Wanawake TALGWU Dodoma wakabidhi Tenki la Maji lenye ujazo wa Lita 4,000

By Halmashauri ya Jiji la Dodoma

Na. Nancy Kivuyo, DODOMA

Kuelekea maadhimisho ya Siku ya Wanawake Duniani, Kamati ya Ushauri Wafanyakazi Wanawake ya TALGWU Mkoa wa Dodoma, imetembelea Kituo cha Afya Mkonze katika kufanya matendo ya huruma na kukabidhi msaada wa tenki la maji lenye ujazo wa lita 4,000.




Akizungumza na uongozi wa Kituo cha Afya Mkonze, Mwenyekiti wa Kamati ya Ushauri Wafanyakazi Wanawake ya TALGWU Dodoma, Siwajibu Clavery alisema, “maadhimisho ya Siku ya Wanawake Duniani yana dhima kubwa sana hasa ukizingatia mwanamke ndio kinara wa majukumu kwenye sehemu muhimu za familia. Sisi tumeona ni vema kufanya matendo ya huruma na kutoa msaada wa tenki hili ili wagonjwa hasa wanawake waweze kupata huduma ya maji wawapo katika matibabu kituoni hapa. Tunaomba mtumie kwa lengo hili kusudiwa”.

Nae Mganga Mfawidhi wa Kituo cha Afya Mkonze, Halima Kheri alisema anashukuru sana kwa msaada huo na atahakikisha linatumika vema ili huduma ya maji ya ziada kituoni hapo isikosekane.

Msaada huo wa tenki la kuhifadhia maji limegharimu kiasi cha shilingi 800,000 wakiwa na matajario ya kupunguza adha ya maji katika Kituo cha Afya Mkonze.




MWISHO

 

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Bilioni 9.1 yanufaisha vikundi kwa Mwaka 2020-2023

By Halmashauri ya Jiji la Dodoma
Na. Faraja Mbise, IPAGALA Halmashauri ya Jiji la Dodoma ilitoa takribani ya shilingi bilioni 9.1 kwa ajili ya kuwezesha vikundi vya wanawake, vijana na watu wenye ulemavu ndani ya kipindi cha Mwaka 2020 hadi 2023. Hayo yalisemwa na Kaimu Afisa Maendeleo ya Jamii, Halmashauri ya Jiji la Dodoma, Patrick Sebyiga alipofanyiwa mahojiano na waandishi wa habari, mara baada ya kumalizika kwa ziara ya Kamati ya Siasa ya Chama Cha Mapinduzi Wilaya ya Dodoma kukagua miradi ya maendeleo inayotekelezwa katika Jiji la Dodoma. “Kwa mikopo ya asilimia 10 kwa ajili ya wanawake, vijana na watu wenye ulemavu, kuanzia Mwaka 2020 hadi 2023, Halmashauri ya Jiji la Dodoma imetoa kiasi cha shilingi bilioni 9.1 ikiwa na maana vikundi 767 vimepata mkopo. Vikundi vya akina mama 407, vijana 279 na watu wenye ulemavu 81 hii ni sawa na watu 4,883 wamenufaika na mkopo wa asilimia 10” alisema Sebyiga. Akizungumzia kuhusu faida za mkopo wa asilimia 10, alisema kuwa mkopo huo una faida kubwa sana na unawawezesh...
Read more

Halmashauri ya Jiji la Dodoma yatoa Kongole kwa Rais, Dkt. Samia Suluhu Hassan

By Halmashauri ya Jiji la Dodoma
Image
Na. Faraja Mbise, NZUGUNI Halmashauri ya Jiji la Dodoma inaendelea kutoa shukrani kwa Rais, Dkt. Samia Suluhu Hassan kwa kutenga fedha kwa ajili ya maboresho ya miundombinu ya sekta ya afya kwa kipindi chote cha miaka minne ya uongozi wa awamu ya sita inayopelekea huduma bora kwa wananchi. Hayo yalizemwa na Mganga Mkuu wa Jiji la Dodoma, Dkt. Sebastian Pima wakati akiwasilisha taarifa fupi ya Zahanati ya Mahomanyika kwa Kamati ya Siasa ya Chama Cha Mapinduzi (CCM) Wilaya ya Dodoma iliyofanya ziara ya kutembelea zahanati hiyo. Dkt. Pima alisema “tunapenda kutoa shukrani zetu za dhati kwa Rais, Dkt. Samia Suluhu Hassan kwa kuendelea kutenga fedha kwa ajili maboresho ya miundombinu ya sekta ya afya”. Akizungumza kuhusu historia ya zahanati hiyo, alisema kuwa mwaka ambao zahanati hiyo imejengwa na jumla ya watumishi waliopo wanaowahudumia wananchi wa Mtaa wa Mahomanyika. “Zahanati ya Mahomanyika ilianzishwa mwaka 1992 na inapatikana katika Kata ya Nzuguni. Zahanati hii ina jumla y...
Read more