Jiji latoa 25,000,000 kumalizia Bweni Mbalawala Sec

By Halmashauri ya Jiji la Dodoma

Na. Nancy Kivuyo, NALA

HALMASHAURI ya Jiji la Dodoma yatoa shilingi 25,000,000 kwa ajili ya umaliziaji wa ujenzi wa bweni kwa Shule ya Sekondari Nala kwa lengo la kuwaondolea wanafunzi kutembea umbali mrefu kwenda shule na kuongeza ufaulu.


Kauli hiyo ilitolewa na Kaimu Afisa Elimu Sekondari Halmashauri ya Jiji la Dodoma, Mwl. Fredrick Mwakisambwe alipokuwa akisoma taarifa ya umaliziaji wa bweni, vyoo na utengenezaji wa vitanda katika Shule ya Sekondari Nala kwa Kamati ya Siasa ya Chama cha Mapinduzi Wilaya ya Dodoma.

Mwl. Mwakisambwe alisema “shule hii ilianza rasmi tarehe 05 Aprili, 2005 ikiwa na wanafunzi 71. Idadi ya wanafunzi iliendelea kuongezeka mwaka hadi mwaka na shule kukumbwa na changamoto mbalimbali, mojawapo ikiwa ni wanafunzi wengi kutembea umbali mrefu kutoka nyumbani. Hata hivyo, changamoto hiyo ilikuwa kubwa zaidi kwa wanafunzi wa kike na hivyo, uongozi wa shule pamoja na bodi waliomba kujengewa mabweni kwaajili ya wanafunzi wa kike kwa lengo la kuwaepusha na changamoto ya kukatisha masomo lakini pia kupandisha ufaulu wao na shule kwaujumla”.

Alisema kuwa mwishoni mwa mwaka 2023 shule hiyo ilipokea fedha kutoka mapato ya ndani ya Halmashauri ya Jiji la Dodoma kiasi cha shilingi 25,000,000 kwa awamu mbili kwaajili ya umaliziaji wa bweni moja lenye uwezo wa kulaza wanafunzi 48, vyoo matundu manne na utengenezaji wa vitanda 25 ambavyo ni ‘double’ deka za chuma. “Fedha hiyo iliingizwa katika akaunti ya shule tarehe 23 Agosti, 2023 kiasi cha shilingi 15,000,000 na tarehe 20 Septemba, 2023 kiasi cha shilingi 10,000,000… Katika kutekeleza na kusimamia mradi huu, mfumo wa ‘force account’ ulitumika kufanya malipo ya wazabuni. Pia, mkuu wa shule aliunda kamati tatu, ambazo ni kamati ya ujenzi, kamati ya manunuzi na kamati ya mapokezi na ukaguzi. Aidha, utengenezaji wa vitanda 25 ulifanyika na kugharimu jumla ya shilingi 5,000,000.00 tu. Kazi hizi zote zilifanyika na kukamilika kwa gharama ya fedha ya shilingi 21,458,500 ambapo malipo ya wazabuni yalikuwa shilingi 18,008,500, malipo ya fundi shilingi 3,090,000 na gharama za maji shilimgi 360,000. Aidha, kiasi cha shilingi 3,541,500 kilibaki kama salio baada ya kukamilika kwa kazi hizo. Kutokana na changamoto kubwa ya maji hapa shuleni, kamati iliamua kutumia kiasi hiki tajwa kuchimba na kujenga karo kubwa lenye ujazo wa lita elfu 25 kwaajili ya kuhifadhia maji, ununuzi wa simtank moja la lita 5000 na kufunga gata za kuvunia maji ya mvua” alisema Mwl. Mwakisambwe.

MWISHO

 

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Bilioni 9.1 yanufaisha vikundi kwa Mwaka 2020-2023

By Halmashauri ya Jiji la Dodoma
Na. Faraja Mbise, IPAGALA Halmashauri ya Jiji la Dodoma ilitoa takribani ya shilingi bilioni 9.1 kwa ajili ya kuwezesha vikundi vya wanawake, vijana na watu wenye ulemavu ndani ya kipindi cha Mwaka 2020 hadi 2023. Hayo yalisemwa na Kaimu Afisa Maendeleo ya Jamii, Halmashauri ya Jiji la Dodoma, Patrick Sebyiga alipofanyiwa mahojiano na waandishi wa habari, mara baada ya kumalizika kwa ziara ya Kamati ya Siasa ya Chama Cha Mapinduzi Wilaya ya Dodoma kukagua miradi ya maendeleo inayotekelezwa katika Jiji la Dodoma. “Kwa mikopo ya asilimia 10 kwa ajili ya wanawake, vijana na watu wenye ulemavu, kuanzia Mwaka 2020 hadi 2023, Halmashauri ya Jiji la Dodoma imetoa kiasi cha shilingi bilioni 9.1 ikiwa na maana vikundi 767 vimepata mkopo. Vikundi vya akina mama 407, vijana 279 na watu wenye ulemavu 81 hii ni sawa na watu 4,883 wamenufaika na mkopo wa asilimia 10” alisema Sebyiga. Akizungumzia kuhusu faida za mkopo wa asilimia 10, alisema kuwa mkopo huo una faida kubwa sana na unawawezesh...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more