Mwalimu Mkuu S/M Mazengo apongezwa usimamizi ukarabati wa shule

By Halmashauri ya Jiji la Dodoma

Na. Dennis Gondwe, KIKUYU KASKAZINI

Timu ya Menejimenti ya Halmashauri ya Jiji la Dodoma imempongeza Mwalimu Mkuu wa Shule ya Msingi Mazengo kwa kusimamia vizuri ukarabati wa shule kupitia fedha za mradi wa BOOST na kumtaka kuongeza kasi kukamilisha kabla ya shule kufunguliwa ili wanafunzi wasiwe na upungufu wa madarasa ya kusomea.



Pongezi hizo zilitolewa na Mwenyekiti wa Timu ya Menejimenti ya Halmashauri ya Jiji la Dodoma, Dkt. Frederick Sagamiko alipoongoza timu hiyo kukagua ukarabati wa shule hiyo jijini Dodoma.

Baada ya kupokea taarifa ya ukarabati wa shule hiyo iliyowasilishwa kwa ustadi na mwalimu mkuu na kukagua mradi huo, Mwenyekiti wa Timu ya Menejimenti alisema kuwa mwalimu mkuu (Mwl. Rehema Nkungu) anafanya kazi kubwa na nzuri ya kusimamia ukarabati wa mradi huo. “Hapa kuna ushirikiano mzuri, ninataarifa ya utendaji mzuri wa (Mkaguzi Majengo, Jacob Stephen) anayesimamia mradi huu tangu nikiwa ofisini, hongera sana. Matamanio yetu, kasi iongezeke ya ukarabati huu ukamilike haraka ili wanafunzi wanapofungua wakute ukarabati umekamilika” alisema Dkt. Sagamiko.

Akielezea utekelezaji wa mradi huo, Mwalimu Mkuu wa Shule ya Msingi Mazengo, Mwl. Rehema Nkungu alisema kuwa shule yake ilipokea shilingi 170,400,000 kwa ajili ya ukarabati wa shule na ujenzi wa matundu 12 ya vyoo fedha kutoka mradi wa BOOST. “Shilingi 150,000,000 ni fedha ya ukarabati wa madarasa 13 na shilingi 20,400,000 kwa ajili ya ujenzi wa matundu 12 ya vyoo” alisema Mwl. Nkungu.

Alisema kuwa malengo ya ukarabati huo ni kuboresha miundombinu ya madarasa kwa ajili ya matumizi salama. “Kurejesha ubora wa majengo yaliyoharibika na kuongeza ufanisi wa utoaji huduma ya elimu kupitia mazingira bora ya kufundishia na kujifunzia” alisema Mwl. Nkungu.

Shule ya Msingi Mazengo ilianza tarehe 1 Januari, 1970 hadi sasa ina wanafunzi 720, kati yao wavulana ni 324 na wasichana 396.







MWISHO

 

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more