Mzee Bukitu aongelea Falsafa ya Mwenge wa Uhuru kwa Vijana Dodoma

By Halmashauri ya Jiji la Dodoma

Na. Nancy Kivuyo, MNADANI

Mwenyekiti wa Taasisi ya Mwalimu Nyerere Foundation, Mzee Joseph Butiku amesema falsafa ya Mwenge wa Uhuru ilianzishwa kwa lengo la kuleta upendo na mshikamano kwa taifa huku mwanga wa Mwenge ukiangazia mipaka ili kuleta matumaini palipo kukata tamaa, upendo palipo uadui na heshima palipo chuki.



Mwenyekiti wa Taasisi ya Mwalimu Nyerere Foundation, Mzee Joseph Butiku akielezea Falsafa ya Mwenge wa Uhuru

Aliyasema hayo katika Kongamano la Mwenge wa Uhuru la Vijana 2025 lililofanyika katika uwanja wa Shule ya Msingi Mbwanga. Alisema kuwa katika kipindi cha mwaka 1958 Mwalimu Nyerere alianzisha falsafa hiyo kipindi cha jitihada za kupata uhuru. “Niwaeleze kuwa, Mwenge wa Uhuru ni kielelezo cha amani na matumaini. Wakati sisi tunapata ufahamu kuhusu Mwenge, tuliingiwa na uzalendo wa hali ya juu ndio maana mnaona taifa letu lipo imara hadi leo” alisema Mzee Butiku.

Aliongeza kuwa vijana wa kizazi cha leo wanapaswa kuisoma historia ya Mwenge wa Uhuru kwa mapenzi ya dhati ili kuukuza uzalendo wao na kudumisha amani ya nchi. “Vijana mlioshiriki kongamano hili nawapongeza sana kwasababu mnajifunza na kujikumbusha mambo muhimu kwa ajili ya mustakabali wa maisha yenu na ya taifa letu. Nawasihi muendelee na juhudi hizi na mkawe mabalozi kwa vijana wenzenu ili kuienzi historia ya Mwenge wa Uhuru kwa uaminifu mkubwa” aliongeza Mzee Butiku.

Nae Mhadhiri wa Chuo Kikuu cha Dodoma Ndaki ya Sayansi, Siasa na Utawala wa Umma, Justine Kajerero alisema kuwa falsafa ya mbio za Mwenge wa Uhuru, uadilifu na uongozi vinachochea uzalendo wa kweli wa kuipenda nchi. “Dhana ya uadilifu ni hali ya kufanya jambo kwa usahihi hata kama kuna mwanya wa kufanya vingenevyo. Vijana tumeaminiwa sana na serikali yetu, leo kuwepo mahali hapa kujadili mambo muhimu kama uadilifu na uongozi ni jambo kubwa litakaloleta matokeo chanya miongoni mwetu” alisema Kajerero.


Mhadhiri wa Chuo Kikuu cha Dodoma Ndaki ya Sayansi, Siasa na Utawala wa Umma, Justine Kajerero

Aliongeza kuwa mustakabali wa kuijenga nchi imara yenye vijana waadilifu na viongozi bora upo mikononi mwa vijana. “Niwaambie kwamba vijana waadilifu wanaandaliwa tangu sasa, tuhudhurie mijadala ya kujenga ili kuongeza maarifa na uzalendo kwaajili ya kuuimarisha umoja, upendo na heshima ya nchi yetu” alisisitiza Kajerero.

Katika hatua nyingine, mwananchi wa Kata ya Mnadani, Julius Mtemi alisema kuwa amefurahi kushiriki kongamano hilo na amejifunza mambo mengi ikiwemo umuhimu wa Mwenge wa Uhuru kutoka kwa Mzee Joseph Butiku. “Kiukweli leo nimepata maarifa mengi, yamenijenga na natumaini nitaenda kuwaeleza jamaa zangu ili nao wajue umuhimu wa mwenge na uzalendo wa kweli” alisema Mtemi.




Kongamano la Mwenge wa Uhuru la Vijana Mwaka 2025 ni la pili kufanyika katika Wilaya ya Dodoma na limewakutanisha vijana 950 waliojadili fursa za kiuchumi kwa vijana, masuala ya afya na afya ya uzazi na makuzi ya vijana, uongozi, uadilifu, uzalendo kwa taifa na falsafa ya mbio za Mwenge wa Uhuru, kushiriki Uchaguzi Mkuu wa Mwaka 2025 kwa amani na utulivu na stadi za kazi na stadi za maisha kwa vijana.

MWISHO       

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more