Ujenzi wa Madarasa ya kisasa wavutia wanafunzi kusoma kwa bidii Sekondari Kikuyu

By Halmashauri ya Jiji la Dodoma

Na. Leah Mabalwe, KIKUYU KASKAZINI  

Mkuu wa Shule ya Sekondari Kikuyu, Mwl. Gasper Mmary amesema mradi wa ujenzi wa madarasa ya kisasa umekuwa chachu ya ufaulu na kuvutia wanafunzi kusoma kwa bidii.



Alitoa kauli hiyo wakati akiongea na waandishi wa habari waliotembelea miradi ya maendeleo iliyotekelezwa na serikali katika Kata ya Kikuyu Kaskazini kuanzia mwaka 2021 hadi 2025.

Alisema kuwa anaishukuru serikali kwa kutoa kiasi cha shilingi 40,000,000 kwaajili ya ujenzi wa madarasa mawili ya kisasa na ofisi moja ya walimu. “Tunaishukuru sana serikali ya awamu ya sita, ujenzi huu wa madarasa ya kisasa umesaidia sana katika kupanda kwa taaluma kwa wanafunzi wetu na hata kupanda daraja la ufaulu. Madarasa haya yanawavutia wanafunzi kukaa kwa muda mrefu shuleni kwaajili ya kujisomea na mazingira kwa ujumla ni mazuri” alisema Mwl. Mmary.

Kwa upande wake Mwalimu wa Taaluma Shule ya Sekondari Kikuyu, Mwl. Mwajuma Kidela aliipongeza serikali kwa kujenga madarasa kwasababu yameleta mchango mkubwa sana katika kujifunza kwa wanafunzi. Alisema kuwa wanafunzi hawana uhaba wa madarasa baada ya serikali kuboresha zaidi sekta ya elimu. “Kwa hivi sasa madarasa yapo na yanakidhi viwango, wanafunzi wanakaa kwa nafasi hasa wanapokuwa darasani” alisema Mwl. Kidela.




Nae, mwanafunzi wa Shule ya Sekondari Kikuyu, Conjester Mwanika alimshukuru Rais wa Jamhuri ya Muungano wa Tanzania kwa ujenzi wa madarasa katika shule yao. “Kabla ya ujenzi huu wa madarasa katika shule yetu, hapo awali tulikuwa tukipata shida, madarasa yalikuwa hayatoshelezi na wanafunzi tulikuwa tukikaa kwa kujibana na hiyo ilikuwa ikimuwia vigumu mwalimu kumfikia mwanafunzi mmoja mmoja. Lakini kwa hivi sasa tunamshukuru Rais wetu, Dkt. Samia Suluhu Hassan kwa kutuona na kusababisha hata ufaulu kuongezeka katika shule yetu” alisema Mwanika.       

MWISHO

                                                                                                                                                                                                                                                                                                                                                                                                                

 

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more