Shule ya Sekondari Kikuyu yapongeza ajenda ya Lishe

By Halmashauri ya Jiji la Dodoma

 Na. Abdul Juma, KIKUYU KASKAZINI

Halmashauri ya Jiji la Dodoma imekuwa mstari wa mbele kuunga mkono juhudi za serikali za kuhakikisha chakula na lishe linapatikana katika Shule ya Sekondari Kikuyu na kuwawezesha wanafunzi kusoma wakiwa wameshiba.



Kauli hiyo ilitolewa na Mkuu wa Shule ya Sekondari Kikuyu, Mwl. Gasper Mmary alipokuwa akiongelea hali ya upatikanaji wa chakula na lishe shuleni hapo yakiwa ni mafanikio ya serikali kwa miaka minne ya serikali.

Alisema kuwa Halmashauri ya Jiji la Dodoma imewezesha upatikanaji wa unga zaidi Kilogramu 650 ili kusaidia wanafunzi waliopo shuleni hapo kupata chakula shuleni. “Tunaushukuru mpango huu wa kuboresha chakula na lishe kwa wanafunzi wote wa shule za msingi na sekondari. Katika mpango huu, halmashauri imetusaidia kupata unga zaidi ya Kilogramu 650 ili kuwezesha wanafunzi wote kupata chakula. Suala hili lina mchango mkubwa katika kuwafanya wanafunzi kusoma kwa bidii ili kuweza kupata ufaulu mzuri katika masomo yao” alisema Mwl.  Mmary.

Aidha, Mwalimu wa Taaluma, Mwl. Mwajuma Kidela alipongeza na kuishukuru serikali kwa kuwezesha suala la chakula na lishe kupatikana shuleni hapo kwasababu limekuwa chachu ya wanafunzi kusoma kwa bidii. Alisema kuwa chakula na lishe shuleni hapo imepunguza utoro wa wanafunzi kwa kiwango kikubwa. “Tunaipongeza serikali yetu ya awamu ya sita inayoongozwa na Rais, Dkt. Samia Suluhu Hassan kwa kutimiza suala la chakula na lishe shuleni kwasababu jambo hilo katika shule yetu limetuletea manufaa makubwa kwa wanafunzi wetu. Mpango huu umeongeza ufahulu wa hali ya juu ukilinganisha na hapo awali wanafunzi wetu walipokuwa hawapati chakula shuleni” alisema Mwl. Kidela.

Nae mwanafunzi wa Kidato cha Nne, Ratifa Mohamed aliishukuru serikali kwa kuwawezesha kupata chakula na lishe wanapokuwa shuleni kwa lengo la kuongeza ufanisi katika masomo yao hasa yale ya jioni. “Tunaishukuru serikali kwa kutuwezesha kupata chakula na lishe tunapokuwa shuleni. Suala hili linatusaidia sisi wanafunzi kuwa na ufanisi katika masomo yetu ya jioni, tunakuwa na nguvu ya kutosha katika kujisomea. Vilevile, kutoa mchango na ushirikiano katika masuala mbalimbali yanayohusu taaluma, jambo linalosaida kufanya vizuri katika masomo yetu" alishukuru Mohamed.

Chakula na lishe kwa wanafunzi wa shule za sekondari na msingi ni chachu ya ufanisi na ufaulu jambo linaloboresha elimu katika Jiji la Dodoma.

MWISHO

Comments

Post a Comment

Popular Posts

Mfumo wa Ufuatiliaji na Tathmini ni nyenzo ya utendaji kazi serikalini – Dkt. Biteko

