Wanafunzi wa ‘field’ wapelekwe kwenye kata

By Halmashauri ya Jiji la Dodoma

Na. Dennis Gondwe, DODOMA

MSTAHIKI Meya wa Halmashauri ya Jiji la Dodoma, Prof. Davis Mwamfupe amewataka wanafunzi wanaofanya mafunzo kwa vitendo katika Halmashauri ya Jiji la Dodoma kwenda kwenye kata kufanya kazi za jamii ili kupata uzoefu tofauti.

Mwenyekiti wa Mkutano wa Baraza la Madiwani, Prof. Davis Mwamfupe



Kauli hiyo aliitoa katika Mkutano wa Baraza la Madiwani wa kuwasilisha taarifa za utekelezaji kutoka kwenye kata uliyofanyika katika ukumbi wa mikutano wa halmashauri.

Prof. Mwamfupe alisema “idadi ya wanafunzi wa ‘field’ ni kubwa, waende kwenye kata kufanya kazi za jamii. Wapo waandishi wa habari hapa, habari hazipo kwa Mstahiki Meya na Mkurugenzi pekee, waende kwenye kata. Hii itawanufaisha wao kwa kupata uzoefu na kutakuwa na mafuriko ya habari zinazohusu kata na maendeleo ya wananchi”.

Kwa upande wake Flora Nadoo alisema kuwa kauli ya Mshahiki Meya ni nzuri kwa sababu wanavyoenda kwenye kata wanajifunza vitu vingi na kujua changamoto zinazowakabili wananchi moja kwa moja. “Vile unavyoenda kuona kwa macho na kuja kuandika habari inakuwa na uzito kuliko unapoandika kutoka kwa mzungumzaji” alisema Nadoo.  

Nae Emmanuel Lucas alisema kuwa kitendo cha waandishi wa habari wanaojifunza kutoka ofisi kuu ya jiji kwenda kufanya kazi za habari kwenye kata na kuziwasilisha kwa wasimamizi wa halmashauri ni jambo zuri. “Kwa sababu halipo nje ya malengo ya ‘field’ ya kujifunza na kupata uzoefu mbalimbali” Lucas.

Kwa upande wa mwanafunzi wa ‘field’ ya uandshi wa habari, Moureen John alisema “nakubaliana na Mstahiki Meya kwa sababu huko kwenye kata kuna matukio mengi yanayoendelea na sisi hatuyafahamu. Hivyo, tukienda kwenye kata tutapata matukio mengi ya habari za kuwafahamisha wananchi”.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more