kufundisha na kujifunza. Hivyo, tunaamini yatachochea kufanya vizuri zaidi kitaaluma,” alisema Mwl. Lupondo.

Mbunge wa Jimbo la Dodoma Mjini, Pachal Chinyele alisema kuwa ameridhishwa na ubora wa mabweni yaliyojengwa katika shule ya sekondari Zuzu akiyataja kuwa yamejengwa kwa viwango vinavyokidhi mahitaji ya wanafunzi.

“Mabweni haya ni ya kisasa na yatasaidia kutatua changamoto zilizokuwa zinawakabili wanafunzi, hususan za malazi na usafiri. Haya ni mazingira yanayowapa nafasi nzuri zaidi ya kujifunza na kufanya vizuri kitaaluma,” alisema Chinyele.

Mradi wa ujenzi wa mabweni mawili katika Shule ya Sekondari Zuzu ulianza kutekelezwa tarehe 7 Aprili, 2025 ukiwa umefikia asilimia 99 ya utekelezaji wake umegharimu jumla ya shilingi milioni 331.

Comments

Post a Comment

Popular Posts

Jiji la Dodoma lashauriwa kulinda hadhi ya Makao Makuu ya Nchi

By Halmashauri ya Jiji la Dodoma
Image
Na. Mwandishi wetu, DAR ES SALAAM   HALMASHAURI ya Jiji la Dodoma imeshauriwa kuendelea kusimamia Mpango Kabambe wake ili kuhakikisha jiji linakuwa na mpangilio wa kisasa na kulinda hadhi ya makao makuu ya nchi.   Katibu Mkuu Ofisi ya Rais, Maendeleo ya Vijana, Jenifa Omolo (kushoto) akiongea na wataalam wa Halmashauri ya Jiji la Dodoma Kauli hiyo ilitolewa na Katibu Mkuu Ofisi ya Rais, Maendeleo ya Vijana, Jenifa Omolo alipotembelea banda la Halmashauri ya Jiji la Dodoma katika Maonesho ya 50 ya Kimataifa ya Biashara Sabasaba yanayoendelea katika viwanja vya Mwl. Julius Nyerere jijini hapa.   Alisema kuwa ukuaji wa Jiji la Dodoma unapaswa kwenda sambamba na upangaji bora wa maeneo, miundombinu na mazingira ya mji ili kuongeza mvuto zaidi kwa wakazi, wawekezaji na wageni wanaofika kwa shughuli mbalimbali za kiserikali na kiuchumi.   Alisisitiza kuwa taswira ya mji ambao ni makao makuu ya nchi inapaswa kuonekana wazi kupitia mpangilio wa kisasa, unaozing...
Read more

Afisa Biashara Arusha apongeza ukuwaji wa Biashara wa Jiji la Dodoma

By Halmashauri ya Jiji la Dodoma
Image
Na. Mwandishi wetu, DAR ES SALAAM   HALMASHAURI ya Jiji la Dodoma imepongezwa kwa kasi ya ukuaji wa shughuli za biashara na uwekezaji na kutajwa kuwa ni fursa kwa watanzania na wageni kuwekeza.   Kauli hiyo ilitolewa na Mkuu wa Divisheni ya Biashara, Viwanda na Uwekezaji Halmashauri ya Jiji la Arusha, John Kilunge alipotembelea banda la Halmashauri ya Jiji la Dodoma katika Maonesho ya 50 ya Kimataifa ya Biashara ya Sabasaba yanayoendelea jijini Dar es Salaam. Kilunge alipongeza kasi ya ukuaji wa shughuli za biashara na uwekezaji ndani ya jiji hilo na kusema kuwa ni fursa kwa watanzania na wageni kuwekeza na kufungua zaidi fursa za ajira. Akiwa katika banda hilo, alipata maelezo kuhusu huduma mbalimbali zinazotolewa na Halmashauri ya Jiji la Dodoma pamoja na fursa za uwekezaji zilizopo, hususan katika sekta za ardhi, biashara na maendeleo ya kiuchumi. Alisema kuwa Jiji la Dodoma linaonesha mafanikio makubwa katika kukuza mazingira ya biashara na kuvutia wawekezaji k...
Read more

Wakili Kipangula asisitiza weledi taaluma ya habari

By Halmashauri ya Jiji la Dodoma
Image
Kaimu Mkurugenzi Mkuu wa Bodi ya Ithibati ya Waandishi wa Habari (JAB), Wakili Patrick Kipangula ametembelea banda la Halmashauri ya Jiji la Dodoma katika Maonesho ya 50 ya Biashara ya Kimataifa Sabasaba, 2026 yanayoendelea jijini Dar es Salaam na kusaini kitabu cha wageni mara baada ya kupata maelezo kuhusu huduma zinazotolewa na halmashauri hiyo pamoja na fursa mbalimbali za uwekezaji zilizopo jijini Dodoma. Akiwa katika banda hilo aliwataka maafisa habari wa serikali kusimamia misingi ya uandishi wa habari kwa kuzingatia weledi na maadili ya taaluma hiyo.
Read more