Utatuzi mgogoro wa Mahomanyika watangazwa

By Halmashauri ya Jiji la Dodoma


Na. Nancy Kivuyo, NZUGUNI

Wizara ya Ardhi, Nyumba na Maendeleo ya Makazi imeunda timu mbili ya wataalam wa upangaji na upimaji na timu ya uhakiki kwaajili ya kutatua mgogoro wa ardhi wa muda mrefu katika eneo la Mahomanyika.


Timu hizo zimeundwa na Waziri wa Ardhi, Nyumba na Maendeleo ya Makazi, Dkt. Leonard Akwilapo alipokuwa akihutubia mamia ya wananchi katika mkutano wa hadhara uliofanyika eneo la Mahomanyika, Kata ya Nzuguni jijini Dodoma.

Alisema kuwa timu hizo zitaanza kazi mara moja ili kuhakikisha zoezi hilo linakamilika kwa wakati. “Eneo la Mahomanyika ni la serikali kwahiyo, naagiza lipangwe na kupimwa kwaajili ya kutatua mgogoro huu na kuwa kielelezo cha utatuzi wa migogoro mingine iliyopo ndani ya Jiji la Dodoma. Timu hizi zinapaswa kufanya kazi ndani ya siku 60 na kukamilisha zoezi hili ili kila mmoja ajue amepata nini na anaenda wapi” alisema Dkt. Akwilapo.

Aliongeza kuwa wale wote waliohusika kwenye kadhia ya mgogoro huo wa ardhi watachukuliwa kwaajili ya mahojiano ili wakatoe maelezo ya kina ya kuwezesha suluhu kupatikana. “Wale wote ambao kwa namna moja au nyingine walihusika kwenye kadhia hiyo watatafutwa na watahojiwa ili sasa watoe maelezo yatakayosaidia kupatikana suluhu ya mgogoro kwasababu tunataka suala hili liishe na maisha mengine yaendelee” aliongeza Dkt. Akwilapo.


Alimalizia kwa kutoa rai kwa viongozi wa ngazi zote za mitaa, kata na vitongoji kutambua kuwa masuala ya ardhi yanahitaji utaalam na nidhamu huku akikemea tabia ya viongozi kujifanya wamiliki wa ardhi na kusisitiza kuwa ili nchi iendelee, inahitaji mambo manne ambayo ni watu, ardhi, siasa safi na uongozi bora na kwamba uongozi bora unajumuisha weledi katika kusimamia ardhi.

Katika hatua nyingine, Diwani wa Kata ya Nzuguni, Leonard Ndama, aliushukuru ujio wa waziri na timu yake akisema kuwa anatarajia mgogoro huo uliodumu kwa muda mrefu utamalizwa na hatimae wananchi kupata kile wanachostahili. “Nakushukuru sana Mheshimiwa waziri na jopo lote hili kwa kufika hapa Mahomanyika, ninaamini ya kuwa ujio wenu ni kusudi tosha la kupata majibu ya mgogoro huu na kufikia tamati kwa changamoto hii kutatuliwa” alisema Ndama.

Mgogoro huo unahusisha Mtaa wa Mahomanyika (Kata ya Nzuguni) na Mitaa ya Azimio na Sokoine (Kata ya Ipala) ambapo eneo lenye mgogoro lina jumla ya ekari 4,363. Hapo awali, mwaka 1976 eneo hilo lilipangwa kuwa "Green Belt" yaani Ukanda wa Kijani. Mpango wa mwaka 2019-2040 ulibadilisha matumizi hayo kuwa "Urban Farming" yaani Mashamba ya Mjini ambapo mwaka 2022, Jiji la Dodoma lilipanga viwanja 1,990 katika eneo hilo, hali iliyozua malalamiko kutoka kwa wananchi waliodai kuwa wamiliki wa asili.

