Wanawake watakiwa kulipa kodi na kukuza uchumi katika Jiji la Dodoma

By Halmashauri ya Jiji la Dodoma

Na. Mwandishi Wetu, DODOMA

Wanawake wa Halmashauri ya Jiji la Dodoma, hususan wafanyabiashara na wajasiriamali, wametakiwa kuendelea kulipa kodi na tozo kwa wakati ili kuchangia maendeleo ya jiji pamoja na kukuza uchumi wao na wa jamii kwa ujumla.



Wito huo ulitolewa na Diwani wa Viti Maalum Tarafa ya Zuzu, Pilly Hassan, wakati akizungumza na waandishi wa habari kuelekea maadhimisho ya Siku ya Wanawake Duniani yanayotarajiwa kufanyika tarehe 8 Machi, 2026.

Alisema kuwa ulipaji wa kodi ni moja ya njia muhimu inayosaidia serikali  kupata mapato ya kutekeleza miradi mbalimbali ya maendeleo ikiwemo kuboresha miundombinu ya masoko, barabara na huduma nyingine muhimu kwa wananchi. “Wanawake wengi wa Jiji la Dodoma tunajishughulisha na shughuli za biashara na ujasiriamali. Hivyo, tunapaswa kuwa mfano mzuri kwa kuhakikisha tunatimiza wajibu wetu wa kulipa kodi na tozo za serikali kwa hiari na kwa wakati. Kupitia kodi hii itaweza kutusaidia mambo mbalimbali na ya muhimu kama vile kujenga shule, masoko, barabara, hospitali na huduma nyingine. Hivyo, tunapaswa kuwa mstari wa mbele zaidi kuhakikisha jiji letu linakuwa kiuchumi kupitia mapato yetu” alisema Hassan.

Pia aliongeza kwa kusema “wanawake tunapaswa kuwa mstari wa mbele katika kuchangia maendeleo ya jiji letu. Kupitia ulipaji wa kodi, tunasaidia kuimarisha uchumi wa jiji na pia kuendeleza biashara zetu na tuhakikishe tunahamasishana sisi kwa sisi katiia suala zima la ulipaji wa kodi” alisema Hassan.

Kwa upande wake, Diwani wa Viti Maalumu Tarafa ya Dodoma Mjini, Flora Liacho alisema kuwa wanawake wanapaswa kushirikiana na serikali katika nyanja mbalimbali. “Tunapaswa kuendelea kushirikiana na serikali katika kuibua fursa za kiuchumi pamoja na kuwahamasishana wanawake kujiunga katika shughuli za ujasiriamali zitakazowawezesha kujitegemea kiuchumi” alisema Liacho.



Lakini pia alitoa wito wanawake wa Halmashauri ya Jiji la Dodoma kujitokeza katika Maadhimisho ya Siku ya Wanawake Duniani tarehe 8 Machi, 2026 ambapo kimkoa yatafanyika katika Wilaya ya Kongwa. “Nichukue fursa hii kuwataka wanawake wenzangu tuungane kwa pamoja katika siku yetu ya wanawake tujumuike kwenda kusheherekea katika Wilaya ya Kongwa, kuna vitu vingi vya kujifunza kama vile masuala ya ujasiliamali, haki kwa mwanamke na vitu vingine vingi. Hivyo, wanawake tujumuike kwa pamoja katika siku yetu” alisema Liacho.

Maadhimisho ya Siku ya Wanawake Duniani hufanyika kila mwaka tarehe 8 Machi na hulenga kuenzi mchango wa wanawake katika maendeleo ya jamii pamoja na kuhimiza usawa wa kijinsia na uwezeshaji wa wanawake kiuchumi na kijamii. Kwa mwaka 2026 Mkoa wa Dodoma unaadhimisha siku hiyo katika Wilaya ya Kongwa chini ya kaulimbiu isemayo “Haki na Usawa kwa Wanawake na Wasichana; Msingi Jumuishi kufikia Dira 2050”.

Comments

Post a Comment

Popular Posts

Mradi wa Maji Nala wa Bil. 1.3, mkombozi kwa wananchi

By Halmashauri ya Jiji la Dodoma
Image
Na. Leah Mabalwe, NALA Ujenzi wa mradi wa Maji Nala unaotekelezwa na Mamlaka ya Maji Safi na Usafi wa Mazingira Dodoma (DUWASA) kwa gharama ya shilingi bilioni 1.3 kutatua changamoto ya upatikanaji wa huduma ya maji katika Kata ya Nala. Kauli hiyo ilitolewa na Diwani wa Kata ya Nala, Herman Masila alipokuwa akiongea na waandishi wa habari waliotembelea miradi ya maendeleo inayotekelezwa katika Kata ya Nala. “Nichukue nafasi hii kuishukuru serikali kutuletea mradi wa maji katika Kata ya Nala. Mradi huu utasaidia sana wananchi kuondokana na adha ya maji. Mradi huu ni mkubwa utasaidia maeneo mbalimbali katika kata yetu inayokuwa kwa kiasi. Kwa siku za usoni tumeshuhudia idadi kuwa ya watu wanakuja kujenga makazi na viwanda. Hivyo, mradi huu utakapo kamilika utasaidia kwa kiasi kikubwa na kupunguza adha ya maji” alisema Masila. Nae, Mary Kaka ambae ni mkazi wa Kata ya Nala aliipongeza serikali ya awamu ya sita kwa kuendelea kupeleka maendeleo katika Kata ya Nala na kumshukuru rais kw...
Read more

Jiji la Dodoma kuchangamkia fursa ujio wa Bandari Kavu Ihumwa

By Halmashauri ya Jiji la Dodoma
Image
Na. Nancy Kivuyo, DODOMA MSTAHIKI Meya wa Jiji la Dodoma, Alimwoni Chaula apongeza Mkakati wa Uendelezaji Bandari Kavu na kuahidi kujipanga kuhakikisha wafanyabiashara wadogo wanapata fursa ya kufanya biashara katika eneo hilo na kuchochea ukuaji wa uchumi wa mkoa na taifa kwa ujumla. Akizungumza katika ziara ya Mkuu wa Mkoa wa Dodoma kwenye Bandari Kavu Ihumwa iliyokuwa na lengo la kujiridhisha na mkakati wa uendelezaji wa miundombinu hiyo, alisema kuwa uongozi wa jiji utakaa kikao na kutathmini namna ya kuandaa mazingira rafiki ya biashara ili kuwawezesha wajasiriamali wa ndani kushiriki kikamilifu katika shughuli za upokeaji, uhifadhi na usafirishaji wa mizigo. Alieleza kuwa pamoja na fursa za moja kwa moja zitakazotokana na shughuli za bandari hiyo, jiji pia linatarajia kuimarisha sekta ya usafirishaji, uhudumu na biashara ndogondogo hivyo kuongeza ajira na kipato kwa wananchi. Aidha, Mstahiki Meya Chaula aliongeza kuwa jiji litafanya utaratibu wa kufanya mazungumzo na Mam...
Read more