Jiji la Dodoma latumia Mil. 29 miundombinu S/M Ihumwa B

By Halmashauri ya Jiji la Dodoma

Na. Mwandishi Wetu, IHUMWA

Halmashauri ya Jiji la Dodoma imetoa kiasi cha shilingi 29,000,000 kwaajili ya umaliziaji wa vyumba vitatu vya madarasa ya Shule ya Msingi Ihumwa B, hatua inayosaidia kuimarisha mazingira bora ya kufundishia na kujifunzia.




Hayo aliyasema Mwalimu Mkuu wa Shule ya Msingi Ihumwa B, Mwl. Daudi Mwakalinga wakati alipokuwa akisoma taarifa mbele ya Kamati ya Fedha na Utawala ya Halmashauri ya Jiji la Dodoma iliyoongozwa na Mwenyekiti wa Kamati ya Uchumi, Elimu na Afya katika ziara ya ukaguzi wa miradi ya maendeleo kwa robo ya tatu ya Mwaka wa Fedha 2025/2026.

Alisema kuwa fedha hizo zilipeleka mabadiliko chanya shuleni hapo. “Kupitia fedha hizi, shule imefanikiwa kuboresha madarasa, hali iliyochangia kuongeza hamasa kwa walimu na wanafunzi katika mchakato wa ufundishaji na ujifunzaji” alisema Mwl. Mwakalinga.

Pia, alitoa shukrani kwa Halmashauri ya Jiji la Dodoma kwa kuwapatia fedha hizo kwa ajili ya kuboresha miundombinu ya shule. “Tunatoa shukrani za dhati kwa uongozi Jiji kwa kutupatia fedha hizi ambazo zimekuwa chachu ya maendeleo katika shule yetu. Mazingira ya sasa ni rafiki zaidi kwa walimu na wanafunzi” alishukuru Mwl. Mwakalinga

Kwa upande wake, Mwenyekiti wa Kamati ya Uchumi, Elimu na Afya, Joan Mazanda alitoa pongezi kwa uongozi wa shule hiyo, hususan kwa Mwalimu Mkuu kwa usimamizi mzuri wa utekelezaji wa miradi ya maendeleo. “Usimamizi huu umeonesha matumizi sahihi ya fedha za umma na kuhakikisha miradi inatekelezwa kwa viwango vinavyokubalika. Pia nipende kusisitiza kuendelea kudumisha uwajibikaji katika miradi ambayo inatekelezwa na serikali” alisema Mazanda.

Fedha za mapato ya ndani zinazotolewa kuboresha mazingira ya ufundishaji na ujifunzaji zinachangia kuinua kiwango cha elimu katika miradi yote inayotekelezwa na Halmashauri ya Jiji la Dodoma hivyo kuboresha kiwango cha elimu ya mtu mmoja mmoja na jamii nzima kwa ujumla.






MWISHO

Comments

Post a Comment

Popular Posts

Ujenzi wa Darasa Sekondari Anthony Mavunde kupunguza msongamano kwa wanafunzi

By Halmashauri ya Jiji la Dodoma
Image
Na. Nancy Kivuyo, HOMBOLO BWAWANI Mkuu wa Shule ya Sekondari Anthony Mavunde, Mwalimu Emmanuel Magumba amesema kuwa shule hiyo ilipokea kiasi cha shilingi 15,425,000 kwa ajili ya ujenzi wa darasa moja na ununuzi wa viti 50 na meza 50 kwa lengo la kuongeza miundombinu katika shule hiyo. Mwl. Magumba alisoma taarifa ya mradi huo mbele ya Kamati ya Fedha na Utawala ya Halmashauri ya Jiji la Dodoma na kusema kuwa pamoja na ujenzi unaoendelea anaiomba halmashauri iwaongezee fedha kwa ajili ya kumalizia darasa hilo. “Hatua tuliyofikia ni nzuri kwasababu umaliziaji darasa hili sio mkubwa kama unavyoanza ujenzi” alisema Mwl. Magumba. Aliongeza kuwa kukamilika kwa darasa hilo kutaleta chachu ya wanafunzi kusoma kwa bidii. “Mheshimiwa Mwenyekiti, mradi wa ujenzi wa darasa hili ukikamilika naamini wanafunzi wetu watapata nafasi ya kusoma na wataongeza bidii katika masomo” aliongeza Mwl. Magumba. Nae, Mwanafunzi wa Kidato cha Kwanza, Emmanuel Mbega alisema kuwa anaishukuru serikali kwa kuwajen...
Read more

Elimu Sekondari Jiji yawalaza chali Maafisa Watendaji Mchezo wa Pete

By Halmashauri ya Jiji la Dodoma
Image
Na. Halima Majidi, DODOMA Katika mchezo uliovuta hisia za mashabiki wengi, Timu ya Mchezo wa Pete ya Elimu Sekondari ya Jiji la Dodoma imeibuka kidedea kwa kuishinda Timu ya Maafisa Watendaji wa Kata na Mitaa Jiji la Dodoma goli 3-2. Mchezo huo uliochezwa kwenye Uwanja wa Jamhuri jijini Dodoma ulidhihirisha ushindani mkali kati ya timu hizo mbili. Mchezo ulianza kwa kasi huku wachezaji wa Elimu Sekondari wakionesha umahiri wa hali ya juu katika kurusha mpira kwa haraka na ukabaji imara. Katika robo ya kwanza, timu hiyo iliongoza kwa alama 2 dhidi ya 0 za Maafisa Watendaji.   Kocha wa Timu ya Elimu Sekondari, Mwl. Zainabu Abdallah, alisema amefanya yake katika kuhakikisha wanachukua ushindi japokuwa mvua imekuwa kikwazo, na aliwapongeza vijana wake kwa kujituma uwanjani na kutumia mbinu walizofanyia mazoezi, na pia alisisitiza wachezaji wawe na tabia ya kufanya mazoezi sio tu mpaka wakti wa michezo au bonanza bali iwe ni tabia endelevu. “ Ushindi huu ni matokeo ya nidhamu, maz...
Read more