MWISHO

Comments

Post a Comment

Popular Posts

Dodoma English Medium kusomesha kwa gharama nafuu

By Halmashauri ya Jiji la Dodoma
  Na. Mwandishi wetu, MRADI wa ujenzi wa Shule ya Awali na Msingi Dodoma English Medium umewasaidia wazazi wenye kipato cha kati kusomesha watoto wao katika shule ya mchepuo wa kiingereza karibu na maeneo yao kwa gharama nafuu. Kauli hiyo ilitolewa na Mkuu wa Divisheni ya Elimu ya Awali na Msingi Halmashauri ya Jiji la Dodoma, Prisca Myalla alipokuwa akisoma taarifa ya mradi wa ujenzi wa Shule ya Awali na Msingi ya Dodoma English Medium kwa Kiogozi wa mbio za Mwenge wa Uhuru kitaifa mwaka 2024. Akiongelea faida za mradi huo alizitaja kuwa ni kuwasaidia wazazi wenye kipato cha kati kupata fursa ya kusomesha watoto kwenye shule ya mchepuo wa ki i ngereza . Faida nyingine aliitaja kuwa ni wananchi kusogezewa huduma ya shule karibu ambapo watoto walikuwa wanasafiri umbali mrefu kufuata huduma ya elimu pia wanafunzi wanapata elimu bora kwa gharama nafuu ukilinganisha na shule binafsi . “ Ndugu Kiongozi wa Mbio za Mwenge wa Uhuru Kitaifa 2024, m radi umelenga kutoa elimu bora amb...
Read more

Ujenzi wa Kituo cha Afya Zuzu wafikia 98%

By Halmashauri ya Jiji la Dodoma
Image
Na. Dennis Gondwe, ZUZU UJENZI wa Kituo cha Afya Zuzu umefikia asilimia 98 ya utekelezaji kikitarajiwa kuhudumia wananchi 10,054 kwa kuwahakikishia huduma bora za afya na kuwaondolea hadha ya kusafiri umbali mrefu kufuata huduma za afya. Kauli hiyo ilitolewa na Mwakilishi wa Mganga Mkuu wa Halmashauri ya Jiji la Dodoma, Goodluck Magoti alipokuwa akisoma taarifa ya mradi wa ujenzi wa Kituo cha Afya Zuzu kwa Kamati ya Fedha na Utawala ya Halmashauri ya Jiji la Dodoma ilipofanya ziara ya kutembelea na kukagua maendeleo ya ujenzi wa kituo hicho. Magoti alisema “kutokana na changamoto ya kukosa huduma za Kituo cha Afya katika Kata ya Zuzu, Halmashauri ya Jiji la Dodoma ilianza ujenzi wa Kituo cha Afya Zuzu ili kusogeza huduma za matibabu mbalimbali karibu na wananchi. Halmashauri ilitoa kiasi cha shilingi 299,439,348,54. Hadi kufikia sasa kiasi cha shilingi 285,4439,000,54 zimetumika kwa ujenzi wa majengo ya Wagonjwa wa Nje (OPD) na Maabara na kubakiwa na shilingi 14,000,348.54 kwa ajil...
Read more

Ujenzi wa Darasa Sekondari Anthony Mavunde kupunguza msongamano kwa wanafunzi

By Halmashauri ya Jiji la Dodoma
Image
Na. Nancy Kivuyo, HOMBOLO BWAWANI Mkuu wa Shule ya Sekondari Anthony Mavunde, Mwalimu Emmanuel Magumba amesema kuwa shule hiyo ilipokea kiasi cha shilingi 15,425,000 kwa ajili ya ujenzi wa darasa moja na ununuzi wa viti 50 na meza 50 kwa lengo la kuongeza miundombinu katika shule hiyo. Mwl. Magumba alisoma taarifa ya mradi huo mbele ya Kamati ya Fedha na Utawala ya Halmashauri ya Jiji la Dodoma na kusema kuwa pamoja na ujenzi unaoendelea anaiomba halmashauri iwaongezee fedha kwa ajili ya kumalizia darasa hilo. “Hatua tuliyofikia ni nzuri kwasababu umaliziaji darasa hili sio mkubwa kama unavyoanza ujenzi” alisema Mwl. Magumba. Aliongeza kuwa kukamilika kwa darasa hilo kutaleta chachu ya wanafunzi kusoma kwa bidii. “Mheshimiwa Mwenyekiti, mradi wa ujenzi wa darasa hili ukikamilika naamini wanafunzi wetu watapata nafasi ya kusoma na wataongeza bidii katika masomo” aliongeza Mwl. Magumba. Nae, Mwanafunzi wa Kidato cha Kwanza, Emmanuel Mbega alisema kuwa anaishukuru serikali kwa kuwajen...
Read more