JIJI LATEKELEZA MKAKATI WA KUBORESHA MAENEO YA WAZI

By Halmashauri ya Jiji la Dodoma

Na. Dennis Gondwe, DODOMA

HALMASHAURI ya Jiji la Dodoma inatekeleza mkakati wa uboreshaji maeneo ya wazi kwa kusimamia udhibiti na usimamizi wa sheria na kufanya uondoaji wa maendelezo ya kudumu yaliyokiuka masharti na kuboresha miundombinu ya maeneo ya michezo.


Kauli hiyo ilitolewa na Kaimu Mkurugenzi wa Halmashauri ya Jiji la Dodoma, Joseph Fungo alipokuwa akisoma taarifa ya uboreshaji wa maeneo ya wazi katika Halmashauri ya Jiji la Dodoma kwa Kamati ya Kudumu ya Bunge ya Tawala za Mikoa na Serikali za Mitaa (TAMISEMI) iliyofanya ziara katika jiji hilo.

Fungo alisema kuwa halmashauri ilifanya zoezi la mapitio ya hali ya maeneo ya wazi ili kubaini kama yanatumika kwa mujibu wa sheria. “Halmashauri inatekeleza mkakati wa udhibiti na usimamizi wa sheria katika maeneo ya wazi, zoezi la uondoaji wa maendelezo ya kudumu yaliyokiuka masharti ya uendelezaji limefanyika katika eneo la wazi lililopo Majengo maarufu kama kwa Kato, eneo la Rose Garden na maeneo mengine 47 ambayo tayari wameshatumiwa ilani yakuondoa maendelezo. Ulinzi na uhifadhi wa mazingira. Halmashauri katika Mwaka wa Fedha 2025/2026 inakusudia kupanda miti ya matunda na vivuri katika maneo ya wazi. Baadhi ya maeneo miti imeshapandwa mfano, eneo la Chako ni chako na Ukanda wa Kijani UDOM. Mkakati mwingine ni kuanza utekelezaji wa kuboresha eneo la majengo maarufu kwa Kato na eneo la Medeli ambayo tayari usanifu wa michoro wa maeneo hayo umeshafanyika na kiasi cha fedha kutengwa kwa ajili ya uboreshaji. Mwisho kuboresha miundombinu ya maeneo ya michezo. Halmashauri katika Mwaka wa Fedha 2025/2026 imetenga fedha kwa ajili ya kuboresha miundombinu ya michezo. Mfano, eneo la Chinangali Park ambapo uboreshaji wake umeanza na unaendelea” alisema Fungo.


Alisema kuwa baada ya taarifa ya maeneo ya wazi, halmashauri iliwasilisha taarifa hiyo katika vikao vya kisheria ambavyo ni Kamati ya Mipnago Miji, Kamati ya Fedha na Utawala na Mkutano wa Baraza la Madiwani wa robo ya pili 2025/2026.

Kwa upande wake Mjumbe wa Kamati ya Kudumu ya TAMISEMI, John Nzilanyingi alisema kuwa halmashauri bado ina jukumu kubwa la kuhakikisha inasimamia na kulinda maeneo ya wazi kwa maslahi mapana ya wananchi.

Halmashauri ya Jiji la Dodoma inamiliki maeneo ya wazi katika kata mbalimbali kwa mujibu wa sheria ya Mipango Miji ya Mwaka 1956 iliyoitwa ‘Town and Country Planning Ordinance’ Sura Namba 378 na kufanyiwa marekebisho Mwaka 2002.

MWISHO

Comments

Post a Comment

Popular Posts

JIJI LA DODOMA LATOA VIWANJA 1,900 KWA WAFANYAKAZI

By Halmashauri ya Jiji la Dodoma
Image
  Na. Mwandishi wetu, DODOMA HALMASHAURI ya Jiji la Dodoma imeibuka kivingine katika Maadhimisho ya Siku ya Wafanyakazi Duniani kwa kuachia viwanja zaidi ya 1,900 vya matumizi mbalimbali kwa ajili ya wafanyakazi na wananchi kwa ujumla ili waweze kufurahia fursa ya kumiliki kiwanja katika makao makuu ya nchi. Kauli hiyo ilitolewa na Katibu wa Baraza la Wafanyakazi la Halmashauri ya Jiji la Dodoma, Dennis Gondwe alipokuwa akiongea na waandishi wa habari kuhusu nafasi ya Halmashgauri ya Jiji la Dodoma katika kujali makazi ya wafanyakazi katika Maadhimisho ya Siku ya Wafanyakazi Duniani yaliyofanyika ngazi ya mkoa katika Uwanja wa Jamhuri jijini Dodoma. “Nitumie nafasi hii kuwashauri na kuwashawishi wafanyakazi wa Halmashauri ya Jiji la Dodoma na wengine wote kuhakikisha wananunua viwanja katika Halmashauri ya Jiji la Dodoma. Hii itaweka alama kwa utumishi wao katika halmshauri, lakini kwa wale walio nje ya halmshauri itaweka alama kwa kumiliki kiwanja kihalali katika makao makuu...
Read more

Ofisi ya Kata Zuzu yaboreshwa kwaajili ya utoaji huduma bora

By Halmashauri ya Jiji la Dodoma
Image
Na. Leah Mabalwe, ZUZU Serikali ya awamu ya sita ya Jamhuri ya Muungano wa Tanzania i me lenga kuboresha mazingira bora ya kufanyia kazi kwa wa tumishi wa serikali ili waweze kutoa huduma bora kwa wananchi . Hayo yalibainishwa na Afisa Mtendaji wa Mtaa wa Zuzu, Shakila Mwanyemba, alipokuwa akiongelea mafanikio ya serikali ya awamu ya sita ndani ya robo ya tatu 2024/2025 wakati wa ziara iliyofanywa na Kamati ya Fedha na Utawala katika Kata ya Zuzu. “Serikali ya awamu ya sita ilitenga kiasi cha shilingi 15,000,000 kwaajili ya ukarabati wa Ofisi ya Kata ya Zuzu, ikiwa ni chachu ya kuboresha mazingira bora kwaajili ya watumishi ili waweze kutoa huduma nzuri kwa wananchi. Pia ofisi hii siyo tu kwaajili ya watumishi pekee, bali hata wananchi wanaweza kuja kupata huduma bora katika ofisi hii kutokana na mazingira ya ofisi kuwa bora, salama na rafiki” alisema Mwanyemba. Nae, Awadhi Abdallah, Diwani wa Kata ya Zuzu alitoa pongezi kwa serikali kwa kuendelea kuboresha utawala bora na kuwas...
Read more