Ukarabati Shule ya Msingi Iyumbu kupunguza msongamano darasani

By Halmashauri ya Jiji la Dodoma

Na. Dennis Gondwe, IYUMBU

MRADI wa ukarabati wa vyumba 10 vya madarasa katika Shule ya Msingi Iyumbu umesaidia kupunguza msongamano wa wanafunzi darasani na kuwaboreshea wanafunzi mazingira bora ya kujifunzia.


Mwalimu Mkuu wa Shule ya Msingi Iyumbu, Mwl. Monica Nshimba


Kauli hiyo ilitolewa na Mwalimu Mkuu wa Shule ya Msingi Iyumbu, Mwl. Monica Nshimba alipokuwa akisoma taarifa ya mradi wa ukarabati wa vyumba 10 vya madarasa katika Shule ya Msingi Iyumbu kwa Kamati ya Siasa ya Chama Cha Mapinduzi (CCM) Mkoa wa Dodoma ilipotembelea shule hiyo iliyopo Kata ya Iyumbu jijini Dodoma.


Mwl. Nshimba alisema “ukarabati wa mradi umepunguza kwa kiasi kikubwa msongamano wa wanafunzi darasani kwasababu kabla ya ukarabati, kulikuwa na vyumba vinne ambavyo vilikuwa havitumiki kabisa na hata vile vilivyokuwa vinatumika vilikuwa katika hali mbaya sana. Hivyo, kwa sasa vyumba vyote vinatumika. Pia mazingira ya kujifunzia na kufundishia yamekuwa mazuri na rafiki kiasi kwamba wanafunzi na walimu wote tunayafurahia. Hivyo, kuongeza ari ya kufanya kazi na kujifunza”.


Akiongelea mapokezi ya fedha, alisema kuwa shule yake ilipokea fedha kiasi cha shilingi 90,000,000.00 kutoka Serikali Kuu tarehe 05 Januari, 2024 kwa ajili ya ukarabati wa vyumba 10 vya madarasa. “Mradi huu ulianza kutekelezwa tarehe 15 Januari, 2024 na umetekelezwa kwa kutumia ‘Force Account’ ambapo kulikuwa na kamati tatu za Ujenzi, Manunuzi na Kamati ya Mapokezi na Ukaguzi. Kamati hizi zilikuwa na uwakilishi wa wananchi wa Kata ya Iyumbu ambao wameshiriki katika usimamizi wa mradi hadi kukamilika. Mradi umetumia jumla ya shilingi 90,000,000.00 ambapo imejumuisha malipo ya wazabuni, fundi na kodi ya Mamlaka ya Mapato Tanzania (TRA). Mradi umekamilika kwa asilimia 100 uliohusisha ukarabati wa vyumba 10 vya madarasa na ofisi mbili umekamilika tarehe 30 Aprili, 2024 na mradi unatumika” alisema Mwl. Nshimba.

 


Ikumbukwe kuwa Shule ya Msingi Iyumbu ilianzishwa mwaka 1980 sasa ina wanafunzi 1,219 kati yao wavulana ni 561 na wasichana ni 658 ikijivunia kufanya vizuri kitaaluma kwa kuongeza ufaulu kwa darasa la Saba kwa miaka mitatu mfululizo.

MWISHO  

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more