MIL. 544,335,626 ZAJENGA SHULE YA SEKONDARI MICHESE

By Halmashauri ya Jiji la Dodoma

Na. Dennis Gondwe, MKONZE

SHILINGI 544,335,626 zimekamilisha ujenzi wa Shule ya Sekondari Michese na kuwawezesha wanafunzi 555 kupata elimu ya sekondari karibu na maeneo wanayoishi na kuwaondolea kero ya kutembea umbari mrefu kufuata elimu.



Kauli hiyo ilitolewa na Kaimu Mkurugenzi wa Halmashauri ya Jiji la Dodoma, Joseph Fungo alipokuwa akisoma taarifa ya ujenzi wa Shule mpya ya Sekondari Michese kwa Kamati ya Kudumu ya Bunge ya TAMISEMI iliyotembelea na kukagua ujenzi wa shule hiyo.

Fungo alisema “kiasi cha fedha kilichotolewa kwa ajili ya ujenzi ni shilingi 544,225,626 chanzo cha fedha kikiwa ni SEQUIP. Fedha zilipokelewa Mwezi Oktoba, 2023 na ujenzi ulianza rasmi Mwezi Novemba, 2023 na kukamilika Mwezi Mei, mwaka 2024. Utaratibu wa ujenzi uliotumika ni force akaunti na mradi ulikamilíka kwa wakati na shule ilianza rasmi mwaka 2024 na kusajiliwa kwa jina la Michese Sekondari, Namba ya usajili S.6625”.

Alisema kuwa ujenzi wa shule hiyo ulifanyika kwa awamu tatu, awamu ya kwanza ilihusisha ujenzi wa shule yenye vyumba nane vya madarasa, maabara tatu, maktaba moja, jengo la TEHAMA moja, jengo la utawala moja na matundu 10 ya vyoo.

Ofisi ya Mkurugenzi wa Jiji ilitoa shilingi 20,000,000 ikiwa ni mapato ya ndani kwa ajili ya uchimbaji wa kisima cha maji safi. “Awamu ya pili ya ujenzi ilihusisha ujenzi wa nyumba ya mwalimu, jumla ya Shilingi 95,000,000 ilitolewa Mwezi Juni, 2024 kwa ajili ya ujenzi wa nyumba ya mwalimu 2 in 1. Chanzo cha fedha ikiwa ni SEQUIP. Ujenzi ulianza Mwezi Septemba, 2024 na kukamilika Mwezi Januari, 2025 na kwa sasa nyumba hiyo inatumika” alisema Fungo.

Kwa upande wake Mwenyekiti wa Kamati ya Kudumu ya Bunge ya TAMISEMI, Florent Kyombo akimshukuru Rais, Dkt. Samia Suluhu Hassan kwa kutoa fedha kwa ajili ya ujenzi wa miundombinu na kuwawezesha wanafunzi kusoma karibu na maeneo wanayoishi.

Shule ya Sekondari Michese ni shule mpya ya kutwa yenye jumla ya wanafunzi 555 na walimu 30, ilianzishwa Julai 1, 2024 na ipo Kata ya Mkonze, Mtaa wa Michese Bwawani.

MWISHO

 

Comments

Post a Comment

Popular Posts

JIJI LA DODOMA LATOA VIWANJA 1,900 KWA WAFANYAKAZI

By Halmashauri ya Jiji la Dodoma
Image
  Na. Mwandishi wetu, DODOMA HALMASHAURI ya Jiji la Dodoma imeibuka kivingine katika Maadhimisho ya Siku ya Wafanyakazi Duniani kwa kuachia viwanja zaidi ya 1,900 vya matumizi mbalimbali kwa ajili ya wafanyakazi na wananchi kwa ujumla ili waweze kufurahia fursa ya kumiliki kiwanja katika makao makuu ya nchi. Kauli hiyo ilitolewa na Katibu wa Baraza la Wafanyakazi la Halmashauri ya Jiji la Dodoma, Dennis Gondwe alipokuwa akiongea na waandishi wa habari kuhusu nafasi ya Halmashgauri ya Jiji la Dodoma katika kujali makazi ya wafanyakazi katika Maadhimisho ya Siku ya Wafanyakazi Duniani yaliyofanyika ngazi ya mkoa katika Uwanja wa Jamhuri jijini Dodoma. “Nitumie nafasi hii kuwashauri na kuwashawishi wafanyakazi wa Halmashauri ya Jiji la Dodoma na wengine wote kuhakikisha wananunua viwanja katika Halmashauri ya Jiji la Dodoma. Hii itaweka alama kwa utumishi wao katika halmshauri, lakini kwa wale walio nje ya halmshauri itaweka alama kwa kumiliki kiwanja kihalali katika makao makuu...
Read more

Ofisi ya Kata Zuzu yaboreshwa kwaajili ya utoaji huduma bora

By Halmashauri ya Jiji la Dodoma
Image
Na. Leah Mabalwe, ZUZU Serikali ya awamu ya sita ya Jamhuri ya Muungano wa Tanzania i me lenga kuboresha mazingira bora ya kufanyia kazi kwa wa tumishi wa serikali ili waweze kutoa huduma bora kwa wananchi . Hayo yalibainishwa na Afisa Mtendaji wa Mtaa wa Zuzu, Shakila Mwanyemba, alipokuwa akiongelea mafanikio ya serikali ya awamu ya sita ndani ya robo ya tatu 2024/2025 wakati wa ziara iliyofanywa na Kamati ya Fedha na Utawala katika Kata ya Zuzu. “Serikali ya awamu ya sita ilitenga kiasi cha shilingi 15,000,000 kwaajili ya ukarabati wa Ofisi ya Kata ya Zuzu, ikiwa ni chachu ya kuboresha mazingira bora kwaajili ya watumishi ili waweze kutoa huduma nzuri kwa wananchi. Pia ofisi hii siyo tu kwaajili ya watumishi pekee, bali hata wananchi wanaweza kuja kupata huduma bora katika ofisi hii kutokana na mazingira ya ofisi kuwa bora, salama na rafiki” alisema Mwanyemba. Nae, Awadhi Abdallah, Diwani wa Kata ya Zuzu alitoa pongezi kwa serikali kwa kuendelea kuboresha utawala bora na kuwas...
Read more