Timu ya ‘sustainability’ ya Jiji la Dodoma yaanza semina ya siku saba

By Halmashauri ya Jiji la Dodoma

 Na. Nancy Kivuyo, DODOMA

Mafunzo maalum kuhusu viwango vipya vya uhasibu ‘General Requirements for Disclosure of Sustainability-related Financial Information na Climate-related Disclosures’ (IFRS S1 na IFRS S2) yameanza rasmi kutolewa kwa timu ya ‘sustainability’ ikiwa ni sehemu ya mpango wa mafunzo ya uendelevu ‘sustainabilty and ESG’ yanayolenga kuwajengea uelewa na kuongeza ufanisi katika usimamizi wa taarifa za kifedha.


Akizungumza wakati wa semina hiyo ya siku ya kwanza, Mratibu wa Mafunzo ya ‘sustainability’ katika Jiji la Dodoma, Akida Huddu alisema kuwa mafunzo hayo yamelenga kutoa elimu ya jumla ya uendelevu ‘sustainability and ESG’ kwa washiriki ili kuwawezesha kusimamia kwa ufanisi shughuli zote zinazohusiana na uendelevu pamoja na kupata taarifa zitakazosaidia kutoa huduma nzuri kwa wananchi.

Aliongeza kuwa uelewa wa viwango vipya vya uhasibu ni muhimu katika kuimarisha uwazi, uwajibikaji na usimamizi bora wa rasilimali za umma, hususan katika mazingira yanayohitaji uendelevu wa taasisi. “Timu hii itashiriki mafunzo ya siku saba na leo ndio tumeanza. Mafunzo haya yanatolewa kwa lengo la kufuata taratatibu za viwango vipya vya mahesabu IFRS S1 na IFRS S2. Ni imani yetu kuwa hadi mwisho wa mafunzo washiriki watakuwa wamepata elimu ya kutosha itakayoleta manufaa katika kutimiza mpango huu” aliongeza Huddu.

Kwa upande wake, Afisa TEHAMA wa Jiji la Dodoma, Eva Shafraeli alipongeza mafunzo hayo na kusema kuwa yana umuhimu mkubwa katika kusaidia utoaji mzuri wa huduma kwa wananchi. “Mafunzo haya yanatufundisha kufanya uendelevu bila kusababisha athari kubwa kwa mfano kutunza mazingira. Haya yote tuliyojifunza leo ni mafunzo mazuri na yatatusaidia kufanya kazi katika mazingira rafiki na kutoa huduma nzuri kwa wananchi” alipongeza Shafraeli.

Nae, Afisa Elimu Maalum wa Jiji la Dodoma, Mwl. Issa Kambi alisema kuwa mafunzo hayo yatawasaidia kusimamia uendelevu wa masuala yote yaliyoanzishwa na halmashauri ili yasonge mbele na kuleta matokeo chanya yasiyo na athari. “Kwa mfano katika mazingira kuhakikisha masuala mazima ya mazingira yanasimamiwa vizuri, miti inapandwa ili kuondoa vihatarishi kama mafuriko, ukame, uchafuzi wa mazingira na uchafuzi wa hali ya hewa ambavyo kwa ujumla visipoangaliwa vinaweza kuturudisha nyuma katika masuala ya ukuaji wa uchumi wetu” alisema Mwl. Kambi.

Kwa ujumla ‘sustainability team’ inapaswa kusimamia uendelevu kwa kuzingatia kizazi kijacho ili nacho kije kikutane na masuala muhimu yaliyoanzishwa yenye lengo la kuhakikisha wananchi wanapata huduma bora na rafiki.

