Jiji la Dodoma linafursa lukuki uwekezaji

By Halmashauri ya Jiji la Dodoma

Na. Faraja Mbise, DODOMA

Halmashauri ya Jiji la Dodoma inazo fursa lukuli kwa ajili ya wawekezaji na wafanyabiashara katika maeneo ya kilimo, viwanda, biashara, michezo na maeneo mengine yanayoweza kusisimua ukuaji wa uchumi.




Kauli hiyo ilitolewa na Kaimu Mkuu wa Divisheni ya Uwekezaji, Viwanda na Biashara Halmashauri ya Jiji la Dodoma, Abdul Chacha alipokuwa akizungumza na wajumbe wa Mkutano wa Baraza la Biashara Wilaya ya Dodoma uliofanyika katika ukumbi wa mikutano wa Halmashauri ya Jiji la Dodoma uliopo Mji wa Serikali Mtumba. “Halmashauri ya Jiji la Dodoma ina fursa nyingi sana, una fursa ya kuwekeza katika maeneo ya michezo kwa ujumla, kwasababu saizi tunaangalia AFCON inakuja. Kwahiyo, watu wengi watahitaji sehemu ambazo zimeandaliwa kwa ajili ya michezo. Vilevile, nyumba za kupanga na kuuza (apartments). Kipindi hiki wageni wanaingia wengi sana hivyo, wanahitaji sehemu za kufikia kwa maana ya malazi, hizo ni fursa zinazopatina. Lakini biashara mbalimbali za chakula kama kuku, nyama, mbogamboga na matunda ni mahitaji katika soko la Jiji la Dodoma. Sasa hivi, mtaona magari mengi ambayo yalikuwa yanatoka mikoani yanaenda Dar-es-Salaam yanashusha bidhaa zao hapa Dodoma. Kwahiyo, hata mzunguko wa pesa umeongezeka mara dufu tofauti na ilivyokuwa zamani” alisema Chacha.

Akiongelea utatuzi wa changamoto, alisema kuwa baraza hilo limekuwa msaada mkubwa. “Changamoto nyingi tumeweza kuzitatua. Mfano, wafanyabiashara wanalalamika kuhusu ushuru au kodi zilizowekwa ambazo hawazifahamu, lakini baada ya kukutana nao katika vikao vyetu, tunawafahamisha zile kodi zimewekwa kwa utaratibu gani, malengo yake ni yapi. Wafanyabiashara wamekuwa wakielewa na utaratibu unaendelea. Pia changamoto nyingine tuna wafanyabiashara wadogo na wa kati, wafanyabiashara wadogo mfano machinga wanachangamoto ya maeneo ya kufanyia biashara. Hivyo, tunakaa nao na kuongea na kukubaliana mambo ya msingi. Baraza hili kupitia halmashauri wataandaliwa maeneo maalumu ambayo utaona wanapewa yakiwa na huduma zote za msingi ili waweze kutoa huduma zao” aliongeza Chacha.

Akiongelea ujio wa reli ya kisasa (SGR) alisema kuwa imesaidia kukuza biashara katika Halmashauri ya Jiji la Dodoma. “Kitakwimu bado tunaendelea kufanya tafiti zetu, lakini kiwango kikubwa sana mtaona ‘movement’ ya watu kwenda Dar-es-Salaam na kurudi ni kubwa zaidi. Hii imefanya biashara katika Jiji la Dodoma isiwe na tofauti kubwa na ile iliyopo katika Jiji la Dar-es-Salaam kwasababu zinapatikana kwa wepesi na gharama nafuu kwasababu wafanyabiashara hawatumii muda mrefu sana kufuata bidhaa zao” alisisitiza Chacha.

Kaimu mkuu huyo wa Divisheni ya Uwekezaji, Viwanda na Biashara aliwataka wafanyabiashara na watanzania kwa ujumla kulipa kodi kwa uaminifu ili kuleta maendeleo katika nchi. “Tumeendelea kuwaelimisha na kuwahamasisha watanzania kwa ujumla kwamba kodi zao ndio zinazojenga nchi, upatikanaji wa kodi zao ndio unaofanya maendeleo yote yanayoonekana sasahivi yanatokana na kodi zao. SGR ni kodi zao, miundombinu, barabara, huduma za kijamii, huduma za afya zote zinaweza kufanyika kwasababu ya kodi zao. Kwahiyo, mchango wa kodi ya wananchi ni muhimu sana kwa maendeleo” alisisitiza Chacha.

Nae mkazi wa Kikuyu Halmashauri ya Jiji la Dodoma, Jema Wenslaus alisema kuwa ujio wa treni ya SGR umeyafanya maisha kuwa rahisi zaidi. Alisema kuwa awali alikuwa akipanga safari ya kutoka Dodoma kwenda Dar es Salaam na kuipangua kutokana na muda wa kusafiri kuwa mrefu. “Baada ya kuanza kwa SGR sasa unaweza kwenda na kurudi siku hiyohiyo tena bila kuchoka. Treni hii hakika inaokoa muda na imerahisisha maisha” alisema Wenslaus.

Baraza la Biashara la Wilaya ya Dodoma linahusisha wafanyabiashara kutoka sekta ya umma na sekta binafsi kwa lengo la kujadili masuala ya biashara na uwekezaji kwa mapana, changamoto na utatuzi wake, muelekeo na namna ya kufikia maelengo ya halmashauri, wilaya, mkoa na taifa kwa ujumla.

MWISHO

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more