Makamu wa Rais azungumza na viongozi wa CCM Mkoa wa Dodoma

By Halmashauri ya Jiji la Dodoma


MJUMBE wa Kamati Kuu ya Halmshauri Kuu ya Chama Cha Mapinduzi ambaye ni Mlezi wa CCM Mkoa wa Dodoma, Makamu wa Rais wa Jamhuri ya Muungano wa Tanzania, Dkt. Philip Mpango ameiagiza Serikali ngazi ya Mkoa wa Dodoma kuendelea kutafutia ufumbuzi migogoro ya ardhi iliyokithiri hususan fidia kwa ardhi iliyotwaliwa na utekelezaji wa mgawanyo wa ardhi wa 70% kwa 30%. 





Makamu wa Rais ametoa maelekezo hayo wakati akizungumza na Viongozi na Wanachama wa Chama Cha Mapinduzi (CCM) Mkoa wa Dodoma katika Mkutano uliyofanyika katika Ukumbi wa Mikutano wa Jakaya Kikwete mkoani Dodoma. Amesema changamoto hiyo ya ardhi mkoani Dodoma kwa kiasi kikubwa imewafanya wanachama pamoja na wananchi kuwa na manung’uniko na hata kufikia hatua ya kususia uchaguzi. Amemuagiza Mkuu wa Mkoa wa Dodoma kushirikiana na Waziri wa Ardhi kwa pamoja na uongozi wa Jiji la Dodoma kuongeza nguvu zaidi katika kushughulikia migogoro hiyo.


Dkt. Mpango amewahimiza viongozi wa Chama Cha Mapinduzi mkoani Dodoma kusimamia miradi na mapato ya Chama kwa uadilifu ikiwa ni pamoja na kuhakikisha mali za CCM zinatumika kwa manufaa ya Chama ili kuimarisha uchumi na kuepuka kuathiri uendeshaji wa shughuli za Chama hicho. Aidha amewasihi kusimamia vema na kuhimiza ulipaji wa ada za uanachama suala ambalo ni muhimu na la kikatiba.


Makamu wa Rais amewataka wanachama na viongozi wa CCM mkoani Dodoma kuhakikisha hali ya utulivu inakuwepo katika chama kwa kuendelea kutekeleza vema majukumu katika ngazi zote, kufuata Kanuni na Taratibu zote, kufanya vikao kwa kuzingatia Katiba ya Chama na kalenda ya vikao, kuondosha mivutano yoyote baina ya Viongozi au Viongozi na Wanachama inayotishia ustawi wa Chama hicho.  



Halikadhalika amewaagiza viongozi na wanachama kuepuka siasa za makundi na migogoro ndani ya chama. Amesema ni muhimu kufanya maamuzi yahusuyo chama kupitia vikao halali na kuwasihi kufanya vikao katika ngazi za mashina, matawi, kata, Wilaya na Mkoa pamoja na kuendesha semina za mafunzo ya itikadi ya chama.


Pia ametoa rai kwa viongozi wa CCM wa ngazi zote kudumisha ushirikiano na kuendeleza uhusiano mzuri wa kikazi na Watendaji wa Serikali kwa kufanya kazi kwa karibu ili kutekeleza Ilani ya Uchaguzi 2020 – 2025 kwa kuzitafutia ufumbuzi kero mbalimbali zinazowakabili wananchi.


Awali akimkaribisha Makamu wa Rais na Mlezi wa Chama cha Mapinduzi Mkoa wa Dodoma, Mwenyekiti wa CCM Mkoa wa Dodoma, Adam Kimbisa amesema Chama cha Mapinduzi mkoani humo kimeendelea kujiweka karibu na wananchi kwa kusikiliza na kutatua kero zao ambapo katika changamoto ya migogoro ya ardhi kwa kipindi cha mwezi Januari – Julai 2024 jumla ya watu 674 walitatuliwa migogoro yao na chama hicho.


Kimbisa ameongeza kwamba Chama kimeendelea kutoa mafunzo ya itikadi, kuhamasisha ulipaji wa ada za wanachama pamoja na kuingiza wanachama wapya kwa kuwasajili katika mfumo wa kielekrotiniki.




Mkuu wa Mkoa wa Dodoma, Rosemary Senyamule amesema mkoa huo umeendelea kutatua kero mbalimbali za wananchi ambao kwa kipindi cha miaka mitatu jumla ya kero zaidi ya 26,000 zimetatulia huku kero zaidi ya 4000 zikiwa katika hatua mbalimbali za utatuzi. Amesema kwa sasa mkoa huo umeingia katika mfumo maalum kutoka Ofisi ya Rais Utumishi na Utawala Bora unaowawezesha wananchi wa Mkoa wa Dodoma wanauwezo wa kutuma kero zao katika mfumo huo na kutatuliwa.



Mkutano huo umehudhuriwa na Viongozi wote wa Chama Cha Mapinduzi kutoka kata 209 za mkoa wa Dodoma, Wabunge, Madiwani, Machifu, Wazee wa Mkoa wa Dodoma pamoja na Wanachama.



Imetolewa na

Ofisi ya Makamu wa Rais

16 Agosti, 2024

Dodoma

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more