Miaka minne ya Dkt. Samia, Kizota yanufaika mikopo ya asilimia 10

By Halmashauri ya Jiji la Dodoma

Na. Coletha Charles, KIZOTA

Wananchi wa Kata ya Kizota Halmashauri ya Jiji la Dodoma, waeleza kunufaika na mikopo ya asilimia 10 inayotolewa na halmashauri kwa makundi ya wanawake, vijana, na watu wenye ulemavu, ikiwa ni hatua ya kuinua maisha yao kiuchumi na kuimarisha shughuli zao za ujasiriamali.



Walieleza hisia zao mbele ya waandishi wa habari waliofanya ‘media tour’ kutembelea miradi ya maendeleo iliyotekelezwa na serikali katika Kata ya Kizota kuanzia mwaka 2021 hadi 2025.

Akizungumzia hali ya mikopo hiyo, Afisa Maendeleo ya Jamii Kata ya Kizota, Theresia Ntui alisema kuwa tangu kuanza kwa utolewaji mikopo ya asilimia 10 katika serikali ya awamu ya sita, Kata ya Kizota imenufaika kwa jumla ya shilingi 410,000,000 zilizotolewa kwa vikundi mbalimbali vya kijamii.

Alisema kuwa katika fedha hizo, vikundi 28 vya wanawake vilipokea shilingi 192,000,000 vikundi 16 vya vijana vilipewa 164,000,000 na vikundi vitano vya watu wenye ulemavu walipata shilingi 49,000,000. “Mikopo hii ni yenye masharti nafuu, haina riba, na inatolewa kwa mtindo wa kikundi. Vikundi hupatiwa muda wa ‘grace period’ inakuwa ni miezi mitatu, ikipita hiyo miezi wanaanza kurejesha mkopo baada ya kutekeleza mradi waliokuwa wanautaka na kikundi kama kikikopa milioni 10 kitarudisha milioni 10” alisema Ntui.

Nae, Mwenyekiti wa kikundi cha vijana cha Manyema, Jackson Samwel, alisema kuwa mikopo hiyo imekuwa msaada mkubwa kwa vijana katika kujikwamua kimaisha, na mafanikio ya kikundi chao ni ushahidi tosha kuwa serikali ya awamu ya sita inatekeleza kwa vitendo dhamira yake ya kuwawezesha vijana.



Alisema kuwa mikopo hiyo imewatoa vijana wa kikundi hicho kutoka hali ya utegemezi na kuwa wajasiriamali, ambapo kikundi hicho kina jumla ya wanachama watano wanajihusisha na shughuli za usafirishaji. “Tunatanguliza shukrani zetu za dhati kwa serikali, mbunge wetu na diwani kwa namna walivyotusaidia kupata elimu ya mikopo na hadi kufanikiwa kupata mkopo huu wa milioni sita. Tumenunua bajaji tatu na pikipiki mbili (bodaboda) na hadi sasa tunamshukuru Mungu tumefanikiwa kuendesha shughuli zetu vizuri na kujitegemea kiuchumi” alishukuru Samweli.



Mwenyekiti wa Kikundi cha Angel kutoka Mtaa wa Relini, Kata ya Kizota, Edina Mwanjila, alisema kuwa mkopo wa asilimia 10 ni mkopo usio na riba na ambao umekuwa msaada mkubwa katika kuboresha maisha ya wanawake kiuchumi, na kusaidia upatikanaji wa mahitaji ya familia.

Alisema kuwa kikundi kinajihusisha na shughuli za ushonaji wa nguo (ufundi cherehani) ambapo awali walikuwa na changamoto nyingi za kifedha na vifaa. “Baada ya kupata taarifa kutoka kwa afisa maendeleo wa kata kuhusu mikopo ya asilimia 10, tulielekezwa hatua za kuchukua na tukafuata taratibu, tukaanzisha kikundi, tukasajiliwa rasmi, na hatimaye tukaomba mkopo wa shilingi milioni tatu tukiwa wanachama watano. Kupitia mkopo huo, Angel Group tumenunua mashine ya kushonea ya ‘overlock’ kwa ajili ya kukamilisha ushonaji wa nguo ‘finishing’, pamoja na vifaa vingine vya ushonaji” alisema Mwanjila.




Ikumbukwe kuwa katika kipindi cha miaka minne ya uongozi wa Rais, Dkt. Samia Suluhu Hassan mikopo ya asilimia 10 imeendelea kuwa mkombozi kwa wananchi wa Kata ya Kizota huku wanufaika wakubwa wakiwa ni makundi ya wanawake, vijana na watu wenye ulemavu. Fursa ya kujikwamua kiuchumi kupitia miradi mbalimbali ya ujasiriamali imekua kichocheo cha maendeleo katika Jiji la Dodoma.

MWISHO

 

 

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more