CCM yawapongeza walimu Zuzu Sec

By Halmashauri ya Jiji la Dodoma

Na. Dennis Gondwe, ZUZU

KAMATI ya Siasa ya Chama cha Mapinduzi (CCM) Mkoa wa Dodoma imewashukuru walimu wa Shule ya Sekondari Zuzu kwa kazi ya ufundishaji na kusimamia ujenzi na uboreshaji wa miundombinu shuleni hapo.


Mjumbe wa Halmashauri Kuu ya Chama Cha Mapinduzi Taifa, Donald Mejiti akisisitiza jambo


Shukrani hizo zilitolewa na Mjumbe wa Halmashauri Kuu ya Chama Cha Mapinduzi Taifa, Donald Mejiti alipoongoza Kamati ya Siasa ya CCM Mkoa wa Dodoma kutembelea na kukagua ujenzi wa vyumba nane na matundu 10 ya vyo Shule ya Sekondari Zuzu.


Mejiti alisema “nianze kwa kutoa pongezi kwa kazi nzuri mliyofanya na inaonekana. Walimu wetu tunawashukuru sana kwa kazi ya kufundisha wanafunzi na kusimamia ujenzi wa miundombinu katika shule hii. Nia ya mheshimiwa Rais, Dkt. Samia Suluhu Hassan kujenga majengo haya ni kuwawezesha watoto wetu wasome katika mazingira bora na salama. Watoto wetu wakisoma fursa za ajira zinakuwa nyingi. Lakini pia amejenga vyuo vya VETA ili kuongeza wigo kwa watoto wetu, bahati nzuri VETA ada yake ni nafuu sana”.


Aidha, alimpongeza Mkurugenzi wa Halmashauri ya Jiji la Dodoma kwa kuchimba kisima cha maji katika shule hiyo. “Mkurugenzi wa Jiji ametafsiri maono ya mheshimiwa rais ya kuboresha mazingira ya kufundishia na kujifunzia kuwa bora kwa kuchimba kisima cha maji shuleni hapa. Wote tunafamahu umuhimu wa maji katika taasisi kama hii” alisema Mejiti.


Awali akimkaribisha Mjumbe wa Halmashauri Kuu ya CCM Taifa, Mkuu wa Wilaya ya Dodoma, Alhaj Jabir Shekimweri alisema kuwa kazi nzuri imefanyika Shule ya Sekondari Zuzu katika ujenzi wa miundombinu na utunzaji wa mazingira. “Mgeni rasmi shule hii ipo mstari wa mbele katika kupanda miti na kutunza mazingira. Nimpongeza sana Mkurugenzi wa Jiji kwa kutoa shilingi milioni 20 kuchimba kisima cha maji hapa. Pia shilingi milioni 85 zimetolewa kwa ajili ya kukamilisha maabara” alisema Alhaj Shekimweri.


Akisoma taarifa ya ujenzi wa vyumba nane vya madarasa na matundu 10 ya vyoo kwa Kamati ya Siasa ya CCM Mkoa wa Dodoma Mkuu wa Shule ya Sekondari Zuzu, Mwl Herzon Emmanuel alisema kuwa shule hiyo katika miaka mitano iliyopita haikuwa na ufaulu mzuri, baada ya uwekezaji mkubwa uliofanywa na serikali ya awamu ya sita imepelekea ufaulu wa shule kuongezeka na hamasa ya wanafunzi kujiunga na shule imeongezeka sana. Alisema kuwa kwa matokeo ya kidato cha Nne 2023 shule imepata mwanafunzi wa kwanza aliyefaulu kwa daraja la kwanza tangu shule ianzishwe.

Mkuu wa Shule ya Sekondari Zuzu, Mwl Herzon Emmanuel akisoma taarifa ya mradi


Kuhusu mapokezi ya fedha alisema kuwa shule ilipokea jumla ya shilingi 201,000,000.00 kutoka serikali kuu kwa ajili ya ujenzi wa vyumba nane vya madarasa na matundu 10 ya vyoo. Fedha hiyo iliingia katika akaunti ya shule tarehe 05/01/2024.


Akiongelea umuhimu wa shule hiyo Katibu Kata wa CCM Kata ya Zuzu, Suma Kyomola alisema kuwa shule hiyo imekuwa suluhu kwa watoto wa kata hiyo. “Baadhi ya watoto waliosoma shuleni hapa wameshanufaika na ajira mbalimbali wengine wapo vyuoni, wengine kwenye taasisi za dini na wengine kwenye sekta ya afya” alisema Kyomola.


Shule ya Sekondari Zuzu ni shule ya serikali iliyoanzishwa mwaka 2007, imekuwa chachu kubwa ya utoaji wa elimu katika Kata ya Zuzu ikiwa umbali wa Kilometa 14 kutoka katikati ya Jiji la Dodoma ikiwa na jumla ya wanafunzi 442.

 

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more