Wananchi Kata ya Chang’ombe wahimizwa kulinda miundombinu

By Halmashauri ya Jiji la Dodoma

Na. Mwandishi Wetu, DODOMA

Wananchi wa Kata ya Chang’ombe watakiwa kuendelea kuitunza na kuilinda miradi ya maendeleo ili iweze kutoa huduma kwa muda mrefu na kuvinufaisha vizazi vya sasa na vijavyo.



Hayo aliyasema Naibu Meya wa Halmashauri ya Jiji la Dodoma, Bakari Fundikira mara baada ya kutembelea na kukagua utekelezaji wa miradi ya maendeleo katika Kata ya Chang’ombe jijini Dodoma.

Alisema kuwa serikali imeendelea kuwekeza fedha nyingi katika utekelezaji wa miradi ya maendeleo yenye lengo la kuboresha huduma za kijamii na kuinua ustawi wa wananchi. “Hivyo, ni wajibu wa kila mwananchi kushiriki katika kuilinda na kuitunza. Leo tumetembelea miradi mbalimbali ikiwemo ujenzi wa Ofisi ya Mtaa wa Kishoka, Ofisi ya Mtaa wa Chang’ombe Juu, Ofisi ya Mtaa wa Hamvu, kisima cha maji Shule ya Msingi Chang’ombe na

ujenzi wa Wodi ya Mama na Mtoto katika Kituo cha Afya Chang’ombe ambapo miradi hii imejengwa kwa fedha za serikali jumla ya shilingi 456,926,355. Lakini pia nitoe rai kuwa ni muhimu kila mmoja wetu awe mlinzi wa maendeleo haya kwa kuitunza, kuilinda na kuhakikisha inatumika kwa malengo yaliyokusudiwa ili iendelee kuwanufaisha wananchi kwa miaka mingi ijayo,” alisema Fundikira.

Aliongeza kuwa ushirikiano kati ya wananchi na serikali ni msingi muhimu wa kuhakikisha uwekezaji unaofanywa unaendelea kuleta matokeo chanya katika sekta mtambuka.

Kwa upande wake Afisa Mtendaji wa Kata ya Chang’ombe, Hussein Kabezi alisema kuwa anaishukuru serikali kwa ujenzi wa miradi hiyo kwasababu imekuwa na mchango mkubwa kwa maendeleo ya wananchi.

“Miradi hii imekuwa na mchango mkubwa katika kuboresha upatikanaji wa huduma kwa wananchi na tunaahidi kuwa tutaendelea kushirikiana na wakazi wa kata hii na kuhakikisha miundombinu yote inalindwa dhidi ya uharibifu,” alisema Kabezi.

Comments

Post a Comment

Popular Posts

Jiji la Dodoma lashauriwa kulinda hadhi ya Makao Makuu ya Nchi

By Halmashauri ya Jiji la Dodoma
Image
Na. Mwandishi wetu, DAR ES SALAAM   HALMASHAURI ya Jiji la Dodoma imeshauriwa kuendelea kusimamia Mpango Kabambe wake ili kuhakikisha jiji linakuwa na mpangilio wa kisasa na kulinda hadhi ya makao makuu ya nchi.   Katibu Mkuu Ofisi ya Rais, Maendeleo ya Vijana, Jenifa Omolo (kushoto) akiongea na wataalam wa Halmashauri ya Jiji la Dodoma Kauli hiyo ilitolewa na Katibu Mkuu Ofisi ya Rais, Maendeleo ya Vijana, Jenifa Omolo alipotembelea banda la Halmashauri ya Jiji la Dodoma katika Maonesho ya 50 ya Kimataifa ya Biashara Sabasaba yanayoendelea katika viwanja vya Mwl. Julius Nyerere jijini hapa.   Alisema kuwa ukuaji wa Jiji la Dodoma unapaswa kwenda sambamba na upangaji bora wa maeneo, miundombinu na mazingira ya mji ili kuongeza mvuto zaidi kwa wakazi, wawekezaji na wageni wanaofika kwa shughuli mbalimbali za kiserikali na kiuchumi.   Alisisitiza kuwa taswira ya mji ambao ni makao makuu ya nchi inapaswa kuonekana wazi kupitia mpangilio wa kisasa, unaozing...
Read more

Uwanja wa Maonesho wa Nanenane wafurika

By Halmashauri ya Jiji la Dodoma
Image
Na. Flora Nadoo, NANENANE Uwanja wa maonesho ya Nanenane Kanda ya Kati Dodoma, wafurika watu kutoka sehemu mbalimbali kwa ajili ya kushuhudia ufunguzi huo. Mbali na ufunguzi huo wa maonesho ya Nanenane, wananchi washuhudia uzinduzi wa Tukutuku (Pikipiki za miguu mitatu) takribani 100 ambazo zitagawiwa kwa vijana. Kupitia pikipiki hizo vijana watapata faida kubwa sana kwasababu ni pikipiki zilizotengenezwa kisasa zaidi na hivyo zitakuwa zinatoa kahawa ya viwango vya juu sana. Kwa upande wa burudani, wananchi walifurahia sana wagogo wakicheza ngoma zao za asili kwa umahili mkubwa wakiongozwa na mwalimu wao aliyefahamika kwa jina la Malima.   Kutokana na kufurika kwa watu hao, watu wenye vyombo vya moto kama bajaji, pikipiki na magari wajipatia faida kubwa tofauti na siku zote kufuatia kutoa huduma ya usafiri. Habari hii imehaririwa na Janeth Gerald MWISHO
Read more

TAMISEMI yakusanya Shilingi Trilioni 1.11

By Halmashauri ya Jiji la Dodoma
Image
OR-TAMISEMI WAZIRI wa Nchi, Ofisi ya Rais-TAMISEMI, Mohamed Mchengerwa amesema hadi kufikia Machi, 2025 shilingi trilioni 1.11 zimekusanywa sawa na asilimia 93.15 ya lengo la kukusanya shilingi trilioni 1.60 kwa Mwaka 2024/25. Waziri wa Nchi, Ofisi ya Rais-TAMISEMI, Mohamed Mchengerwa Akiwasilisha bungeni makadirio ya mapato na matumizi ya Ofisi hiyo kwa Mwaka 2025/26, Waziri Mchengerwa alisema kuwa kati ya fedha hizo shilingi trilioni 61.21 ni kodi ya majengo, shilingi trilioni 1.04 ni mapato ya ndani ya mamlaka za serikali za mitaa. Pia, alisema kuwa shilingi bilioni 16.23 ni mapato ya ndani ya taasisi na shilingi milioni 201.60 ni maduhuli ya mikoa. Alifafanua kuwa makusanyo hayo yalitokana na ada za wanachuo, tozo, ukusanyaji wa madeni, mauzo ya bidhaa mbalimbali na ushuru unaotozwa na mamlaka za serikali za mitaa kulingana na Sheria ya Fedha za Serikali za Mitaa, Sura 290. Mchengerwa alisema kuwa kwa kipindi hicho, TAMISEMI ilipanga kutumia shilingi bilioni 541.27 za map...
Read more