Wilaya ya Dodoma mtekelezaji kinara Agenda ya Nishati safi ya kupikia

By Halmashauri ya Jiji la Dodoma

Na. Dennis Gondwe, NALA

WILAYA ya Dodoma imekuwa ikitekeleza maagizo na falsafa ya Rais, Dkt. Samia Suluhu Hassan kwa vitendo katika utekelezaji wa dhamira yake ya nishati safi.



Kauli hiyo ilitolewa na Mbunge wa Jimbo la Dodoma Mjini, Anthony Mavunde alipokuwa akisalimia mamia ya wananchi wa Jiji la Dodoma waliojitokeza kuulaki Mwenge wa Uhuru ulipotembelea Shule ya Sekondari ya Wasichana Santhome - SABS kutembelea mradi wa nishati safi ya kupikia.

Mavunde alisema kuwa Wilaya ya Dodoma ipo mstari wa mbele kutekeleza maagizo na falsafa ya Rais, Dkt. Samia Suluhu Hassan kwa vitendo ya kuhamasisha matumizi ya nishati safi. ”Mheshimiwa mkuu wa wilaya ninakushukuru sana kwa kusimamia kikamilifu na kuhakikisha taasisi na shule mbalimbali zinafunga mfumo wa nishati safi ya kupikia. Ndugu Kiongozi wa Mbio za Mwenge wa Uhuru kitaifa Mwaka 2025, Wilaya ya Dodoma ni kati ya wilaya kielelezo kwa nchi yetu katika kutekeleza falsafa ya rais wetu” alisema Mavunde.

Akisoma taarifa ya mradi wa nishati safi ya kupikia Shule ya Sekondari ya Wasichana Santhome - SABS kwa Kiongozi wa Mbio za Mwenge wa Uhuru kitaifa Mwaka 2025, Mwalimu wa Taaluma wa shule hiyo, Michael Venancy alisema kuwa lengo la mradi huo ni kuunga mkono juhudi za Rais wa Jamhuri ya Muungano wa Tanzania kuhakikisha wanatumia nishati safi ya kupikia ili kupunguza madhara yatokanayo na matumizi ya kuni na mkaa. ”Mradi huu ulianza kutekelezwa tarehe 14 Juni, 2024 na ulikamilika tarehe 31 Julai, 2024 na kuanza kutumika. Kazi zilizofanyika ni pamoja na kununua mitungi na kuweka miundombinu ya uendeshaji wake. Sambamba na hilo tunatumia ’Units 200 KW’ kutengeneza vitafunwa kwa ajili ya wanafunzi kupitia bekari yetu tuliyonayo hapa shuleni. Vilevile, tunatumia nishati ya jua kama nishati mbadala endapo ikitokea kuna changamoto ya umeme” alisema Venancy.



Akiongelea mafanikio ya mradi huo, alisema kuwa umepunguza kuzalisha hewa chafu itokanayo na matumizi ya mkaa na kuni. “Mradi huu umesaidia kuweka mazingira ya usafi. Pia umerahisisha utendaji wa kazi kwasababu matumizi ya nishati hizi yanatumia muda mfupi kukamilisha jukumu lengwa. Kupitia nishati ya jua tumekuwa na uhakika wa nishati hata kipindi ambacho kuna shida ya umeme” alisema Venancy.

Shule ya Sekondari  ya Wasichana Santhome - SABS ilianzishwa mwaka 2021 kwa Kidato cha Tano na Sita ikiwa na wanafunzi 56. Mwaka 2024 shule ilianza elimu ya sekondari ya chini ikitumia shilingi 21,462,000 hadi kukamilika kwa mradi wa nishati safi ya kupikia na fedha hizi zimetokana na malipo ya ada.



MWISHO

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more