Vijana watakiwa kuchangamkia fursa mbalimbali ili kujikwamua kiuchumi

By Halmashauri ya Jiji la Dodoma

Na. Leah Mabalwe, MNADANI

Mwakilishi wa Kampuni ya MAINLAND inayojenga Kiwanda cha kutengeneza mafuta ya Alizeti, Fadhili Makenjula awataka vijana kujitokeza katika nafasi za kazi mbalimbali zitakazotangazwa na kiwanda hicho cha Mafuta kitakapo kamilika mwezi Juni, 2025 ili kujikwamua kiuchumi.


Mwakilishi wa Kampuni ya MAINLAND inayojenga Kiwanda cha kutengeneza mafuta ya Alizeti, Fadhili Makenjula

Aliyazungumza hayo kwenye Kongamano la Vijana katika Mbio za Mwenge wa Uhuru Mwaka 2025 lililofanyika katika uwanja wa Shule ya Msingi Mbwanga jijini Dodoma.

Alisema kuwa vijana wanapaswa kuchangamkia fursa bila kuchagua kazi ili kujikwamua kiuchumi. “Nipende kuwataarifu kuwa, tupo katika hatua ya umaliziaji wa ujenzi wa kiwanda kikubwa cha mafuta ya alizeti kilichopo Kata ya Msalato, Mtaa wa Veyula. Vijana jitokezeni kwa wingi katika kutuma maombi ya kazi, kuna vitengo mbalimbali katika kiwanda hicho. Wewe kama kijana usiogope kuleta maombi yako kwaajili ya nafasi ya kazi. Tunawapa vijana nafasi kubwa kwasababu nyie ndio wajenzi wa taifa hili” alisema Makenjula.

Kwa upande wake Mhadhiri Ndaki ya Sayansi, Siasa na Utawala wa Umma katika Chuo kikuu cha Dodoma, Dkt. Pius Nyamhanga aliwataka vijana kujitokeza na kushiriki katika fursa mbalimbali za kazi zitakazo jitokeza. Alisema kuwa kizazi hiki kimepata bahati ya kushuhudia mageuzi ya kimaendeleo katika sekta zote. “Vijana wote muwe tayari kujitokeza katika fursa za kazi na muwe mstari wa mbele na tayari kufanya kazi kwa mazingira yanayowazunguka. Fursa nyingi huwa zinatokea mlipo na mara nyingi fursa hizo zinawalenga hasa vijana kama mlivyosikia hapa kuwa kuna nafasi za kazi katika kiwanda kipya cha mafuta ya alizeti. Hivyo, msibaki nyuma na muwe mstari wa mbele kupitia fursa hiyo” alisema Dkt. Nyamhanga.



Alimalizia kwa kusema “niwaombe sana wazazi muwe mstari wa mbele katika kuwaelimisha watoto wenu kuzifahamu fursa mbalimbali za kazi. Pia mnawajibu wa kukaa na kuwashauri vijana wenu kutochagua kazi. Mnamchango mkubwa wa kuwapa darasa la maisha vijana wetu hawa” alimalizia Nyamhanga.

MWISHO

 

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more