Jiji latoa Mil 20 kukuza mtaji Kikundi cha Winning Star

By Halmashauri ya Jiji la Dodoma

 Na. Faraja Mbise, IPAGALA

HALMASHAURI ya Jiji la Dodoma ilikipatia mkopo usio na riba wa shilingi 20,000,000 Kikundi cha Winning Star kwa ajili ya kuongeza mtaji kwa shughuli ya ufugaji kuku wa mayai na nyama na kuongeza wigo wa ajira.



Kauli hiyo ilitolewa na Kaimu Afisa Maendeleo ya Jamii Halmashauri ya Jiji la Dodoma, Patrick Sebyiga wakati akisoma taarifa ya Kikundi cha Winning Star kinachojishughulisha na ufugaji wa kuku wa mayai na nyama katika Kata ya Ipagala mbele ya kamati ya Siasa ya Chama Cha Mapinduzi (CCM) Wilaya ya Dodoma ilitotembelea kikundi hicho.

Sebyiga alisema “lengo kuu la kikundi hiki ni kutumia fursa ya ufugaji ili kuajiri na kutoa ajira kwa wengine hasa vijana. Aidha, kujikwamua kiuchumi kwasababu kwa kufanya hivyo, kikundi kimeondoa utegemezi na umasiki kwenye familia hupungua. Matamanio ya kikundi ni kufuga kuku 10,000 kutokana na uhitaji mkubwa wa mayai hapa Dodoma”.

Akiongelea mtaji wa kikundi hicho, Kaimu Afisa Maendeleo ya Jamii Jiji huyo alisema kuwa mtaji wa kikundi hicho ulitokana na michango ya wanakikundi pamoja na mkopo wa halmashauri. “Kikundi kilianza kwa mtaji wa shilingi 6,300,000, kila mwanachama alichangia kiasi cha shilingi 1,050,000 ambazo zilipatikana kutokana na kuweka fedha kwenye vikoba. Kikundi kilianza kwa kununua kuku 500, ambapo kwa kipindi cha miaka miwili mtaji ulikuwa hadi kufikia 31,250,000. kwa kuwa na kuku 2,500 kabla ya mkopo. Halmashauri iliwapatia mkopo wa asilimia nne kiasi cha shilingi 20,000,000 kutoka mfuko wa wanawake, vijana na watu wenye ulemavu tarehe 30 Machi, 2023. kiasi hicho kimesaidia kuongeza kuku 1,000 pamoja na ‘cage’ za kisasa za kuku, hivyo, kufikia kuku 3,500” alisema Sebyiga.

Kuhusu mafanikio ya kikundi, aliyataja kuwa ni kuweza kujilipa posha ya asilimia 30 ya mapato ya kila mwezi kutokana na mauzo ya mayai na mbolea. “Kikundi kimefanikiwa kuajiri vijana wa kiume watatu na mama mmoja. Wanakikundi wamefanikiwa kutimiza ndoto yao ya kujiajiri wenyewe na kuajiri wengine. Kikundi kimefanikiwa kutoa mafunzo ya ufugaji kwa wanaokuja kukitembelea na kuongeza mabanda kwaajili ya kuku wengine” alisema Sebyiga.

Kikundi cha wanawake cha Winning Star, kilipo Mtaa wa Ilazo Mbuyuni, Kata ya Ipagala kilianzishwa tarehe 12 Desemba, 2020 kikiwa na wanachama sita. Kikundi kinajishughulisha na ufugaji wa kuku wa Mayai na Nyama, kimesajiliwa na Halmashauri ya Jiji la Dodoma tarehe 8 Septemba, 2022 na kati ya mkopo wa shilingi 20,000,000 kimefanikiwa kurejesha shilingi 14,000,000 na kubakiza shilingi 6,000,000 zitakazolipwa zote kufikia mwezi Juni, 2025.

MWISHO

 

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Bilioni 9.1 yanufaisha vikundi kwa Mwaka 2020-2023

By Halmashauri ya Jiji la Dodoma
Na. Faraja Mbise, IPAGALA Halmashauri ya Jiji la Dodoma ilitoa takribani ya shilingi bilioni 9.1 kwa ajili ya kuwezesha vikundi vya wanawake, vijana na watu wenye ulemavu ndani ya kipindi cha Mwaka 2020 hadi 2023. Hayo yalisemwa na Kaimu Afisa Maendeleo ya Jamii, Halmashauri ya Jiji la Dodoma, Patrick Sebyiga alipofanyiwa mahojiano na waandishi wa habari, mara baada ya kumalizika kwa ziara ya Kamati ya Siasa ya Chama Cha Mapinduzi Wilaya ya Dodoma kukagua miradi ya maendeleo inayotekelezwa katika Jiji la Dodoma. “Kwa mikopo ya asilimia 10 kwa ajili ya wanawake, vijana na watu wenye ulemavu, kuanzia Mwaka 2020 hadi 2023, Halmashauri ya Jiji la Dodoma imetoa kiasi cha shilingi bilioni 9.1 ikiwa na maana vikundi 767 vimepata mkopo. Vikundi vya akina mama 407, vijana 279 na watu wenye ulemavu 81 hii ni sawa na watu 4,883 wamenufaika na mkopo wa asilimia 10” alisema Sebyiga. Akizungumzia kuhusu faida za mkopo wa asilimia 10, alisema kuwa mkopo huo una faida kubwa sana na unawawezesh...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more