Dodoma Jiji FC yaja kivingine

By Halmashauri ya Jiji la Dodoma


Na. Fadiga James, DODOMA

Timu ya Mpira wa Miguu ya Dodoma Jiji ambayo imekuwa ikishiriki ligi kuu nchini imeweka mikakati mizito kuelekea msimu mpya wa ligi kuu Tanzania Bara (NBC premier league) unaotarajia kuanza hivi karibuni.

 




Mikakati hiyo ilitajwa na Diwani wa Kata ya Makole, Omary Haji alipokuwa akiongea na waandishi wa habari nje ya ukumbi wa mikutano wa Halmashauri ya Jiji la Dodoma kuhusiana na maandalizi ya Dodoma Jiji FC kuelekea kuanza kwa ligi kuu.

Diwanni Haji alisema kuwa timu hiyo imejiwekea mikakati kwenye msimu mpya wa mashindano unaotarajia kuanza mwisho mwa mwezi Agosti, 2024 kuwa ni kushinda mechi zote.

‘Mimi kama mdau wa Dodoma Jiji FC kwanza najivunia na kujisikia fahari kuwa na timu inayoshiriki ligi kuu. Kwahiyo, cha kwanza wananchi wetu wa Dodoma watafurahia kuangalia mechi kwa timu zinazoshiriki ikiwemo Simba, Yanga na Azam na timu nyingine kwasababu lazima zije kucheza hapa. Sisi kama Dodoma Jiji FC tulikaa wakati tunavunja kambi na Mkurugenzi wa Jiji, mkurugenzi ana mikakati mingi sana mizuri na nina imani kabisa Dodoma Jiji FC itafanya vizuri msimu huu kwasababu tuna malengo madhubuti sana ili kuhakikisha Dodoma Jiji FC inafanya vizuri. Mechi zote za Dodoma za nyumbani inatakiwa tushinde ili tujiweke katika nafasi nzuri pamoja na mechi za ugenini’’ alisema Haji.

Pia licha ya mikakati na mpango mzuri kuelekea msimu mpya wa mashindano ambao ni kushinda mechi zake za nyumbani lakini Dodoma Jiji FC imeonekana kuwa na matokea mazuri kipindi hiki cha maandalizi ambapo timu iliweka kambi jijini Arusha. Kati michezo minne ya mwisho Timu ya Dodoma Jiji FC ilifanikiwa kuibuka na ushindi katika michezo yote huku ikitoshana nguvu katika mchezo mmoja na Fountain Gate FC.

Timu ya Dodoma Jiji FC imekuwa na muendelezo mzuri katika ligi kuu ya NBC ikiwa ni zaidi ya misimu mitatu sasa ikisalia katika ligi hiyo na kuendelea kutoa ushindani mzuri hususani kwa timu ambazo madaraja yao yanalingana.

Habari hii imehaririwa na Emmanuel Lucas

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more