Jamii yatakiwa kuwajengea watoto utamaduni wa kupenda kupanda Miti na kuhifadhi Mazingira

By Halmashauri ya Jiji la Dodoma

 

Na. Dennis Gondwe, DODOMA

WADAU wa uhifadhi wa Mazingira wametakiwa kuwajengea watoto utaratibu wa kupanda miti na kupenda kudumisha usafi wa Mazingira katika maeneo yanayowazunguka ili kuwa na mandhari nzuri ya kuvutia.


Kauli hiyo ilitolewa na Katibu Tawala Mkoa wa Dodoma, Dkt. Khatibu Kazungu alipomuwakilisha Mkuu wa Mkoa wa Dodoma katika zoezi la usafi wa Mazingira ikiwa ni sehemu ya maadhimisho ya Siku ya Mazingira Duniani lililofanyika katika Soko la wazi la Machinga jijini Dodoma.

Akizungumza na mamia ya wananchi waliojitokeza kushiriki zoezi hilo la usafi, alisema kuwa wadau wa masuala ya usafi na jamii kwa ujumla wana wajibu wa kuwafundisha na kuwarithisha watoto kupenda usafi na kuchukia mazingira machafu. “Pamoja na usafi, pia tuwakumbushe watoto wetu kupanda miti katika maeneo yanayotuzunguka. Kurithisha tabia ya kupenda kupanda miti inatuhakikishia mandhari nzuri inayotuzunguka na kuepuka tishio la mabadiliko ya tabia nchi” alisema Dkt. Kazungu.

Kwa upande wake, mwakilishi wa Mkurugenzi Msaidizi wa Mazingira kutoka Ofisi ya Makamu wa Rais- Muungano na Mazingira, Martha Ngalowera alisema kuwa zoezi la usafi wa mazingira katika Soko la wazi la Machinga ni kuweka alama ya maadhimisho ya Siku ya Mazingira Duniani.

Alisema kuwa maadhimisho hayo yanaongozwa na kaulimbiu isemayo ‘Dira 2050, tuwajibike kukijanisha Tanzania’. “Kupitia kaulimbiu hii tunatarajia ifikapo Mwaka 2050, Tanzania iwe kati ya nchi 10 bora katika uhifadhi wa mazingira. Kwa maana hiyo, kaulimbiu hii inalenga kuhamasisha jamii kuelekea Dira 2050” alisema Ngalowera.



Ikumbukwe kuwa maadhimisho ya Siku ya Mazingira Duniani nchini yalianza tarehe 11 Mei na yanatarajiwa kuhitimishwa tarehe 5 Juni, 2026, baada ya Waziri mwenye dhamana na Mazingira kutoa tamko rasmi la serikali la maadhimisho ya Siku ya Mazingira Duniani, yatakayokuwa pamoja na mambo mengine kuzindua programu kabambe ya kukijanisha Tanzania ikilenga kuifanya kuwa kinara wa uhifadhi wa Mazingira.

Comments

Post a Comment

Popular Posts

Baraza la Madiwani Jiji la Dodoma lawafukuza kazi watumishi watatu na mmoja kushushwa cheo

By Halmashauri ya Jiji la Dodoma
Image
Na. Mwandishi wetu, DODOMA BARAZA la Madiwani la Halmashauri ya Jiji la Dodoma limewafukuza kazi watumishi watatu na mtumishi mmoja kushushwa cheo na mshahara kufuatia kukiuka misingi na taratibu za Utumishi wa Umma. Maamuzi hayo yalifanyika katika Mkutano maalum wa Mashauri ya Kinidhamu uliofanyika katika ukumbi wa mikutano wa Halmashauri ya Jiji la Dodoma. Watumishi waliofukuzwa kazi ni Afisa Muuguzi Msaidizi, Muuguzi na Afisa Mtendaji wa Mtaa. Mtumishi aliyeshushwa cheo na mshahara ni Mteknolojia Maabara. Mstahiki Meya wa Halmashauri ya Jiji la Dodoma, Alimwoni Chaula alilihoji Baraza la Madiwani, na kwa kauli moja liliridhia kuwafukuza kazi watumishi hao watatu na kushushwa cheo na mshahara mtumishi mmoja. Akiwasilisha taarifa ya kuhitimisha mashauri ya nidhamu ya watumishi wanne kwa Baraza maalum la Mashauri ya Nidhamu, Mkuu wa Divisheni ya Utawala na Menejimenti ya Rasilimali watu kwa niaba ya Mkurugenzi wa Jiji la Dodoma, Gerald Ruzika alisema kuwa mkurugenzi aliunda kam...
Read more

Odero: Mwenge wa Uhuru alama ya Umoja Wilayani Dodoma

By Halmashauri ya Jiji la Dodoma
Image
Na. Dennis Gondwe, DODOMA WANANCHI wa Wilaya ya Dodoma wameombwa kuonesha umoja na mshikamano wao kwa kujitokeza kwa wingi kuupokea na kuukimbiza Mwenge wa Uhuru utakapowasili na kutembelea miradi ya maendeleo inayolenga kuboresha maisha yao. Kaimu Mkurugenzi wa Jiji la Dodoma, Vincent Odero akionesha utayari wa kuupokea Mwenge wa Uhuru mwaka 2026 Kauli hiyo ilitolewa na Kaimu Mkurugenzi wa Halmashauri ya Jiji la Dodoma, Vincent Odero alipokuwa akiongea na waandishi wa habari ofisini kwake kuhusu maandalizi ya mapokezi ya Mwenge wa Uhuru Mwaka 2026 katika Wilaya ya Dodoma. Alisema kuwa Mwenge wa Uhuru ni chombo cha umoja na mshikamano ambao umekuwa ukitafsiriwa kwa vitendo wilayani Dodoma. “Wilaya ya Dodoma tumekuwa tukionesha umoja na mshikamano wa wazi linapokuja suala ya Mwenge wa Uhuru kwa miaka yote. Hili ni jambo la heshima kwetu. Nitumie nafasi hii kuwaalika na kuwaomba tena wananchi wote tarehe 1 Juni, 2026 kuupokea Mwenge wa Uhuru katika Mtaa wa Vikonje B, Kata ya Mtumba n...
Read more