Odero: Mwenge wa Uhuru alama ya Umoja Wilayani Dodoma

By Halmashauri ya Jiji la Dodoma

Na. Dennis Gondwe, DODOMA

WANANCHI wa Wilaya ya Dodoma wameombwa kuonesha umoja na mshikamano wao kwa kujitokeza kwa wingi kuupokea na kuukimbiza Mwenge wa Uhuru utakapowasili na kutembelea miradi ya maendeleo inayolenga kuboresha maisha yao.


Kaimu Mkurugenzi wa Jiji la Dodoma, Vincent Odero akionesha utayari wa kuupokea Mwenge wa Uhuru mwaka 2026

Kauli hiyo ilitolewa na Kaimu Mkurugenzi wa Halmashauri ya Jiji la Dodoma, Vincent Odero alipokuwa akiongea na waandishi wa habari ofisini kwake kuhusu maandalizi ya mapokezi ya Mwenge wa Uhuru Mwaka 2026 katika Wilaya ya Dodoma.

Alisema kuwa Mwenge wa Uhuru ni chombo cha umoja na mshikamano ambao umekuwa ukitafsiriwa kwa vitendo wilayani Dodoma. “Wilaya ya Dodoma tumekuwa tukionesha umoja na mshikamano wa wazi linapokuja suala ya Mwenge wa Uhuru kwa miaka yote. Hili ni jambo la heshima kwetu. Nitumie nafasi hii kuwaalika na kuwaomba tena wananchi wote tarehe 1 Juni, 2026 kuupokea Mwenge wa Uhuru katika Mtaa wa Vikonje B, Kata ya Mtumba na kuukimbiza katika miradi yote ya maendeleo na kushiriki mkesha mkubwa utakaofanyika katika uwanja Shule ya Msingi Kizota” alisema Odero.

Mwenge wa Uhuru umekuwa chachu ya kuhamasisha utekelezaji wa miradi ya maendeleo. “Kwa kuzingatia kaulimbiu isemayo ‘Tanzania ni yetu sote, tushikamane kwa pamoja kuleta maendeleo’ inasadifu lengo la Mwenge wa Uhuru la kuleta maendeleo kwa wananchi wa Wilaya ya Dodoma kwa kuhamasisha utekelezaji wa miradi ya maendeleo kwa manufaa ya wananchi. Sisi tunaamini kuwa maendeleo ni mchakato wa pande zote, hivyo, umoja wetu na mshikamano wetu ndiyo msingi wa maendeleo yetu” alisema Odero.

Akiongelea falsafa ya Mwenge wa Uhuru alisema kuwa imejengeka katika misingi ya haki, usawa, umoja na uwajibikaji. “Mwenge wa Uhuru umetoa mchango mkubwa kwa kuchochea maendeleo ya Wilaya ya Dodoma, amani, utulivu, mshikamano na umoja wa kitaifa. Kikubwa zaidi umekuwa ukihamasisha kupambana na vitendo vya rushwa, uzembe, matumizi mabaya ya rasilimali za umma” alisema Odero.

Wakati huohuo, aliwakaribisha vijana wa wilaya ya Dodoma kujitokeza kwa wingi katika kongamano la vijana. “Mwenge wa Uhuru, utatanguliwa na kongamano ya vijana litakalofanyika kwa siku mbili tarehe 29-30 Mei, 2026. Kongamano hilo ni fursa kwa vijana kujifunza mambo mbalimbali kuanzia elimu ya uraia, uzalendo, hadi fursa za kiuchumi kwa vijana” alisema Odero.

Nae mkazi wa Wilaya ya Dodoma, Mariam Omary alisema kuwa Mwenge wa Uhuru umekuwa ukihamasisha umoja na mshikamano kwa wananchi wote kwa sababu unawaunganisha na kuchochea maendeleo.

MWISHO


Comments

Post a Comment

Popular Posts

Baraza la Madiwani Jiji la Dodoma lawafukuza kazi watumishi watatu na mmoja kushushwa cheo

By Halmashauri ya Jiji la Dodoma
Image
Na. Mwandishi wetu, DODOMA BARAZA la Madiwani la Halmashauri ya Jiji la Dodoma limewafukuza kazi watumishi watatu na mtumishi mmoja kushushwa cheo na mshahara kufuatia kukiuka misingi na taratibu za Utumishi wa Umma. Maamuzi hayo yalifanyika katika Mkutano maalum wa Mashauri ya Kinidhamu uliofanyika katika ukumbi wa mikutano wa Halmashauri ya Jiji la Dodoma. Watumishi waliofukuzwa kazi ni Afisa Muuguzi Msaidizi, Muuguzi na Afisa Mtendaji wa Mtaa. Mtumishi aliyeshushwa cheo na mshahara ni Mteknolojia Maabara. Mstahiki Meya wa Halmashauri ya Jiji la Dodoma, Alimwoni Chaula alilihoji Baraza la Madiwani, na kwa kauli moja liliridhia kuwafukuza kazi watumishi hao watatu na kushushwa cheo na mshahara mtumishi mmoja. Akiwasilisha taarifa ya kuhitimisha mashauri ya nidhamu ya watumishi wanne kwa Baraza maalum la Mashauri ya Nidhamu, Mkuu wa Divisheni ya Utawala na Menejimenti ya Rasilimali watu kwa niaba ya Mkurugenzi wa Jiji la Dodoma, Gerald Ruzika alisema kuwa mkurugenzi aliunda kam...
Read more

Mwenge wa Uhuru waridhishwa na ujenzi wa Barabara yenye urefu wa KM 1.6 kiwango cha lami

By Halmashauri ya Jiji la Dodoma
Image
Na. Dennis Gondwe, NALA MWENGE wa Uhuru Mwaka 2025 umeridhishwa na kiwango cha ujenzi wa barabara yenye urefu wa kilometa 1.6 kwa kiwango cha lami kutoka barabara iendayo Singida hadi Hospitali ya Jiji la Dodoma inayojengwa kwa gharama ya shilingi bilioni 2.8. Kauli hiyo ilitolewa na Kiongozi wa Mbio za Mwenge wa Uhuru kitaifa Mwaka 2025, Ismail Ussi alipokuwa akiongea na wananchi wa Kata ya Nala na maeneo ya jirani waliojitokeza kwa wingi kuupokea na kuushangilia Mwenge wa Uhuru Mwaka 2025 uliotembelea ujenzi wa barabara hiyo. Alisema kuwa Mwenge wa Uhuru ni ishara ya matumaini, upendo, heshima, amani na maendeleo chini ya serikali ya awamu ya sita. “Leo tumekuja kujionea ujenzi wa barabara ya kisasa yenye ubora, inayojengwa na serikali ya awamu ya sita, inayoongozwa na Rais, Dkt. Samia Suluhu Hassan ya kilometa 1.6 kwa kiwango cha lami. Wananchi wa kata waliomba barabara hii kupitia mbunge na diwani wao. Barabara hii itasaidia wananchi wanapoenda kupata huduma za afya katika Hosp...
Read more