Jiji la Dodoma latoa elimu dhidi ya ukatili wa kijinsia kwa wanafunzi wa kike

By Halmashauri ya Jiji la Dodoma

Na. Nancy Kivuyo, DODOMA

Ofisi ya Mkurugenzi wa Jiji la Dodoma kupitia Divisheni ya Maendeleo ya Jamii, walitoa mafunzo kwa wanafunzi wa Shule za Sekondari Viwandani na Kikuyu ikiwa ni shamrashamra za kueleka kilele cha maadhimisho ya Siku ya Wanawake Duniani itakayofanyika kitaifa mkoani Arusha tarehe 08 Machi, 2025.




Akizungumza na wanafunzi wasichana kwenye shule hizo, Afisa Maendeleo ya Jamii, Dawati la Msaada wa Kisheria, Elizabeth Godwin alisema “tupo katika kuhakikisha binti anapata elimu kuhusiana na masuala ya ukatili wa kijinsia kwasababu tunaamini ya kwamba, binti anapofanyiwa ukatili wa kijinsia ndio tunapoteza ule uhalisia wa mwanamke ambae baadae ndio angekuja kuwa nguzo muhimu ya familia kama mlezi au mzazi mzuri. Tushukuru Mungu wanafunzi wameitikia wito wa elimu hii nzuri, wameonesha kuelewa juu ya elimu ya ukatili na mahali gani pa kuripoti”.

Nae Mratibu wa Elimu Kata ya Viwandani, Zaituni Mkoyi aliwaasa wasichana wanafunzi kuzingatia masomo ili waje kuwa mfano mzuri katika maisha yao ya sasa na ya baadae. “Hata sisi tulikua watoto kama ninyi, lakini tulisoma kwa bidii na kuchangamkia fursa mbalimbali ndio maana mnatuona leo hapa. Hata nyie mnaweza, msome kwa bidii, muwe watoto wasikivu, muwe na heshima kwa wazazi na wakubwa zenu na hakika mtafanikiwa” alisema Mkoyi.

Kwa upande mwingine, Mwanafunzi Conjesta Mwanika alisema kuwa amejifunza vitu vingi katika mafunzo hayo na anaamini atasoma kwa bidii na kufuata ushauri makini uliotolewa. “Nimejifunza vitu vingi sana leo, la kwanza tuzingatie masomo, tuwe na nidhamu, tuchangamkie fursa za kujishughulisha na kilimo cha vitalu, kufanya biashara ndogo ndogo ili kujikimu na kukwepa tamaa” alisema Mwanika.

Nae Mwanafunzi, Jenipha Mandela alishukuru kwa mafunzo hayo na kuahidi kusoma kwa bidii ili kuweza kufikia ndoto zake. Aliongeza kuwa amepata elimu kubwa juu ya masuala ya ukatili wa kijinsia na kusema “ukatili wa kijinsia unaweza kutuathiri kisaikolojia, hivyo tunapaswa kuripoti matendo mabaya kwa mwalimu wa Malezi au jirani ambae ni mshauri mzuri ili aweze kutusaidia katika kutatua tatizo hilo” alisema Mandela.






MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Bilioni 9.1 yanufaisha vikundi kwa Mwaka 2020-2023

By Halmashauri ya Jiji la Dodoma
Na. Faraja Mbise, IPAGALA Halmashauri ya Jiji la Dodoma ilitoa takribani ya shilingi bilioni 9.1 kwa ajili ya kuwezesha vikundi vya wanawake, vijana na watu wenye ulemavu ndani ya kipindi cha Mwaka 2020 hadi 2023. Hayo yalisemwa na Kaimu Afisa Maendeleo ya Jamii, Halmashauri ya Jiji la Dodoma, Patrick Sebyiga alipofanyiwa mahojiano na waandishi wa habari, mara baada ya kumalizika kwa ziara ya Kamati ya Siasa ya Chama Cha Mapinduzi Wilaya ya Dodoma kukagua miradi ya maendeleo inayotekelezwa katika Jiji la Dodoma. “Kwa mikopo ya asilimia 10 kwa ajili ya wanawake, vijana na watu wenye ulemavu, kuanzia Mwaka 2020 hadi 2023, Halmashauri ya Jiji la Dodoma imetoa kiasi cha shilingi bilioni 9.1 ikiwa na maana vikundi 767 vimepata mkopo. Vikundi vya akina mama 407, vijana 279 na watu wenye ulemavu 81 hii ni sawa na watu 4,883 wamenufaika na mkopo wa asilimia 10” alisema Sebyiga. Akizungumzia kuhusu faida za mkopo wa asilimia 10, alisema kuwa mkopo huo una faida kubwa sana na unawawezesh...
Read more

Halmashauri ya Jiji la Dodoma yatoa Kongole kwa Rais, Dkt. Samia Suluhu Hassan

By Halmashauri ya Jiji la Dodoma
Image
Na. Faraja Mbise, NZUGUNI Halmashauri ya Jiji la Dodoma inaendelea kutoa shukrani kwa Rais, Dkt. Samia Suluhu Hassan kwa kutenga fedha kwa ajili ya maboresho ya miundombinu ya sekta ya afya kwa kipindi chote cha miaka minne ya uongozi wa awamu ya sita inayopelekea huduma bora kwa wananchi. Hayo yalizemwa na Mganga Mkuu wa Jiji la Dodoma, Dkt. Sebastian Pima wakati akiwasilisha taarifa fupi ya Zahanati ya Mahomanyika kwa Kamati ya Siasa ya Chama Cha Mapinduzi (CCM) Wilaya ya Dodoma iliyofanya ziara ya kutembelea zahanati hiyo. Dkt. Pima alisema “tunapenda kutoa shukrani zetu za dhati kwa Rais, Dkt. Samia Suluhu Hassan kwa kuendelea kutenga fedha kwa ajili maboresho ya miundombinu ya sekta ya afya”. Akizungumza kuhusu historia ya zahanati hiyo, alisema kuwa mwaka ambao zahanati hiyo imejengwa na jumla ya watumishi waliopo wanaowahudumia wananchi wa Mtaa wa Mahomanyika. “Zahanati ya Mahomanyika ilianzishwa mwaka 1992 na inapatikana katika Kata ya Nzuguni. Zahanati hii ina jumla y...
Read more