Vijana watakiwa kuepuka matumizi ya Dawa za kulevya Dodoma

By Halmashauri ya Jiji la Dodoma

 

Na. Mwandishi wetu, DODOMA

VIJANA wahimizwa kuepuka matumizi ya dawa za kulevya ambayo yanatajwa kuwa na madhara makubwa ili kulinda afya zao na kuchangia maendeleo ya taifa.



Akizungumza katika Kongamano la Vijana lililofanyika katika ukumbi wa Chuo cha Mipango na Maendeleo Vijijini (IRDP), Afisa Mwandamizi kutoka Mamlaka ya Kudhibiti na Kupambana na Dawa za Kulevya, Anna Tengia alisema kuwa dawa za kulevya ni kemikali zinazobadilisha mfumo wa fahamu wa binadamu na kuathiri mtu anavyofikiri na kutenda.

Aliweka mkazo kuwa vijana wajilinde ili kujenga kizazi imara na kinachofikiria mustakabali bora wa maisha yao. “Dawa za kulevya huathiri afya ya akili na mwili wa mtumiaji. Kwa maana hiyo hupunguza uwezo wa vijana kushiriki kikamilifu katika shughuli za maendeleo” alisema Tengia.

Kwa upande wake, Afisa Sheria wa mamlaka hiyo, Meshak Lyabonga wakati akitoa elimu alisisitiza kuwa matumizi ya dawa za kulevya ni kosa la kisheria na wahusika wanaweza kuchukuliwa hatua kwa mujibu wa sheria.

Kongamano hilo limeonesha umuhimu wa vijana kukutana na kufanya mijadala muhimu ambayo itawasaidia katika kufanya maamuzi sahihi ili kuepuka matumizi ya dawa za kulevya na kulinda afya zao.






MWISHO

Comments

Post a Comment

Popular Posts

Baraza la Madiwani Jiji la Dodoma lawafukuza kazi watumishi watatu na mmoja kushushwa cheo

By Halmashauri ya Jiji la Dodoma
Image
Na. Mwandishi wetu, DODOMA BARAZA la Madiwani la Halmashauri ya Jiji la Dodoma limewafukuza kazi watumishi watatu na mtumishi mmoja kushushwa cheo na mshahara kufuatia kukiuka misingi na taratibu za Utumishi wa Umma. Maamuzi hayo yalifanyika katika Mkutano maalum wa Mashauri ya Kinidhamu uliofanyika katika ukumbi wa mikutano wa Halmashauri ya Jiji la Dodoma. Watumishi waliofukuzwa kazi ni Afisa Muuguzi Msaidizi, Muuguzi na Afisa Mtendaji wa Mtaa. Mtumishi aliyeshushwa cheo na mshahara ni Mteknolojia Maabara. Mstahiki Meya wa Halmashauri ya Jiji la Dodoma, Alimwoni Chaula alilihoji Baraza la Madiwani, na kwa kauli moja liliridhia kuwafukuza kazi watumishi hao watatu na kushushwa cheo na mshahara mtumishi mmoja. Akiwasilisha taarifa ya kuhitimisha mashauri ya nidhamu ya watumishi wanne kwa Baraza maalum la Mashauri ya Nidhamu, Mkuu wa Divisheni ya Utawala na Menejimenti ya Rasilimali watu kwa niaba ya Mkurugenzi wa Jiji la Dodoma, Gerald Ruzika alisema kuwa mkurugenzi aliunda kam...
Read more

Odero: Mwenge wa Uhuru alama ya Umoja Wilayani Dodoma

By Halmashauri ya Jiji la Dodoma
Image
Na. Dennis Gondwe, DODOMA WANANCHI wa Wilaya ya Dodoma wameombwa kuonesha umoja na mshikamano wao kwa kujitokeza kwa wingi kuupokea na kuukimbiza Mwenge wa Uhuru utakapowasili na kutembelea miradi ya maendeleo inayolenga kuboresha maisha yao. Kaimu Mkurugenzi wa Jiji la Dodoma, Vincent Odero akionesha utayari wa kuupokea Mwenge wa Uhuru mwaka 2026 Kauli hiyo ilitolewa na Kaimu Mkurugenzi wa Halmashauri ya Jiji la Dodoma, Vincent Odero alipokuwa akiongea na waandishi wa habari ofisini kwake kuhusu maandalizi ya mapokezi ya Mwenge wa Uhuru Mwaka 2026 katika Wilaya ya Dodoma. Alisema kuwa Mwenge wa Uhuru ni chombo cha umoja na mshikamano ambao umekuwa ukitafsiriwa kwa vitendo wilayani Dodoma. “Wilaya ya Dodoma tumekuwa tukionesha umoja na mshikamano wa wazi linapokuja suala ya Mwenge wa Uhuru kwa miaka yote. Hili ni jambo la heshima kwetu. Nitumie nafasi hii kuwaalika na kuwaomba tena wananchi wote tarehe 1 Juni, 2026 kuupokea Mwenge wa Uhuru katika Mtaa wa Vikonje B, Kata ya Mtumba n...
Read more