By Halmashauri ya Jiji la Dodoma
Image
Na. Mwandishi Wetu, Naibu Waziri Mkuu na Waziri wa Nishati, Dkt. Doto Biteko, amehitimisha Kongamano la Nne la Kitaifa la Ufuatiliaji, Tathmini na Kujifunza lililofanyika jijini Mwanza akiweka mkazo kuwa mfumo wa ufuatiliaji na tathmini ni nyenzo muhimu katika kuhakikisha kuwa kila taasisi inatimiza wajibu wake kwa ufanisi na hivyo kufikisha huduma bora kwa wananchi. Kutokana na hilo, Dkt. Biteko amewataka Wataalam wa Ufuatiliaji na Tathmini nchini kufanya kazi kwa uaminifu na uadilifu bila kuogopa kuchukiwa kwani taifa linawategemea ili kuweza kutoa huduma bora kwa wananchi. “Hakuna mtu au taasisi inayoweza kufanikisha majukumu yake bila kufanya tathmini, ninyi ndio mnaoweza kutambua changamoto mapema na kuzitafutia suluhisho kabla hazijawa kubwa, taasisi yoyote inayokosa mfumo huu inafanana na timu inayoingia uwanjani bila refa..” alisema Dkt. Biteko. Alitoa mfano kuwa katika sekta ya umeme, kabla ya kupeleka huduma hiyo eneo lolote lazima tathmni ifanyike ili kuepuka kurudia...
Read more

JIJI LA DODOMA KUPELEKA MIL 50 ZAHANATI YA KIKUYU

By Halmashauri ya Jiji la Dodoma
Image
Na. Dennis Gondwe, KIKUYU KASKAZINI SERIKALI kupeleka shilingi milioni 50 kukamilisha jengo la wodi ya wazazi katika Zahanati ya Kikuyu iliyopo Halmashauri ya Jiji la Dodoma kwa lengo la kuwafikishia huduma za afya wananchi. Mbunge Anthony Mavunde Kauli hiyo ilitolewa Mbunge wa Jimbo la Dodoma mjini, Anthony Mavunde alipokuwa akiongea na mamia ya wananchi wa Kata ya Kikuyu Kaskazini waliojitokeza kushiriki zoezi la usafi wa mazingira na upandaji miti kuzunguka Zahanati ya Kikuyu. Mavunde alisema “Mheshimiwa Mkuu wa Wilaya ya Dodoma jengo unaloliona kushoto kwako ni jitihada zangu mimi na diwani wa hapa. Habari njema ni kwamba kabla ya Jumatano wiki ijayo tunaingiza shilingi milioni 50 ambazo zitakwenda kukamilisha jengo hilo. Na nategemea mwezi Oktoba mwaka huu kina mama wataanza kuhudumiwa katika wodi ya wazazi”. Akiongelea historia ya jengo hilo, alisema kuwa mwaka 2020 aliwaahidi wananchi wa kata hiyo kujengewa wodi ya wazazi. “Nilikuja hapa nikiwa na Diwani Mwansasu nikakut...
Read more

WENZA WA VIONGOZI WASHAURIWA KUANZISHA BUSTANI ZA NYUMBANI

By Halmashauri ya Jiji la Dodoma
Image
Na. Dennis Gondwe, NZUGUNI WENZA wa viongozi katika Halmashauri ya Jiji la Dodoma wameshauriwa kuanzisha bustani za nyumbani ili kusaidia familia zao na wageni wanaowatembelea. Afisa Kilimo katika Halmashauri ya Jiji la Dodoma, Lucy Kway Kauli hiyo ilitolewa na Afisa Kilimo katika Halmashauri ya Jiji la Dodoma, Lucy Kway alipokuwa akiongelea umuhimu wa bustani za nyumbani kwa wenza wa viongozi wa Halmashauri ya Jiji la Dodoma alipokuwa akihamasisha kilimo cha bustani hizo kwenye Banda la Jiji la Dodoma katika viwanja vya Nanenane Nzuguni. Kway alisema “nichukue nafasi hii kuwashauri wenza wa viongozi katika Halmashauri ya Jiji la Dodoma kulima bustani za nyumbani kwa ajili ya kusaidia familia zao na wageni wanaowatembelea. Hii ni muhimu kwa sababu wenza wa viongozi ni mfano wa kuigwa katika jamii hivyo ni rahisi kwa watu kuiga mfano mzuri kutoka kwa wenza wa viongozi hapa Halmashauri ya Jiji la Dodoma”. Akiongelea kilimo hicho kwa wananchi na watumishi wanaohamia Makao Makuu Do...
Read more