Chidachi S/M watakiwa kuboresha mpango kazi wa fundi kukamilisha ujenzi mradi wa BOOST

By Halmashauri ya Jiji la Dodoma

Na. Dennis Gondwe, MKONZE

Mhandisi wa halmashauri, Mwalimu Mkuu wa Shule ya Msingi Chidachi wametakiwa kufanya mapitio ya mpango kazi wa mafundi na kuandaa mpango wa haraka unaotekelezeka ili kukamilisha mradi wa ujenzi wa miundombinu kwa gharama ya shilingi 182,100,000 fedha kutoka mradi wa BOOST shuleni hapo.


Agizo hilo lilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko alipoambatana na Timu ya Menejimenti ya Halmashauri ya Jiji la Dodoma kukagua ujenzi wa mradi wa miundombinu katika Shule ya Msingi Chidachi kwa fedha za ufadhili wa BOOST.

Timu ya Menejimenti ilipokagua mradi huo haikuridhika na kasi ya ujenzi na kuelekeza mhandisi wa halmashauri, mwalimu mkuu pamoja na fundi kupitia upya mpango kazi na kutengeneza mpango kazi wa haraka unaotekeleza ili kukamilisha mradi huo kwa wakati uliopangwa.

Mkurugenzi alisema kuwa kila mmoja anatakiwa kuongeza umakini katika usimamizi ili mradi ukamilishwe kwa viwango, na kusema kuwa menejimenti haitachelewesha malipo ya fundi kwa namna yeyote.

Akisisitiza katika utekelezaji wa mradi huo, alisema kuwa ujenzi wa madarasa uende sambamba na ununuzi wa madawati na ujenzi wa jengo la utawala uende sambamba na ununuzi wa samani. “Nimesisitiza haya kwa sababu hakuna fedha itakayoongezwa kwenye mradi huu kwa ajili ya samani” alisema Dkt. Sagamiko.

Katibu wa Kamati ya Ujenzi, Mwl. Veronica Suya alisema kuwa shule ilipokea shilingi 182,100,000 kutoka mradi wa BOOST kwa ajili ya ujenzi wa madarasa mawili ya awali na matundu sita ya vyoo, madarasa mawili ya elimu msingi na jengo la utawala. “Utekelezaji wa mradi huu ulianza tarehe 23 Septemba, 2025. Mradi unalenga kupunguza msongamano wa wanafunzi na kuboresha mazingira ya ufundishaji na ujifunzaji kwa wanafunzi” alisema Mwl. Suya.

Shule ya Msingi Chidachi ipo katika Mtaa wa Chidachi, Kata ya Mkonze ilianzishwa tarehe 3 Aprili, 2004. Shule ina wanafunzi 1,717 na walimu 50.






MWISHO

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more