Baraza la Madiwani Dodoma lampongeza Rais fedha za miradi

By Halmashauri ya Jiji la Dodoma

Na. John Masanja, KATA YA VIWANDANI

 

Baraza la Madiwani la Halmashauri ya Jiji la Dodoma lampongeza na kumshukuru Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan kwa jitihada zake za kuhakikisha serikali inapeleka fedha za kutosha katika maendeleo na kutekeleza ujenzi wa miradi mbalimbali nchini hususani ndani ya Jiji la Dodoma.

 

Mstahiki Meya wa Jiji la Dodoma, Prof. Davis Mwamfupe


Hayo yalisemwa na Mstahiki Meya wa Jiji la Dodoma, Prof. Davis Mwamfupe wakati akifungua Mkutano wa Baraza la Madiwani kwa ajili ya kuwasilisha taarifa za utekelezaji kutoka kwenye kata, uliofanyinya katika ukumbi wa Mikutano wa Halmashauri ya Jiji la Dodoma.

 

“Hakuna ubishi wowote kuhusu jinsi serikali inayoongozwa na Mheshimiwa Dkt. Samia Suluhu Hassan ilivyopoleka pesa kwa ajili ya maendeleo katika maeneo mbalimbali ya nchi, hili halina ubishi” alisema Prof. Mwamfupe.

 

Aidha, Pro. Mwamfupe aliwata wajumbe wa mkutano huo kuendelea kutoa ujumbe na elimu kwa wananchi kuhusu jitihada za Serikali ya Awamu ya Sita katika kutekeleza ujenzi wa miradi hiyo pamoja na uboreshwaji wa huduma, zinavyoleta manufaa kwa jamii na kuzitazama fursa mbalimbali zilizopo kwenye ujio wa miradi hiyo.

 

“Twendeni zaidi kwa wananchi wetu wa kawaida na kuwaeleza, wazitumieje fursa hizo zilizopo kwenye ujio wa miradi mbalimbali kama huu wa Treni ya Mwendokasi (SGR)” aliongeza Prof. Mwamfupe.

 

Akizungumza mara baada ya uwasilishwaji wa taarifa hizo, Daudi Mkhandi, Diwani wa Kata ya Nkuhungu, aliipongeza Halmashauri ya Jiji la Dodoma kwa usimamizi mzuri wa ujenzi wa miradi na kusema kuwa imesaidia kupunguza kadhia mbalimbali kwa wananchi huku akishauri kumaliziwa kwa miradi viporo katika mwaka mpya wa fedha 2024/25.

 

Kwa upande wake Diwani wa Kata ya Kilimani, Neema Mwaluko alisema kwa mara ya kwanza ndani ya mwaka wa fedha 2023/24, Kata ya Kilimani imefanikiwa kujegewa Shule mpya ya Msingi ya kwanza ya Chinyoya na kusema kuwa kupitia uwepo wa shule hiyo utakwenda kupunguza changamoto ya umbali kwa wananfunzi waliokuwa wakienda kusoma katika maeneo ya mbali na wanapoishi.

 

MWISHO

 

Comments

Post a Comment

Popular Posts

Global Affairs Canada yafurahishwa na utekelezaji wa Mradi wa AHADI katika Kata ya Chamwino

By Halmashauri ya Jiji la Dodoma
Image
  Kata ya Chamwino, imepokea ugeni kutoka Global Affairs Canada ukiongozwa na Mary Harasym aliyeambatana na Zahra Popatia ambao ni wafadhili wa mradi wa AHADI na kueleza kuridhishwa na utekelezaji wa mradi huo. Lengo la ziara hiyo ni kufanya tathimini na kujionea kwa macho namna mradi unavyotekelezwa hususan utoaji wa elimu kuhusu maswala ya Afya ya uzazi kwa vijana wa Kata ya Chamwino. Kwa upande ‘Promoter’ wa mradi, Khadija Ally alitoa maelezo ya kina kuhusu shughuli zinazofanyika na mafanikio yaliyopatikana kwa vijana kushiriki kwenye mafunzo yenye lengo la kuwajengea uwezo wa kufanya maamuzi sahihi kuhusu maswala Afya ya uzazi, kujikinga dhidi ya mimba zisizotarajiwa na kuwa na mipango bora ya maisha ya baadae pamoja na kuwajengea uwezo wa kuwa na shughuli za kuingiza kipato. Afisa Mtendaji wa Kata ya Chamwino, kwa niaba ya Diwani aliwashukuru wageni hao kwa kuitembelea Kata ya Chamwino na kusema kuwa mradi wa AHADI ni kielelezo kizuri cha ushirikiano baina ya kata yake...
Read more

Umeme wa REA chachu ya viwanda vidogo vidogo Kata ya Ipala

By Halmashauri ya Jiji la Dodoma
Image
Na. John Masanja, IPALA Awamu ya kwanza ya umeme wa Wakala wa Nishati Vijijini (REA) umechochea shughuli za maendeleo na kuinua uchumi wa wananchi katika Kata ya Ipala, Halmashauri ya Jiji la Dodoma. Kauli hiyo ilitolewa na Diwani wa Kata ya Ipala, George Magawa wakati akizungumza na waandishi wa habari waliofanya ‘media tour’ kutembelea miradi ya maendeleo iliyotekelezwa na serikali katika kata hiyo kuanzia mwaka 2021 hadi 2025. Alisema kuwa serikali ya awamu ya sita imepeleka huduma ya umeme katika Kata ya Ipala. “Kata yetu imefikiwa na awamu ya kwanza ambayo ina faida nyingi sana. Wananchi wanafanya shughuli mbalimbali zinazojumuisha matumizi ya umeme kwa kiwango kikubwa na naamini kwa siku za usoni hapa kwetu kutakuwa mtaa wa viwanda vya aina tofauti” alisema Magawa. Nae mkazi wa Kata ya Ipala, Mathias Masita aliishukuru serikali kwa kuwapelekea umeme kwasababu maisha yao yamebadilika na wanafanya shughuli zinazohusisha umeme kwa kiwango kikubwa. “Mradi wa REA umetunufaisha s...
Read more

Shilingi Bilioni 7 zatekeleza miradi ya maendeleo Kata ya Miyuji

By Halmashauri ya Jiji la Dodoma
Image
Na. Coletha Charles, MIYUJI Diwani wa Kata ya Miyuji, Beatrice Ngerangera, ameipongeza serikali ya awamu ya sita inayoongozwa na Rais, Dkt. Samia Suluhu Hassan kwa kutoa zaidi ya shilingi bilioni saba kutekeleza miradi ya maendeleo katika kata yake na kusema kuwa miradi hiyo imebadilisha maisha ya wananchi na kuyafanya kuwa bora zaidi. Kauli hiyo aliitoa alipokuwa akiongea na waandishi wa habari baada ya kutembelea miradi ya maendeleo iliyotekelezwa katika Kata ya Miyuji kwa kipindi cha mwaka 2021-2025 na serikali. Alisema kuwa serikali imetoa kipaumbele kwa miradi ya Kata ya Miyuji kwa ajili ya kuboresha maisha ya wananchi. “Katika kipindi cha miaka minne, kata yetu ya Miyuji imenufaika na miradi yenye thamani ya zaidi ya shilingi bilioni 7. Hii ni pamoja na ujenzi wa shule ya sekondari yenye miundombinu kamili kuanzia ‘O-Level’ hadi ‘A-Level’, ikiwa na mabweni na nyumba za walimu. Gharama yake ni shilingi 544,000,000 kutoka serikali kuu kupitia SEQUIP” alisema Diwani Ngerangera. ...
Read more