Vijana Dodoma watakiwa kutekeleza wajibu wao katika jamii

By Halmashauri ya Jiji la Dodoma

Na. Mwandishi Wetu, DODOMA

VIJANA wametakiwa kujitambua, kuthamini nafasi yao katika maendeleo ya taifa na kutekeleza wajibu kwa familia na jamii kwa ujumla ili kuchangia ustawi wa nchi.




Wito huo ulitolewa na Waziri wa Mambo ya Ndani ya Nchi, Patrobas Katambi wakati akizungumza katika Kongamano la Vijana lililofanyika katika ukumbi wa Chuo cha Mipango na Maendeleo Vijijini (IRDP) katika Wilaya ya Dodoma ikiwa ni kuelekea mapokezi ya Mbio za Mwenge wa Uhuru Kitaifa Mwaka 2026 katika ya Wilaya ya Dodoma.

Alisema kuwa vijana wana nafasi kubwa katika kuendeleza amani, uzalendo na maendeleo ya taifa, hivyo wanapaswa kutumia fursa walizonazo kwa manufaa yao na ya jamii inayowazunguka. “Kuelekea Mbio za Mwenge wa Uhuru Kitaifa Mwaka 2026, ninawahimiza vijana wote kujitambua, kujua wajibu wao kwa familia, jamii na taifa kwa ujumla. Vijana ndiyo nguvu kazi ya taifa na msingi wa maendeleo endelevu” alisema Katambi.

Aliongeza kuwa Mwenge wa Uhuru unaendelea kuwa chombo muhimu cha kuhamasisha maendeleo, kudumisha umoja wa kitaifa na kuibua miradi yenye manufaa kwa wananchi, hivyo ushiriki wa vijana katika shughuli zake ni jambo la msingi.




Kwa upande wake Mkuu wa Wilaya ya Dodoma, Alhaj Jabir Shekimweri alitoa shukrani kwa waziri kuweza kushiriki katika kongamano hilo. “Kwanza kabisa nitoe pongezi zangu za dhati kwa waziri ambapo ameweza kuungana na sisi katika kongamano hili na kutoa nasaha zake na kuzungumza na vijana wa Wilaya ya Dodoma. Hivyo, nina imani kupitia mafunzo haya vijana hawa wataenda kuwa bora” alisema Alhaj Shekimweri.

Kongamano hilo lililenga kujadili nafasi ya vijana katika maendeleo ya taifa, kujenga uzalendo na kuhamasisha ushiriki wao katika shughuli mbalimbali za kijamii na kiuchumi kuelekea Mbio za Mwenge wa Uhuru Kitaifa Mwaka 2026 itakayofanyika tarehe 1 Juni, 2026.

MWISHO

Comments

Post a Comment

Popular Posts

Baraza la Madiwani Jiji la Dodoma lawafukuza kazi watumishi watatu na mmoja kushushwa cheo

By Halmashauri ya Jiji la Dodoma
Image
Na. Mwandishi wetu, DODOMA BARAZA la Madiwani la Halmashauri ya Jiji la Dodoma limewafukuza kazi watumishi watatu na mtumishi mmoja kushushwa cheo na mshahara kufuatia kukiuka misingi na taratibu za Utumishi wa Umma. Maamuzi hayo yalifanyika katika Mkutano maalum wa Mashauri ya Kinidhamu uliofanyika katika ukumbi wa mikutano wa Halmashauri ya Jiji la Dodoma. Watumishi waliofukuzwa kazi ni Afisa Muuguzi Msaidizi, Muuguzi na Afisa Mtendaji wa Mtaa. Mtumishi aliyeshushwa cheo na mshahara ni Mteknolojia Maabara. Mstahiki Meya wa Halmashauri ya Jiji la Dodoma, Alimwoni Chaula alilihoji Baraza la Madiwani, na kwa kauli moja liliridhia kuwafukuza kazi watumishi hao watatu na kushushwa cheo na mshahara mtumishi mmoja. Akiwasilisha taarifa ya kuhitimisha mashauri ya nidhamu ya watumishi wanne kwa Baraza maalum la Mashauri ya Nidhamu, Mkuu wa Divisheni ya Utawala na Menejimenti ya Rasilimali watu kwa niaba ya Mkurugenzi wa Jiji la Dodoma, Gerald Ruzika alisema kuwa mkurugenzi aliunda kam...
Read more

Odero: Mwenge wa Uhuru alama ya Umoja Wilayani Dodoma

By Halmashauri ya Jiji la Dodoma
Image
Na. Dennis Gondwe, DODOMA WANANCHI wa Wilaya ya Dodoma wameombwa kuonesha umoja na mshikamano wao kwa kujitokeza kwa wingi kuupokea na kuukimbiza Mwenge wa Uhuru utakapowasili na kutembelea miradi ya maendeleo inayolenga kuboresha maisha yao. Kaimu Mkurugenzi wa Jiji la Dodoma, Vincent Odero akionesha utayari wa kuupokea Mwenge wa Uhuru mwaka 2026 Kauli hiyo ilitolewa na Kaimu Mkurugenzi wa Halmashauri ya Jiji la Dodoma, Vincent Odero alipokuwa akiongea na waandishi wa habari ofisini kwake kuhusu maandalizi ya mapokezi ya Mwenge wa Uhuru Mwaka 2026 katika Wilaya ya Dodoma. Alisema kuwa Mwenge wa Uhuru ni chombo cha umoja na mshikamano ambao umekuwa ukitafsiriwa kwa vitendo wilayani Dodoma. “Wilaya ya Dodoma tumekuwa tukionesha umoja na mshikamano wa wazi linapokuja suala ya Mwenge wa Uhuru kwa miaka yote. Hili ni jambo la heshima kwetu. Nitumie nafasi hii kuwaalika na kuwaomba tena wananchi wote tarehe 1 Juni, 2026 kuupokea Mwenge wa Uhuru katika Mtaa wa Vikonje B, Kata ya Mtumba n...
Read more