MWISHO

Comments

Post a Comment

Popular Posts

Dodoma English Medium kusomesha kwa gharama nafuu

By Halmashauri ya Jiji la Dodoma
  Na. Mwandishi wetu, MRADI wa ujenzi wa Shule ya Awali na Msingi Dodoma English Medium umewasaidia wazazi wenye kipato cha kati kusomesha watoto wao katika shule ya mchepuo wa kiingereza karibu na maeneo yao kwa gharama nafuu. Kauli hiyo ilitolewa na Mkuu wa Divisheni ya Elimu ya Awali na Msingi Halmashauri ya Jiji la Dodoma, Prisca Myalla alipokuwa akisoma taarifa ya mradi wa ujenzi wa Shule ya Awali na Msingi ya Dodoma English Medium kwa Kiogozi wa mbio za Mwenge wa Uhuru kitaifa mwaka 2024. Akiongelea faida za mradi huo alizitaja kuwa ni kuwasaidia wazazi wenye kipato cha kati kupata fursa ya kusomesha watoto kwenye shule ya mchepuo wa ki i ngereza . Faida nyingine aliitaja kuwa ni wananchi kusogezewa huduma ya shule karibu ambapo watoto walikuwa wanasafiri umbali mrefu kufuata huduma ya elimu pia wanafunzi wanapata elimu bora kwa gharama nafuu ukilinganisha na shule binafsi . “ Ndugu Kiongozi wa Mbio za Mwenge wa Uhuru Kitaifa 2024, m radi umelenga kutoa elimu bora amb...
Read more

Ujenzi wa Kituo cha Afya Zuzu wafikia 98%

By Halmashauri ya Jiji la Dodoma
Image
Na. Dennis Gondwe, ZUZU UJENZI wa Kituo cha Afya Zuzu umefikia asilimia 98 ya utekelezaji kikitarajiwa kuhudumia wananchi 10,054 kwa kuwahakikishia huduma bora za afya na kuwaondolea hadha ya kusafiri umbali mrefu kufuata huduma za afya. Kauli hiyo ilitolewa na Mwakilishi wa Mganga Mkuu wa Halmashauri ya Jiji la Dodoma, Goodluck Magoti alipokuwa akisoma taarifa ya mradi wa ujenzi wa Kituo cha Afya Zuzu kwa Kamati ya Fedha na Utawala ya Halmashauri ya Jiji la Dodoma ilipofanya ziara ya kutembelea na kukagua maendeleo ya ujenzi wa kituo hicho. Magoti alisema “kutokana na changamoto ya kukosa huduma za Kituo cha Afya katika Kata ya Zuzu, Halmashauri ya Jiji la Dodoma ilianza ujenzi wa Kituo cha Afya Zuzu ili kusogeza huduma za matibabu mbalimbali karibu na wananchi. Halmashauri ilitoa kiasi cha shilingi 299,439,348,54. Hadi kufikia sasa kiasi cha shilingi 285,4439,000,54 zimetumika kwa ujenzi wa majengo ya Wagonjwa wa Nje (OPD) na Maabara na kubakiwa na shilingi 14,000,348.54 kwa ajil...
Read more

Ujenzi wa Darasa Sekondari Anthony Mavunde kupunguza msongamano kwa wanafunzi

By Halmashauri ya Jiji la Dodoma
Image
Na. Nancy Kivuyo, HOMBOLO BWAWANI Mkuu wa Shule ya Sekondari Anthony Mavunde, Mwalimu Emmanuel Magumba amesema kuwa shule hiyo ilipokea kiasi cha shilingi 15,425,000 kwa ajili ya ujenzi wa darasa moja na ununuzi wa viti 50 na meza 50 kwa lengo la kuongeza miundombinu katika shule hiyo. Mwl. Magumba alisoma taarifa ya mradi huo mbele ya Kamati ya Fedha na Utawala ya Halmashauri ya Jiji la Dodoma na kusema kuwa pamoja na ujenzi unaoendelea anaiomba halmashauri iwaongezee fedha kwa ajili ya kumalizia darasa hilo. “Hatua tuliyofikia ni nzuri kwasababu umaliziaji darasa hili sio mkubwa kama unavyoanza ujenzi” alisema Mwl. Magumba. Aliongeza kuwa kukamilika kwa darasa hilo kutaleta chachu ya wanafunzi kusoma kwa bidii. “Mheshimiwa Mwenyekiti, mradi wa ujenzi wa darasa hili ukikamilika naamini wanafunzi wetu watapata nafasi ya kusoma na wataongeza bidii katika masomo” aliongeza Mwl. Magumba. Nae, Mwanafunzi wa Kidato cha Kwanza, Emmanuel Mbega alisema kuwa anaishukuru serikali kwa kuwajen...
Read more