RC Senyamule aridhishwa maendeleo ya ujenzi Jengo Jumuishi Kituo cha Afya Makole

By Halmashauri ya Jiji la Dodoma

Na. Mwandishi wetu, DODOMA

HALMASHAURI ya Jiji la Dodoma imepongezwa kwa usimamizi mzuri wa ujenzi wa mradi wa jengo jumuishi la Kituo cha Afya Makole ukitajwa baada ya kukamilika kuwa utaboresha utoaji wa huduma za afya kwa wananchi.



Pongezi hizo zilitolewa na Mkuu wa Mkoa wa Dodoma, Rosemary Senyamule alipofanya ziara ya kutembelea na kukagua maendeleo ya ujenzi wa jengo hilo jana.

Mkuu wa mkoa alisema kuwa kukamilika mradi huo kutaleta mapinduzi makubwa katika utoaji wa huduma za afya katika halmashauri. Alisema kuwa jengo hilo linajengwa eneo la kimkakati katikati ya jiji likizungukwa na taasisi za serikali na binafsi.

“Jengo hili litapanua huduma ambazo hazikuwepo hapo awali, ikiwemo huduma za dharura, huduma za uzazi na huduma nyingine za kibingwa. Huu ni mradi muhimu ambao utawawanufaisha wananchi wengi. Niwapongeze sana Halmashauri ya Jiji la Dodoma kwa usimamizi mzuri,” alisema Senyamule.

Alitumia wakati huo kuwapongeza watumishi wa Kituo cha Afya Makole kwa kuendelea kutoa huduma bora zinazowavutia wananchi licha ya uwepo wa hospitali nyingine nyingi jijini Dodoma.

“Idadi kubwa ya wananchi, hususan wajawazito, wanaendelea kufika hapa kupata huduma kwa sababu huduma zinazotolewa ni bora. Huduma bora ndiyo zinazojenga imani ya wananchi na kuongeza idadi ya wanaofika kupata matibabu,” alisisitiza.

Comments

Post a Comment

Popular Posts

Jiji la Dodoma lashauriwa kulinda hadhi ya Makao Makuu ya Nchi

By Halmashauri ya Jiji la Dodoma
Image
Na. Mwandishi wetu, DAR ES SALAAM   HALMASHAURI ya Jiji la Dodoma imeshauriwa kuendelea kusimamia Mpango Kabambe wake ili kuhakikisha jiji linakuwa na mpangilio wa kisasa na kulinda hadhi ya makao makuu ya nchi.   Katibu Mkuu Ofisi ya Rais, Maendeleo ya Vijana, Jenifa Omolo (kushoto) akiongea na wataalam wa Halmashauri ya Jiji la Dodoma Kauli hiyo ilitolewa na Katibu Mkuu Ofisi ya Rais, Maendeleo ya Vijana, Jenifa Omolo alipotembelea banda la Halmashauri ya Jiji la Dodoma katika Maonesho ya 50 ya Kimataifa ya Biashara Sabasaba yanayoendelea katika viwanja vya Mwl. Julius Nyerere jijini hapa.   Alisema kuwa ukuaji wa Jiji la Dodoma unapaswa kwenda sambamba na upangaji bora wa maeneo, miundombinu na mazingira ya mji ili kuongeza mvuto zaidi kwa wakazi, wawekezaji na wageni wanaofika kwa shughuli mbalimbali za kiserikali na kiuchumi.   Alisisitiza kuwa taswira ya mji ambao ni makao makuu ya nchi inapaswa kuonekana wazi kupitia mpangilio wa kisasa, unaozing...
Read more

Afisa Biashara Arusha apongeza ukuwaji wa Biashara wa Jiji la Dodoma

By Halmashauri ya Jiji la Dodoma
Image
Na. Mwandishi wetu, DAR ES SALAAM   HALMASHAURI ya Jiji la Dodoma imepongezwa kwa kasi ya ukuaji wa shughuli za biashara na uwekezaji na kutajwa kuwa ni fursa kwa watanzania na wageni kuwekeza.   Kauli hiyo ilitolewa na Mkuu wa Divisheni ya Biashara, Viwanda na Uwekezaji Halmashauri ya Jiji la Arusha, John Kilunge alipotembelea banda la Halmashauri ya Jiji la Dodoma katika Maonesho ya 50 ya Kimataifa ya Biashara ya Sabasaba yanayoendelea jijini Dar es Salaam. Kilunge alipongeza kasi ya ukuaji wa shughuli za biashara na uwekezaji ndani ya jiji hilo na kusema kuwa ni fursa kwa watanzania na wageni kuwekeza na kufungua zaidi fursa za ajira. Akiwa katika banda hilo, alipata maelezo kuhusu huduma mbalimbali zinazotolewa na Halmashauri ya Jiji la Dodoma pamoja na fursa za uwekezaji zilizopo, hususan katika sekta za ardhi, biashara na maendeleo ya kiuchumi. Alisema kuwa Jiji la Dodoma linaonesha mafanikio makubwa katika kukuza mazingira ya biashara na kuvutia wawekezaji k...
Read more

Wakili Kipangula asisitiza weledi taaluma ya habari

By Halmashauri ya Jiji la Dodoma
Image
Kaimu Mkurugenzi Mkuu wa Bodi ya Ithibati ya Waandishi wa Habari (JAB), Wakili Patrick Kipangula ametembelea banda la Halmashauri ya Jiji la Dodoma katika Maonesho ya 50 ya Biashara ya Kimataifa Sabasaba, 2026 yanayoendelea jijini Dar es Salaam na kusaini kitabu cha wageni mara baada ya kupata maelezo kuhusu huduma zinazotolewa na halmashauri hiyo pamoja na fursa mbalimbali za uwekezaji zilizopo jijini Dodoma. Akiwa katika banda hilo aliwataka maafisa habari wa serikali kusimamia misingi ya uandishi wa habari kwa kuzingatia weledi na maadili ya taaluma hiyo.
Read more